FINAL FANTASY FANS注意!!!!!
你地入左黎? 以為我係講FF XIII? 哈哈, SORRY, 咁你要失望啦.....我其實要講既係.......登登登登..就係---FINAL FANTASY IV THE AFTER YEARS -月の帰還-
http://www.ff4theafteryears.jp/
http://image.com.com/gamespot/images/2009/167/reviews/958463_20090617_embed001.jpg
如果你曾經玩過FF IV, 並喜歡上此作, 強烈建議你要去試.
呢隻FF屬於FF IV續篇, 主角是上集主角的兒子. 不過雖說是主角, 但由於很多FF IV過往的人物登場, 他們實在非常搶鏡. 所以, 主角的兒子不知不覺已經淪為大配角, 更加上劇情安排上, 佢能力上對比上集班"老餅"黎講, 係極之"廢柴"既...........
http://wiimedia.ign.com/wii/image/article/990/990835/final-fantasy-iv-the-after-years-20090603003741999_640w.jpg
故事主要係講FF IV十幾年後各人既故事, 當然因為發生左一件事, 迫使各人再次集合啦...承接FF IV既結尾, 主角同佢條女係上集最後拯救左世界, 做左國王同皇后, 仲生埋個仔就係今集既主角啦. 故事就唔多透露啦, 因為咁會打擾你既興致, 不過想講既係, 個故事幾得意, 而且有好多令人既緬懷又感動既場面, 特別係當你睇到上集果班角色們個個唔係老晒就長大晒既時候....
睇左SCREENSHOT我知大家一定係處諗, 乜畫面咁"雞"既?.....查實呢隻FF IV THE AFTER YEARS原本係一隻日本手機遊戲, 不過近期終於正式移殖至家用機上, 不過由於原汁原味既關係, 所以佢畫面上係仍然停留係SFC超任年代既, 不過, RPG既野, 個人覺得幾靚都係假, 最緊要都係劇情行先, 再講, FF IV當年都係超任作品, 佢既續篇用返超任風格我反而覺得份外親切(好明顯心理上咁諗係好過D既). 始終呢隻GAME本來係同香港人無緣既iMODE遊戲, 今日可以玩到, 對於喜愛FF IV既玩家黎講, 已經好滿足架啦. 因為完成呢個遊戲先可以正式叫完全攻略完FF IV....
本作同係當年係imode手機上一樣, 分開多個章節, 總共九個章節, 其中本篇本身其實已經包含了三個章節, 其餘七個章節再加上最終篇分成上下篇, 因此實際上其實係不只九個章節既, 而每個章節都有各自既主角, 佢地就係昔日FF IV上既人物, 如幻獸之女, 一生為國既武者, 痴情詩人, 孤高之忍者, 長大左既魔導雙生兒等.對玩家來說,一切一切都充滿了回憶, 至於本故事名義上雖然講就係上集主角既兒子擔正, 但實際上在此"星光熠熠"陣容下, 主角兒子根本就絛咩發揮....其中最搶鏡既...差不多等同實際主角的某人................!!!! 再講落去會有少許劇透.....不過筆者實在忍唔住口啦.. ...各位FF IV FANS, 特別係當年龍騎KAI既FANS, 今集你會好興奮, 因為龍騎非常搶鏡之餘, 本作地位上仲將佢設定成好似一個隱居左既絕世高手一樣..(FF版無名...!? ^_^)而且, 今集佢仲會好似上集主角咁, 突破自身極限成為聖騎士...真係問你死未?
