ching 儲齊 cenobites 套公仔 !? 勁 !:50:
有無扭下個「方塊」，睇下有無幾條友係牆到走出來？:34:
ching 儲齊 cenobites 套公仔 !? 勁 !
有無扭下個「方塊」，睇下有無幾條友係牆到走出來？
toycoffe 發表於 23-4-2011 01:19 AM http://www.toysdaily.com/discuz/images/common/back.gif
唔扭得架…:56:
得六個平面…合成一個立體正方形。用黎呃下人…呃下自己咋~
如果真係出「方塊」形的扭計骰玩具，真係無得唔買，不過此系列人氣低下，相信不會出了。l另外，其實曾經出過 第二集頭目醫生 和 第一、二集 Julia 角色的公仔，當年無買，現在已經絕跡 :63:
如果真係出「方塊」形的扭計骰玩具，真係無得唔買，不過此系列人氣低下，相信不會出了。l另外，其實曾經出過 ...
toycoffe 發表於 23-4-2011 02:35 PM http://www.toysdaily.com/discuz/images/common/back.gif
其實唔係人氣低下…係拍爛左…如果重拍版好睇，呢個系列應該可以起死回生。
其實呢套野既故仔幾老土，佢正既地方，應該係角色設計。80年代黎講，釘頭人真係超酷！（我相信你咁熟恐怖電影，應該知呢個設計係出於偶然，當年為左令釘頭人既釘分布平均，所以有那些「正方格」，結果當正方格同釘同時存在時…「嘩！好正。」結果釘頭人就變成現在既樣。）
另外除左釘頭人，那些邪魔造型亦好得，sm得黎又邪惡。都相當經得起時間考驗。
但如果重睇第一集…最驚嚇既，反而係主角既80年代髮型同衫…
釘頭人班怪物反而經得起時間考驗，都現在睇都超型。
（當年『麥花靈』都搵過釘頭人設計師設計一系列「被折磨的靈魂」，小弟只入左第一套，因為覺得似釘頭人造型，第二套覺得純玩血獎，無咩有型，只係核突。但後黎佢地既出品越黎越唔血腥時…我就好後悔無入第二輯…嗚嗚…玩具一後追…就會貴到唔想買…）
而猛鬼追魂系列電影，其實唔止一二集值得睇，後面其中一集，有講釘頭人點黎，同埋個方塊既來源。都值得一睇。拍得幾好…可惜個結局就落雨收柴，同猛鬼街一樣，寫條「合理」既方式黎打抵釘頭人…結果成個系列停哂)(*&^%$$#@
點知後黎就好似「異種」咁，用呢個牌頭黎拍電視電影（定係錄影帶電影）…
總之就係好平咁拍，結果無特技之下既第一套，反而有返少少劇情…
佢地見好就以為行得通…拍到垃垃圾圾…
之後真係可以完全唔睇…因為釘頭人同特技都只係會出一出鏡…(*&^%$#@!@^^$^*
猛鬼街…
其實當日細個睇第一集…真係嚇死。
但唔知幾時開始…就喜歡freddy到不得了。成為最喜歡既恐怖角色。
其實佢1-7集。第一集成功唔好理啦。（只係想補充講，呢套片有仲未成名既「尊尼特普」。）
其餘既…佢地試左好多野，第二集就玩特技而忘記要寫故事…
聽講第四集係好睇返架。而猛鬼街系列其實係試左好多新既特技…
第四集聽講係最「噁心」既一集。
所以都唔可以話成個系列一無可取…
最失望一定係連原導演都失望既freddy dead…失望到原導演都要拍返freddy…
就知佢幾唔滿意…但結果係fans又一次失望…
freddy dead衰既地方，除左無端端整個女俾freddy，就要數無端端整到freddy有個「合理」死法…
咁就大單…從此freddy唔再無敵。（連freddy vs jason都係用返果個方法對付佢…）
而原導演那套freddy…小弟就憎佢幫freddy重新設計過造型。freddy正在用一d可以日常接觸既野做爪…佢就整隻連住血肉既爪…
freddy既燒傷造型，係令正常人唔敢正眼望既，佢就整個類似撕開肌肉既面俾佢，成隻freddy乾淨哂…咁就無左佢份「味道」…
故唔到後黎既freddy vs jason會好睇返，可惜當年網上投票，freddy唔夠票贏…結果輸左。
嗚~~~~我想睇freddy贏既結局呀！
黑色星期五…
佢成為經典一定係由第二集開始，因為第一集其實係無jason。jason係某人扮出黎。
後來應該總共有10集，最後一集係上太空。
而第九集既設定非常差…因為jason變左好似鬼魂既存在…佢會周圍上人身…
睇呢套野80%係睇人同人殺黎殺去…唔係面具人屠殺…要睇人殺人我使Q睇黑色星期五？
最後無厘頭咁扯左jason落地獄…咁就完。但最正既係…最後成隻jason無左…得返個面具係地下。就出字幕…但字幕完左之後，一把瘋狂既笑聲同埋一隻刀片手一野扯左個面具入地下。
就佈下左freddy vs jason呢條伏線…而呢個世紀決鬥…要隔成十年…中間就無端白事有返隻jason，同埋有人帶佢上太空…頂~~~~
p.s.jason同freddy呢兩個後黎好爛既系列入面，都有一d有幽默感既位…令到兩個角色殺人殺得好可愛…唔係…真係要挨住黎睇…當然兩者既全系列我係無挨哂既…有d真係睇到爆粗！
