等咗年幾終於到手 - 連環小金剛(注意超多圖) 26/5更新
本帖最後由 ONE-SEVEN 於 27-5-2010 12:26 AM 編輯由09年1月知道Fewture會出合金連環小金剛就已經吼住:shiny:
一路等，延期又延期，終於早幾日到手:x 尋晚有時間開箱映相，想同大家分享吓
小弟第一次寫報告，如有錯漏請指正，謝謝:77:
開箱篇
個箱正正方方，每邊大約13"，都算大盒
(另有外箱，印咗Logo紙皮箱一個，冇乜特別，唔映)
個盒都印得幾靚，有原裝卡通同玩具相，4個金剛分咗4個唔同色嘅盒，一眼就分得出係邊個
仲有本印得好靚嘅說明書 (封面係我映得差)
GroundFighter - 葵扇金剛篇
首先出場嘅梗係第一主角葵扇金剛喇
配件唔多，只有額外一對握武器用嘅拳頭，連手掌都冇:42:武器三件，已經係最多嗰個，其餘配件係變身用
大約8"高，合金成份都幾高，上半身同雙腳都係。膊頭、手踭用類似山口式圓球關節，膝頭就用齒輪
三種武器: 魔術劍，魔術鐵錨，發射狀嘅魔術牌
腹部向上推會露冇得發射嘅飛彈發射器，不過推咗上去要揾嘢撩先拉得返落嚟。腳掌因為變形關係，所以可以擺到個奇怪嘅pose而又企得穩:66:
變身銀河號
拆走上半身，腳掌向後屈，加上車頭、車身、貨櫃，再裝埋車頭樣，搞掂！ (留意上下半身只係用球體連接，所以超常SMASH合體嗰陣有d問題，下面會提到)
變身完畢，ok喇，不過一睇身底就有d流
車頭頂部可以拆走，可以見到駕駛員。拆走貨櫃，加返側同尾翼變飛行形態
Blugater - 梅花金剛篇
梅花金剛嘅配件更少，武器只有一支狼牙棒
相片可能唔清楚，不過背部左右兩邊顏色好明顯有分別，左邊好似上少層油，有偏灰現象:@
左邊張相唔駛用電腦都可以有咁嘅效果。另外，最估唔到嘅係今時今日居然要用個額外嘅扣嚟hold實左右身:*
變身珍寶過山車
拆走頭、拳頭、大腿，腳掌向下，加埋駕駛倉，又搞掂 (後面嘅過山車扣都係要額外加，唉~~~~~)
Spinlancer - 鑽石金剛篇
基本上只有一對握武器嘅拳頭(不過其實佢都冇武器)，仲有變身配件
正面冇乜嘢，背面螺絲位多到好似中咗機關鎗咁:what:。自己冇架撑，唯有借劍一用
變身魔術UFO
拆走拳頭，雙腳屈曲，放入飛碟配件內，超級簡單
另外有多一隻小型鑽石金剛，全塑膠，合體用
Arrow Wing - 紅心金剛篇
並非機械人 (細個嗰陣成日諗點解呢個唔係機械人:?)，而且只係用另外三個金剛變身剩咗嘅配件合體而成，都相當環保:34:
唔駛問，全塑膠
有兩款唔同嘅翼更換，全白嗰對唔知係咪合體先用，不過小弟覺得白翼靚d。另機頂可反出另一個駕駛倉
超常SMASH合體篇
簡單d講，只係將所有嘅配件裝上葵扇金剛身上，造型之奇特確實前無古人後無來者:DD
TYPE A
之前提到葵扇金剛上下半身接駁問題，可以喺側面相睇到。因為唔夠力支撑，所有合體葵扇金剛上半身都係向前傾。
TYPE B
同Type A有九成以上相似，只係梅花金剛對腳由打側轉咗上下，同手臂換咗長翼
TYPE C
分別比較大，冇咗鑽石金剛，用咗全隻紅心金剛，同埋梅花金剛去咗後面
合照篇
冇理由唔一齊映幅相嘅。另外加送一幅懷舊機械人合照。
總結
對比70年代出品，造型上的確優化咗好多，合金份量亦算多，但技術上就幾乎冇變。好聽咪叫原汁原味，難聽咪懶得改囉 。:blame:
以2010年嘅技術，唔好話要求做到六神合體、大贊卡咁嘅質素，最少唔好咁多散件要裝拆吖！:67:
另外可以加多對手掌同effect配件，已經好玩好多，塑膠做啫，係咪？
合體就最煩人，散件多，裝裝拆拆都花咗唔少時間:(。真係只此一次，下不違例，打死我都唔會再玩合體 :$
另外，映咗咁多相，又變形又合體，已經有d地方甩油:time:。所以以後只會display，盡量都唔郁佢哋。
咁嘅價錢，咁嘅質素，好多大大郬覺得唔抵？我自己？OK喇，"連環小金剛"呢五個字已經覺得好值，因為回憶無價吖嘛！！
多謝各位捧場:64: 努力呀！十卜呀！:71: :71:... 期待大大之後的 report :71: 多d相~~~please :57: 大大, 我會先 精華&high light 個 post, 請努力講埋 其他機械人 同 合體. thx 十卜 :71: Thanks for report!:71: 連環小金剛~~~當然要支持啦~~~:)我以前細過用過白卡紙整過架車~~~重可以變型添~~~:shy: :71:support, more photo please 好野來 呢隻玩具真係好接近動畫…
冇以前的玩具有自行添加貼紙或改顏色，又冇好似超合金咁優化了！
但係即係好定唔好？ 唔好意思，卒之攪掂哂 好精采的POST,十卜!!
真係花好多時間去影相同組合呢!
我睇完當玩左喇!多謝晒! 合体造型超強~~~~:71: