天使心兄,
其實估佢會耐不耐會heat一次, 如同d比較大既周年紀念, 果時又再掩下我地d老鬼錢, 但睇怕吾可以掩得幾多次, 年紀大了, 買玩具既限制, 意欲亦不同了.....
天使心兄,
其實估佢會耐不耐會heat一次, 例如d比較大既周年紀念, 果時又再掩下我地d老鬼錢, 但睇怕吾可以掩得幾多次, 年紀大了, 買玩具既限制(地方), 意欲亦不同了.....最致命係依家無靚仔去加入玩,儲老筋野......
天使心兄,
其實估佢會耐不耐會heat一次, 例如d比較大既周年紀念, 果時又再掩下我地d老鬼錢, 但睇怕吾可以掩得幾多次, 年紀大了, 買玩具既限制(地方), 意欲亦不同了.....最致命係依家無靚仔去加入玩,儲老筋野......
本帖最後由 keve0223 於 23-7-2013 08:36 PM 編輯
其實如果講筋肉人玩具始終最好玩浪曼堂因為人最齊雖然手功參差不過造形特別而且漫畫風味很重！超像雖然關節活動多上色ok不過造形似足jojo整到figure似足營養不良完全沒了筋肉人風格！我接觸筋肉人距今都30年有多，是從當年一本叫“漫畫週刊”中得知當年稱為核突卡通叫作肌肉超人後期亞視播放後才统稱筋肉人！第一次接觸漫畫則是6年級從百佰伴買的第一本日文版漫畫記得是第17期（因為此期封面多唔同既超人）自此便喜歡上此漫畫！筋肉人產品都買了不少，不過小朋友都不會保存玩具結果都令他們去了焚化爐要不然到現在必然值得個錢！現在再買的玩具大都是浪曼堂，雖然為數不多卻勉強可以慰藉下我呢種中年diehard fans!
可惜浪漫堂唔再浪漫，收咗檔，不過最近日本筋肉人重新出書新故事，同重出1-35日文新封面。keep 住D新搞作，同埋有D一番獎出下，慰藉下Dfans
本帖最後由 keve0223 於 22-7-2013 11:24 PM 編輯
香港出左37期後都冇哂聲氣，漫畫真係繼續出機會唔大；畢竟現在互聯網太普及今天出版明天網便有得睇，出版商利潤受到影響，如非特別hit既漫畫都好難出到了！，以前2世係有線做都反應好一般，畢竟卡通要係免費台做先掂；當年雖然係亞視做但都做到家傳戶曉至少當年所有小朋友都知！唔知可唔可以向兩間免費台反映一下重播筋肉人而且要在深夜時間因為當年因暴力問題而播到戰神便腰斬，希望可以看餘下部份，雖然有人說可以看dvd但卡通片始終要看粵語配音先有味道尤其是這套經典!
其實浪曼堂都算係咁，執之前可出的都出到差不多，可惜當年比較忙以致錯過了好多個自己喜歡的作品，成為一生憾事，現在想買回都比較困難！
同意，而且筋肉人係香港嘅支持率有限，題材又唔及進撃，one piece咁有趣，如果一個冇之前印象嘅讀者由二世睇起，未必有吸引力，雖然D新人物設計新潮咗，但論精簡經典唔及一世，加上一世漫畫市面難尋，網上可能有，但筋肉人一世好睇都要到第8期先至叫做入題，之前論畫功，故事，人物喺前七期都算未搭好，電視方面D畫功個人覺得算係馬虎風格，再加上當年腰斬戰神對tea cup 人同五角星嘅殘忍鏡頭而遭腰斬，大家難以投入。漫畫一世其實越畫越好，超人奧運會之後嘅惡魔超人到六騎士，雙打賽到肉星皇位爭奪戰，人設角色到必殺技都比2世嗰D好。今次日文新連載單行本到43期，呢次正義，惡魔超人合力抗衡完美超人，都幾新鮮。D畫冇走樣，有興趣可以留意下。
浪漫堂D人偶，你去yahoo jp睇下，D價幾乎㝝晒，除咗一D本來就稀少同臨收檔前嗰幾隻，其下都好合理下，相比以前下下幾千円同受注生產嘅天價。
本帖最後由 keve0223 於 23-7-2013 08:29 PM 編輯
冇錯！一世人設好得多，好多電影漫畫卡通都走不了很難超越一集既定律！至於浪曼堂在日本跌價可能同香港一樣fans青黃不接關係！看了天使兄的浪曼堂收藏真令人羨慕必定花了好多時間金錢！講開浪曼堂你最喜歡那一隻！先說我擁有的ultimate muscle （u.m)系列便是阿修羅六騎士ver 不同手那隻，big fight muscle(b.f.m)便是那隻魔雲天mountain!至於我沒有但仍然欣賞的u.m便是satan cross感覺很精緻認真！b.f.m便是那隻叫junkman雖然是小配角卻在日本價格長期維持5000yen雖然用料好差，但勝在傳神，最有趣是附件是一個被壓到變四方形的羅賓︿︿！曾經想找日本代bid，不過價錢高了點，但最大問題是要等又不知貨品有冇問題，你知浪記筋肉人產品qc麻麻，不是親眼看過才買，分分鐘瀬野！後期日本出的手工好多了，不過感到有些偷功減料輕飄飄咁，價錢卻貴得多感覺不值！要知道浪記筋肉人最過癮便是那種墜手的感覺，但墜手上色同手工卻又是不好，只好說一句完美主義者請勿購買><
漫曼堂最好玩應該係有幾隻，真係有多D關節或多D裝備或有D野換同多D道具咁分會似玩多過擺設。
一世浪漫堂好嘢
