DIY 掛牆櫃 (工程完成，已經入伙)
本帖最後由 kaijinx1 於 2-4-2018 03:15 AM 編輯近年買的玩具全部都不見天日，沒有位display。想做飾櫃又冇位放，唯有向高空發展，造掛牆櫃。地方實在有限，只能夠造薄身櫃。
薄身櫃空間有限，一於整兩個：房造一個大，約150cm(W)x100cm(H)x20cm(D)，廳造一個細，約110cm(W)x70cm(H)x14cm(D)。
由於係DIY，只諗到最簡單做法：四塊木板圍一個框, 鑽上牆，再加門同層板。
上星期訂做的木板昨天送到，開工!
木板係去砵蘭街木行訂做的，牌子叫"德萊板"，其實係一塊木板幫你黐好兩面防火膠板及封好四條邊。
由於呢d板本身主要用途只係用作櫃門，所以木板質地只係最cheap的蔗渣木，木板只得約2cm厚，唔會好受力，放重野好容易彎。
另外買一卷防火膠板(2.4m x 1.2m)，用來做櫃底，遮住幅牆原本d窿呀，污積呀。
木行亦有得做呢種鋁框玻璃門，原本諗住求其用塊透明膠片做門，不過而家d膠片都幾貴，計落個細櫃用玻璃門都唔係貴好多。
八塊木板，一卷膠板，一隻玻璃門，總共花左$1316。
開工! 首先切防火膠板。除左遮住幅牆原本d污積，亦都方便成塊舖上牆mark位鑽窿，如果想加背鏡用海綿貼黐落膠板就得。
首先整個細櫃，設計上比大果個簡單。先在兩塊側板鑽窿上層板恤：
假組一下：
然後板四邊開窿，預備上螺絲，組合成框：
將門較的底座上螺絲上頂板，螺絲打斜入會增加強度：
組合成框，上牆用的角碼暫時未上入木框，因為鑽牆時好容易有偏差，到時先有位可以走盞：
將膠板舖上牆mark鑽窿位。相中牆上的框其實係之前掛畫留下的積，你話唔用膠板遮住幾難睇，實際鑽窿位係果四個十字：
先鑽左上角，點知即刻瀨野，移曬位：
重新再mark過d位，鑽右上角，今次好d。再舖上膠板，確認下面兩個窿位：
十字為第一次mark的位，因為鑽第一個窿的失誤，再mark位變成左邊的圓圈，鑽完第二個窿再確認，變成上少少個黑圓圈，偏差都幾大：
搽d液體釘落膠板背面中間位置，黐實幅牆，以免塊膠板"pau"起。將四隻角碼上實螺絲：
托個木框上去確認上螺絲的位置，幾好，冇偏差，然後就上螺絲將木框收實：
d螺絲外露，其實幾難睇：
裝上玻璃門，估唔到隻門咁鬼重，托上去果下真係想死，訂果時冇聽阿姐意見加多隻門較，家下有d危危乎，希望頂得順：
遲d去買埋d玻璃層板就大功告成!
聽日開工造大果個櫃。請各位繼續支持。 :77: GOOD AR>>> 樓主好厲害, DIY, 熱讚!:71:
期待玩具上櫃新POST!:) 圖文並茂, 精彩!!! :) 本帖最後由 kaijinx1 於 2-4-2018 03:15 AM 編輯
越諗越驚個較頂唔順，個玻璃門會跌落黎，今日找到兩塊硬鐵片，鑽上櫃底幫手頂住道門，減輕較位的壓力：
之後開工整第二個櫃。主要係會用托架，方便更改每層高度。會用四支牆柱，將個櫃分開左右兩組層板。
牆柱同托臂都係購自砵蘭街，宜家傢俬都有類似產品，但size選擇比較少：
牆柱(長1m) $30一支，托臂(5") $30一對，共花左$300。但買左翻來先發覺牆柱的造功比較差，其中一支牆柱d開孔位居然同其他三支唔對。:what:
在每支柱的兩端裝上角碼，用來支撐頂板及底板。裝上角碼後會遮住牆柱原本的螺絲孔，要用電鑽在角碼鑽翻d窿位：
今日進度比較慢。:( :$ Very good ar! 用3分玻璃? 回復 7# 0din
你指隻鋁框玻璃門嗎？只係2分玻璃。 外行人好奇問∼:77:
支電批鑽墻都夠力？
度門無支撐不能保持打開，到時咪要兩個先做到野．
不過最怕都係個櫃支持不住•這櫃可負重多少？ 回復 9# -(0_0)-
CHing, 我都係外行人。
另外有電鑽鑽墻。
冇錯，其實上揭門應該加油壓撐幫助保持打開，但我又唔係日日開，所以偷懶唔加，到時用個頭頂住度門，或者用支地拖棍頂住 :(
我都唔知可以負重幾多，不過我只係諗住擺d小玩具，而且個櫃容量好細，想擺多d都唔得。上墻果幾粒螺絲我用2寸長，2分粗，應該都幾夠力的，我只係驚道門太重。 本帖最後由 kaijinx1 於 2-4-2018 03:18 AM 編輯
今日主要出街shopping，買d材料。
大櫃諗住用趟門，買左一對最簡單的"山"字膠路軌 ($35)。淺的裝落櫃底，深的裝落櫃頂。裝完路軌後個櫃冇左2cm深度。
然後將四塊板組合成框，聽日鑽牆。 上墻果幾粒螺絲唔用爆炸螺絲??
鋁框玻璃門用幾多分的 門較??? 回復0din
你指隻鋁框玻璃門嗎？只係2分玻璃。
kaijinx1 發表於 4/6/2010 18:04 http://www.toysdaily.com/discuz/images/common/back.gif
你2分又用山字路
有機玻璃好過喇
貴小小 輕多多 本帖最後由 kaijinx1 於 2-4-2018 03:18 AM 編輯
回復 12# 水水的基地
我諗都要加多兩隻角碼用拉爆，觀察左幾日，細櫃塊頂板明顯俾鋁框玻璃門扯彎左。:time:
門較只係普通size的煙斗較，有分幾多分的嗎？ 本帖最後由 kaijinx1 於 6-6-2010 04:53 PM 編輯
回復 13# 0din
山字路係另一個櫃的，呢個會用5mm膠片做趟門，唔用玻璃。
有機玻璃輕幾多？可唔可以做層板？問過玻璃舖，細櫃因為好闊(110cm)，又只得四角層板恤，所以要用三分玻璃。我驚會再增加重量，而家諗緊可能用膠片(加鋁角)代替做層板。CHing有冇其他建議？