FINAL FANTASY IV THE AFTER YEARS -月の帰還-目前只係出左係任天堂既Wii上(竟然係Wii而唔係NDS).....而且, 佢並唔係市面公開發售, 而係以付款下載模式於Wiiware shop上發售, 而且, 佢既發售方法都幾特別, 佢係分成九個章節各自獨立發售既. 本篇售Wii points 800點, 其餘七章各300-800點. 不過, 無論點樣都好, 你都必需要先買價值800點既本篇先可以玩到其他既. SE呢招都幾毒. 睇到呢處, 我諗好多人已經媽媽聲架啦, 因為呢隻出左兩年既手機超任畫面級數遊戲, 今時今日SE仲夠膽賣呢個價....全套下載要超過5000日元. 又真係過左火位既...隻GAME仲要係FF IV級數(VI都唔係, 陰功...). 不過睇你點睇啦, 你大可當自己回到當年玩緊SFC既年代, 咁你反而係買平左啦, 當年容量8MBit既FF IV要成8800日元(稅別)架, 家下有成16MBit咁大把既FINAL FANTASY IV THE AFTER YEARS -月の帰還-先至5000日元, 算好抵囉....5000日元又有植松伸夫, 又有天野喜考你仲想點? 半個月後既FF XIII, 成649蚊都無呢兩個大師坐鎮呀..!!!
希望佢有朝一日會推出3D REMAKE NDS版....
唔記得左講----------------隻野難度幾高...主要係因為主角真係太廢..... 無玩過
:o 畫面唔靚唔緊要~~~遊戲性同故事性先係主力~~~我都係俾導左先開始玩FF4 :73: 一諗起d黑白魔導士,忍者,詩人,龍騎士~~~wow~~~呢d先係FF :$ 黑白魔導士,忍者,詩人,龍騎士 <= 唉 ... 今天已經變了 online game 的職業 ... :67: 黑白魔導士,忍者,詩人,龍騎士 <= 唉 ... 今天已經變了 online game 的職業 ... :67:<== FF14? 對我呢d唔玩online game o既人黎講,實在對FF有少許失望~~~:56: 原帖由 gabriel 於 29-11-2009 10:18 AM 發表 http://www.toysdaily.com/discuz/images/common/back.gif
買左本攻略但部機封印左...
呢壇野好似只有日文版攻略, 咩有出過中文版咩? 原帖由 gabriel 於 1-12-2009 01:34 PM 發表 http://www.toysdaily.com/discuz/images/common/back.gif
SOGO 11/F 買的, 你認為呢 ?
哈哈哈, 好難講, SOGO11樓早已今非昔比, 唔同以前, 家下係會賣中文書架啦=P
你買既應該係呢本啦?
http://www.square-enix.co.jp/magazine/gamebooks/ff/4the_after_guide/imgs/l.jpg 原帖由 side3net 於 1-12-2009 03:17 PM 發表 http://www.toysdaily.com/discuz/images/common/back.gif
哈哈哈, 好難講, SOGO11樓早已今非昔比, 唔同以前, 家下係會賣中文書架啦=P
你買既應該係呢本啦?
http://www.square-enix.co.jp/magazine/gamebooks/ff/4the_after_guide/imgs/l.jpg 其實你係咪電玩太郎？:73: 原帖由 mushroom 於 1-12-2009 03:51 PM 發表 http://www.toysdaily.com/discuz/images/common/back.gif
其實你係咪電玩太郎？:73:
唔係, 我真名叫蝦李波突 原帖由 side3net 於 1-12-2009 04:54 PM 發表 http://www.toysdaily.com/discuz/images/common/back.gif
唔係, 我真名叫蝦李波突 那是另一個大大的名....:34: 原帖由 mushroom 於 1-12-2009 05:11 PM 發表 http://www.toysdaily.com/discuz/images/common/back.gif
那是另一個大大的名....:34:
咁我唯有改名叫, 邵拿星 原帖由 gabriel 於 1-12-2009 10:24 PM 發表 http://www.toysdaily.com/discuz/images/common/back.gif
係這本
個產地直送...
sogo 以港島區買日文書來說都算好過冇
但真係有點貴
本書得唔得? 同埋, SOGO家下計幾多算..11算?
頁:
[1]
2