Santa cross ：正，可分可合，重手，關節算多，造形手功都算係浪漫堂既代表作。
戰神ex：多關即，多野換，高大造形正
拉麵男皇位戰衣ver：有衫有關節
蒙古男同大水牛套裝：有關節有比例，雙打中最好嘅一對
阿修羅騎士版（六手不同最正）：好多隻手又唔阻活動性能
彈弓人：可伸縮，算ok
筋肉人Dx連中野或肉仔版：多關節同多隻公仔
菱鏡人：透明可換尖手尖腳，有個骷骨（班馬筋肉人被七色浴光射中）再送鋸鑡型冰塊
宇宙獵人omegaman：可換背部手，可自加支鎗做到漫畫中射殺對手嘅場面
皇位戰中嘅bikeman：可換頭變車或換阿龍個頭
本帖最後由 keve0223 於 24-7-2013 06:48 AM 編輯
基本上完全同意閣下見解，戰神ex係咁多件關節動得最順既一個配件又多又好玩，又有多塊面換又有人工心臟，鋼爪手同腳，極忠於原著，唯一要彈是太瘦，其他都9分以上。其實超像強調多關節但有些關節卻不順又易爛，不過造型真實肌肉紋理似真人而已，連最炒得既水牛人我都認為一般似藝術品多點沒有漫畫風味！山口式只出一個，頭部怪怪側面有好明顯開個痕因為要換眼吧！
講番浪記如你說公仔會送一些配件，但有時卻無聊無用簡陋，雖然無聊但有時卻令人會心微笑！。例如忍者送兩隻可放在肩上既固定器有看漫畫應該知道什麼，亞特蘭提斯送粒口水波，加條水柱唔知有咩用？soldier送旗同人頭，phoenix送書和智慧神人面，惡魔將軍送黃金面具，鱷魚人送恐龍腳（本人十分喜歡），walkman人送錄音帶，同拉麵男，戰神羅賓表情既頭，hawkman送光頭同鷹一隻，百噸王送奪目指，武道送三個頭但好難換，手一隻用來交叉撞擊吧！再有塊釘板等等……
可惜我上來這討論區遲要不然可和多d同好聊筋肉人，不過好高興認識達人級既天使心兄，肯同我吹下水，因為我周圍的朋友沒有一個玩筋肉人，所以我長期自娛，有時都頗悶，所以這幾天便盡量暢所欲言，希望大家體諒！
本帖最後由 angelheart 於 24-7-2013 09:42 PM 編輯
你說得極對，那些簡陋得可憐的點綴配件又真的位處可有可無之間，但配埋又的而且確可把人物那些在腦內的名場面再一次重溫，對fans來講不失為一件好事，不曾閱讀過漫畫者可能不明其用處。但又如你所述，有的真是難以更換，怕換件未果原件在卸下時已損懷(如你指出的大武道頭及手之更換，廁多人的糞便更換成水喉等，希特拉一世的頭部更換，初版戰神手臂，那個美國肥仔換頭，咖哩人換奶樽等，小弟都想知廠方是否有試過更換)。再者，浪漫堂有一段時間出的人偶角色更是不堪入目，希特拉一世的姿勢，卡米，傑西企唔直，2個美國選手;個肥仔由肥變成半肥瘦，雖則千多円，但都好惡梗。後來junk man,海皇星惡覇(喧嘩男），sunshine騎士版， 地獄凱旋門加印第安人莊尼武，星球人，阿特蘭提斯，鱷魚人又ok番, 跟住去到皇位篇D公仔其實已經算係高峰，巴特農神殿TV版，攪拌大帝，長毛像人，亞米加獵人，十字妖，忍者，百噸王，bike man,禿鷹人，坦克人，唔玩得都睇得，有D身形巨大，display起來都好有氣派。後來又有神殿漫畫版(仲要日本制造），攻勢一浪接一浪，加上二世（2世嘅好物kelvin mask， checkmate，希特拉徙弟，海象人），浪漫堂mini人形（出咗幾隻又玩完，出咗圖仲有長毛象，坦克人同鋼鉗人只能成為遺憾），仲有出過一D好似rider嘅企膠（3款左右）氣勢一時冇兩，但結果都係銷量，（後期記得佢好似全部轉晒限定，史上最多限定嘅公司，有數量限定，受注期間限定，動漫色版本限定，同懷古堂合作限定，透明限定）質量(後期又重伸塑造關節「新不如舊」同又重新推出已出人物如惡魔將軍，狼俠等），價格（全膠玩具價格不斷上升，但性價比下降）而且円價滙率高企，嚇怕海外買家）同人氣不足(當時冇延續篇，有二世，但人氣及設計始終有距離，ccp剛出，five star又未成氣候，又未有kin29 shop)，冚死咗浪記。小弟亦有幸與筋肉人fans的你交流，以往亦人數是比現在多，kelvin mask 大大更不惜努力更新，可惜在香港賞識筋肉人者始終有限，要不然這主題區會更熱鬧更多資訊。
天使心兄從前頁知道你想開專門店雖然困難重重，但希望有朝一日你能成事，到時一定支持你！那時想補購一些浪曼堂產品便多了一門路；不過筋肉產品現是否容易入到貨同成本利潤是否能平衡又確是問題，祝尓願望成真，到時香港筋友便多一落腳點！
哈哈！終於買到隻浪曼堂satancross雖然貴d但古董野冇計，但真係幾值得，重手兼好玩造型唔錯不過好似比例上粗壯左d同埋浪曼堂基本弱點實心膠公仔表面必定有點花上色一般，其餘都100分
https://fbcdn-sphotos-f-a.akamaihd.net/hphotos-ak-ash3/1237313_10151914488345530_51279768_o.jpg