德州電鋸既重拍版，我覺得好睇，好睇到我搵返原作第一集。
但原第一集係好多地方既禁片…香港都禁過下…
所以好難搵，不過小弟都有緣睇過。
如果想接觸呢個系列，重拍版係緊湊d，因為用現代既方式拍，而拍既人掌握到節奏同氣氛。唔錯。（黑色星期五既重拍都睇得過。）
但原版第一集，就講唔出既噁心同不安感…節奏雖慢…但係當年特技雖然粗糙，但反而有一種真實感。係相當令人不安既一套片。
而月光光系列，小弟就已經忘記得一乾二淨…除左首音樂。所以唔知點傾。
而80年代恐怖系列，娃鬼追魂係值得一講。點解呢隻咁恐怖既公仔，佢地會覺得得意到可以設計為兒童玩具，哈？
當然推返呢點就第一集都唔會存在…
呢套戲隻恐怖公仔配音，係異形第四集那個博士。配足咁多集，真係好。
而後來想再續呢個系列既「娃鬼新娘」，無記錯就係freddy vs jason那香港導演。
可惜反應好似不過不失。但呢套戲有一點可以講下，就係戲中警察証物房中，係有「刀爪」同
「曲棍球面具」…呵呵~~~
如果只計單集…80年代既惡夢…應該包括「怪型the thing」（呢套真係要睇。特技家下睇會差d，但構思真係好正。），「變形人魔fly」
應該咁就差唔多啦。
其實唔係人氣低下…係拍爛左…如果重拍版好睇，呢個系列應該可以起死回生。
其實呢套野既故仔 ...
原罪 發表於 25-4-2011 02:11 AM http://toysdaily.com/discuz/images/common/back.gif
猛鬼追魂系列最後的幾作，有的原劇本根本沒有釘頭人，最後才硬加上去，故事可說完全偏離一、二集的世界 (但其中一集有第一集的女主角角色，而且是同一演員演繹，可惜水準仍然乏善可陳)。有的因為成本關係，新出的邪魔造形簡陋，見倒甘的造形，想唔令人噴飯都幾難。
另外不得不提，原作者正在寫猛鬼追魂終結篇小說，其中揚言會殺死釘頭人。但呢本小說，寫了幾年，現在仍然在草稿階段，不知何年何月始能夠面世……
本帖最後由 lokia 於 25-4-2011 10:47 AM 編輯
http://img.funshion.com/attachment/2007/07-29/079284131X_01_LZZZZZZZ.gif
重有他, 細個睇嚇到~:50: 建議看第一、二集~~:71: 故事比較完整~
同較新的
http://www.obscurehorror.com/Jeepers_creepers_2a.jpg
猛鬼街
同 Ching 一樣，是本人最喜歡的恐怖片角色。自從看完了第一集，便喜愛了這一角色。當時的Freddy 和日後的有些微分別，出場沒有"寸寸供"的對白，純粹是一名殺人鬼。其 Remake 揚言要回歸原點，將原本的的恐怖感再次呈現，但就將造形變得簡陋，完全欠缺一種殺人鬼應有的狂氣感覺；新演員 (Watchmen的 Rorschach，其實他在 Watchmen裡做得不錯) 也演繹不出 Freddy 本來帶給人的恐怖感，反而令人覺得他非常弱 (這個 Freddy 相信在 Jason 的攻擊下挨不過三分鐘……)實在敗筆。
至於 Final Nightmare，絕對是系列的惡夢，甚至有一場戲講述 Freddy 把人變成遊戲機中的角色，以 Joystick 控制他玩遊戲，搞笑非常。第四集嘛，某程度上是三的續集，由 Diehard 2 的導演執導，其女主角可說系列中唯一擁有可以和 Freddy 力量匹敵的超人，而且還會隨著同伴的死而昇 level (:26:.......)，本作其特技和制作水準也足夠，可以一看。
由於本人是第一，第三集的 fans，期待 Neca 即將發售的第一，第三集 Freddy figure:66:
猛鬼追魂系列電影其實1至3係OK！之後就...:31:第2集最好！
猛鬼街
同 Ching 一樣，是本人最喜歡的恐怖片角色。自從看完了第一集，便喜愛了這一角色。當時的Freddy 和 ...
toycoffe 發表於 25-4-2011 10:50 AM http://www.toysdaily.com/discuz/images/common/back.gif
好開心搵到睇恐怖片既同好:77:
我諗呢d恐怖片…有d真係好「恐怖」…（悶爆:69:）
其實第一集既freddy已經好喜歡攪d受害人笑唔出既邪惡玩笑啦。
例如佢自割手指，仲有系列名場面「申利電話」。
呢個角色唔係一味殺殺殺，佢會嚇，同串一餐。
先係佢同其他接近啞既80年代恐怖角色既最大分別。
同感，竟然係 TD 搵到睇恐怖片的同好，而且竟然唔少，真係 happy :43:
Freddy獨特之處係，係夢入面佢玩乜到得，所以可以有心情玩邪惡玩笑。第一集其實充滿名場面，，以前印象最深莫過於 Tina 和 尊尼特普 二人的死法，第一次看真係震驚，原來恐怖片可以拍成這樣，導演的確有料到。
果個年代真係恐怖片的黃金年代 :79: