終於買左End Of Ethernity
尋日行過見到,由於NDS版DQ VI斷晒. 有貨都係炒價..所以無買, 反正玩過SFC版本唔急.
見行版370仲送張sound track, 就忍唔住入手啦.
暫時仲未開, 因為見個系統都幾復雜, 相信要慢慢學習.
值得感慨既係, 姑物論我最後究竟鍾唔鍾意隻game
起碼真係感受到Tri-Ace同SEGA既誠意.
再諗起果隻垃圾FF XIII都可以賣過百萬.
真係希望EOE既成績會不錯...
順帶一提, 去年最正既RPG Dragon Age PS3鐵盒版賣緊唔過三舊
有興趣不妨入手.
PS: 終於正式玩緊一隻買左十幾年都未開封既遊戲--PSONE版本FF VI
由於之前已經玩過SFC版FF VI, 呢隻只係買黎收藏, 因此一直提唔起興趣再試.
見PS3可插值增加解像, 加上FF XIII既失望, 把心一橫又試下, 一試就停唔到手啦... 我見d人物好靚已經想買~~~~不過見到個系統即時 ....... :( 我見d人物好靚已經想買~~~~不過見到個系統即時 .......
黑色三連敗 發表於 10-2-2010 12:44 PM http://www.toysdaily.com/discuz/images/common/back.gif
系統其實好創新, 好有戰略性..
但係好難學, 亦好難玩..
我足足花左兩小時去"讀"同去學點樣玩.
跟手花左10小時完成左序章同一章.
(好灰, 一章BOSS我打左十幾次都有...)
講真, 對個系統仍然係一知半解, 知道應該點樣做, 但係做唔到.
我相信如果學識左應該好有趣味, 但係又有幾多人肯花時間學識
君不見當連FF XIII果個垃圾系統都仲有人話好正, 好有戰略既時候.
就意味家下玩GAME班細路好多都係只求EASY, 初心者向, 不問細節.
所以呢隻遊戲應該唔會受歡迎... 系統其實好創新, 好有戰略性..
但係好難學, 亦好難玩..
我足足花左兩小時去"讀"同去學點樣玩.
跟手花 ...
side3net 發表於 10-2-2010 01:13 PM http://www.toysdaily.com/discuz/images/common/back.gif
我覺得隻game可以換衫 ~~~ 好正 :handshake: 系統其實好創新, 好有戰略性..
但係好難學, 亦好難玩..
我足足花左兩小時去"讀"同去學點樣玩.
跟手花 ...
side3net 發表於 10-2-2010 01:13 PM http://www.toysdaily.com/discuz/images/common/back.gif
大大玩都要花10小時 ~~~ 睇黎都幾難玩 :49: 大大玩都要花10小時 ~~~ 睇黎都幾難玩
黑色三連敗 發表於 10-2-2010 01:51 PM http://www.toysdaily.com/discuz/images/common/back.gif
真係好難玩...
或者等同我講解下系統, 等想玩又唔知好唔好買既人考慮下.
首先, 戰鬥系統上, 攻擊三分種.
直接攻擊----手槍, 威力小, 但係可以直接傷害.
間接攻擊----機槍, 威力大, 但係不能直接傷害
投擲系武器-- 威力大, 可吹飛, 屬直接攻擊, 但有彈數限制, 都幾貴....
好啦, 咁究竟一般攻擊流程係點架呢, 理論上, 你要先以機槍掃隻目標, 假設扣左佢60, 呢個60其實只係暫時傷害值, 一般時間後就會回復, 因此你跟手就要再用手槍OR投擲武器攻擊目標, 咁之前你用機槍掃左目標果60值先會正式轉成傷害值 手槍本身攻擊好低, 對D機甲系武器一般只扣得1咁大把. 所以, 你如果唔先用機槍掃隻野, 根本係無可能可以殺到隻野既.. 但係你又要睇時間播, 因為機槍值既暫時傷害會隨時間回復, 即係話, 如果你用機槍掃左隻野, 一段時間內唔再用手槍等武器攻擊佢, 暫時傷害值就會RESET返去0....而手槍同機槍既傷害值比例, 我計算過真係可以誇到有5比60既. 即係話你用手槍開一槍最多係扣5, 而機槍既暫時傷害值就係60左右, 換句話講, 你用手機槍開一次+手槍一次, 直接可扣佢5+60, 即係65, 但係你用手槍連開六槍, 可能就係得5點咁大把.....所以, 基本要識既野就係, 機槍一定要係首次攻擊, 之後再用其他攻擊...
戰鬥係半實時進行, 每人都有條TIME BAR, 你一有任何行動, 條TIME BAR都會扣, 包括最簡單既"行路", 但你你唔郁佢就唔扣既, 另外, 攻擊又另有一條BAR, 果條BAR叫CHARGE, 滿左就可以有一次攻擊, CHARGE BAR可以儲, 目前筆者最多可以儲四次, 即係可以連擊4次, 但係要留意既地方係, 無論你可以儲幾多次攻擊, TIMEBAR一完你果個回合就會停止一切行動, CHARGE BAR走一圈為之一次, 換言之, 如果你貪心想儲4次攻擊, 但係你條TIME BAR唔夠長, 你果個回合就會變成無任何行動, 白白浪費左一次攻擊. 所以你按鈕時間要好準, 如果唔係就白白浪費左一個回合, 足夠死人架啦, 此外, charge速度係同武器本身性能及目標距離有關既, 越遠越慢, 因此係好大可能由於目標太遠你未charge完條timebar已經行晒..而佢另一最大鑊既地方係, 你唔郁敵人都係唔郁既, 你郁佢又跟住你郁, 變相你唔可以好似玩機戰咁, 等班契弟自己行埋黎比你執..........你一定要主動...另外, 即使timebar夠長, charge又快, 你既攻擊都可以因為身邊其他敵人既攻擊而打斷你本來已經可以發動既攻擊既.........睇到呢處, 係米好想死呢? 本帖最後由 side3net 於 10-2-2010 04:52 PM 編輯
每個敵人都有一個爆甲值, 你一個圓圈BAR圍住隻野既, 而本身攻擊係分成本體攻擊同部位攻擊, 即係話你正面攻擊目標係本體攻擊, 側邊攻擊就會變成部位攻擊, 即係爆甲, 爆甲就可以直接攻擊本體, 傷害會好大, 但係我都講過, 由於係你郁佢先郁既關係, 你想走埋敵人側邊郁佢其實好難, 因為係你轉佢又轉既, 所以你要活用另一技巧就係"換人"啦. 呢隻GAME既系統, 即使條TIMEBAR未行晒你都可以強制換成控制下一個同伴, 被切換既隊員只要TIMEBAR未行晒, 果個會合都未算完, 你仍然係可以再切換返佢既. 而你郁佢先郁既系統係有一個缺點, 就係佢每次只會跟住你隊中既其中一個人先郁, 所以你係可以用一個隊友引佢跟你轉身, 再用另一個埋身爆佢甲既.....即係, 首先第一個隊友用TIMEBAR移動引目標跟你, 再即時切換另一隊友進入其部位攻擊既範圍攻擊, 之後又可以切換回第一個隊友再用餘下TIMEBAR攻擊......
特殊攻擊方面, 遊戲中有一個叫ISG既數值, 開始時得3個, 最多可有好多過(LVL問題). 果個值既係特殊攻擊用, 又係防禦用. 特殊攻擊一般接下"口"制再設定行走路線, 該角色就會發出一次無敵攻擊, 支槍如果CHARGE夠快, TIMEBAR夠多, 理論上可以一擊必殺, 但係會扣一個ISG, 不過留意既係, 無敵攻擊一撞到任何阻礙身, 就會即時停止, 因此出招前已擬定行走路線, 唔係就白白浪費左一次ISG機會. 此外, 當發出無敵攻擊時,中其行走路線如果係曾經穿過其餘兩位隊友, 完成攻擊後會多左一次集體攻擊機會. 集團攻擊就係三個人同時攻擊, 不過佢唔會自動既, 而係手動, 即係你發動作集體攻擊, 你首先用亞A既無敵攻擊目標, 係TIMEBAR未完前盡快切換下一位隊友就可進行連擊, 最多三位隊友可同時攻擊...不斷切換直至其中一人既TIMEBAR用晒為止. 此外, ISG本身除用黎發動特殊技外, 亦是玩家的護身符, 受攻擊一次至無晒HP(間接攻擊), ISG就會消失一個, 間接攻擊既數值就會回歸去0, 但係如果無晒ISG, 任何攻擊都會變成直接攻擊, 而你就會即死....此外每場戰鬥如何利用地型黎攻擊亦好重要既, 如果唔識運用地型, 你會變成人肉槍靶...至於ISG點回復呢, 用手槍既無敵攻擊打down, 打死目標就會加返, 值得一提既係, 用機槍既就唔會回復既. 另外值得一提既係, ISG既容器受一定攻擊會粉碎, 散落係戰場上, 你最好要執返佢地, 事關, 即使你有時間可以儲到三個ISG, 如果其中一整爛左未整, 即使你上限係4個ISG, 但由於爛左一個, 到戰火完結之前都儲不了四個既. , 除非你在地上把碎片尋回並砌返佢....................所以可以好概括咁講, 唔用ISG你必死, 用晒你又死, 而每次戰鬥基本上都係會係用晒同剩返少少ISG之間完成既, 要如何活用ISG就係關鍵.
當以上所有野學識晒, 你就會發現, 其實都好難玩, 因為, 學識唔等於你可以活用..特別係幾時發動ISG, 發動時既行進路線, (ISG發動既無敵攻擊, 係角色會要你先設定一條路線, 之後角色會向該設定左既終點跑去, 到達終點就完, 而到達終點前係只有你打佢, 無佢打你既...至於你可以攻擊幾多次, 就好睇你CHARGE既快慢同終點起點既距離啦.), 另一學問就係同時攻擊, 即使可以出到都唔代表你SURE WIN, 因為出招前都要計算好距離, 時間, 要點樣用先可以用到最盡, 帶來最大傷害, 真係學問多多...
至於LVL, 更加難升, 角色LVL係由各武器熟練度既LVL總和構成, 即係話, 手槍LVL2, 機槍LVL3, 投擲LVL3, 該角色既LVL就會係---LVL8, 熟練度越高越難升就預左架啦, 有GAME書指出, 最好係等閒成日轉武器冬熟練度, 最有效率, 講法雖然無錯, 但呢個只係理論, 因為遊戲中仲有一項係叫重量計算, 隨LVL上升而提高上限, 所以開頭既時間, 係有可能, 特別係個女仔, 你想換支機槍比佢都唔得, 因為過重....而武器提升方法係加入改裝部件, 不過件件都有重量, 支槍越勁越重...投彈又要錢既...回復道具又要錢既, 錢又唔係易賺..(除左任務外, 打一般雜魚戰係無錢既), 而隻GAME亦都唔係無限任務, 一般黎講, 每個CHAPTER只有一個主線任務+三個SIDE任務, 做晒就無架啦, 要等下一個CHAPTER先有. 而D野都幾貴既, 另外, 如果全滅, 再由全滅既地方從來, 都係要錢既...
各位睇完之後, 如果有興趣挑戰自己既玩家, 真係不妨一試, 始終呢隻game真係好有誠意, 畫面人物設計都好靚, CG都係REALTIME唔係好似FF XIII咁CHEAP播片, 所以你換左衫係會即時反映係畫面上邊, 包括過場動畫, 唔似得FF XIII, 換左武器過場既動畫都無換到. 呢個價錢講真好抵玩, 仲有soundtrack送, 算係近期少有好玩既RPG, 不過真係好難玩...要花好多心機既一隻遊戲. 玩DEMO知道，一TEAM人如果可以交X到行既話會有特殊攻擊，但係個場好細，交X行好易會行到去D怪度
ricky828 發表於 10-2-2010 04:51 PM http://www.toysdaily.com/discuz/images/common/back.gif
交叉行唔係特殊攻擊，交叉行係用黎出無敵攻擊時儲同時攻擊用, 一到交叉點就會自動有一次同時攻擊機會, 你可不斷儲既, 但係要另外發動既.. 睇你講到咁複雜:( 搞到我想玩下!:handshake: 睇你講到咁複雜 搞到我想玩下!
阿T 發表於 10-2-2010 11:21 PM http://www.toysdaily.com/discuz/images/common/back.gif
大大~~~~您~~~~~ :( 見到 邊3網大大咁講 ~~~ 實在有太多野要兼顧 ~~~ 我決定投降 :59: 大大~~~~您~~~~~見到 邊3網大大咁講 ~~~ 實在有太多野要兼顧 ~~~ 我決定投降
黑色三連敗 發表於 11-2-2010 11:54 AM http://www.toysdaily.com/discuz/images/common/back.gif
唔係"邊3網", 係"衛星三號網絡" =p 唔係"邊3網", 係"衛星三號網絡" =p
side3net 發表於 12-2-2010 02:38 AM http://www.toysdaily.com/discuz/images/common/back.gif
個朵咁長o既 ~~~~ :no: 難到抽筋....
LVL難昇..
錢難儲..
敵人難打...
招難出...(難在你唔知應該幾時先出...)
自虐式RPG......
就係難度呢個問題, 浪費左呢隻遊戲....
真係未玩過一隻RPG會一日GAME OVER幾十次既...