憲法, 係可以被修改, 99個都話OK, 咁剩返果一個都真係危架.
每一個制度都有佢既好處同壞處, 遘個極端例子, 泰國都係民選總理, 但係又點?
大陸既共產黨一日唔改變, 香港一日都未係時候轉普選.
首先同樓主講聲對唔住, 竟然將d 話題扯到無雷公咁遠:64:
我唔知呢個post 有幾多人睇, 但係就算係一個半個都好, 我都希望可以用我既幾行字, 稍為推動一下民主發展。
憲法當然可以改, 而且隨住時代改變, 憲法亦有必要去修改. 但係在民主制度之中, 修改憲法係有一個非常嚴格既程序, 比如話中華民國憲法, 就要1/4 立法委員(國會議員)聯合提出動議, 再有3/4既多數議員決議通過, 再再公告6個月, 再再再舉行全民公投, 投票率同埋同意票都要有一半以上, 先會通過. 簡單d講, 就係保障少數人去否決大多數人既權利. 又打個虛構例子, 如果香港有嚴格既公民投票, 我地依家投票是否分晒李家誠d 身價, 可能只要有一少撮有錢佬反對, 已經夠否決呢個提議.
泰國局勢有好多原因(雖然我唔係好熟), 其一可能係法治(rule of law) 不足, 令到選舉出現好多舞弊既情況, 所以人民唔服結果(而香港既法治非常成熟). 其二就係未必有一個適合既民主制度去解決一d 紛爭, 無錯, 民主都有好多唔同制度, 比如美國係行聯邦制, 英法就行單一制. 唔同國家適合唔同類型既民主, 呢個年代我地唔應該再講一個國家是否適合民主, 而應該講呢個國家適合一種咩類型既民主.
我肯定民主政制唔係一個萬能既制度, 佢絕對無可能保證可以選到一個好稱職既執政者, 亦唔可能話有普選就即刻解決香港既種種問題(貧富懸殊, 樓價高企, 教育問題etc) 。曾蔭權同梁家傑選特首既時候, 佢講左一句說話, 話"民主唔係八達通", 我到依家都好認同
但係無論如何, 我依然認為民主總比專政好, 因為民主既目標絕對唔係選一個明君,反而係正視人既自私、貪婪同棧權等等既劣
根性, 而將權力限制、監察同批判, 雖然發展既步伐可能會比較慢, 甚至會不斷犯一d 錯誤, 但係總可以慢慢糾正, 就算我地萬一選左一d 能力較差或者立心不良既人上台, 都唔會俾佢為所慾為, 甚至侵害人民既基本權利
回覆 47# 的文章
或者用籠統d說話黎講, 民主制度選出黎既人, 就算佢做得差都可以接受, 因為係我地揀出黎, 我地要為我地既選擇負責唔係我地揀出黎但係做得差既, 我地冇責任要去接受, 因為o個個人冇認受性, 反抗佢都好正常, 因為我地唔滿意
至少係民主選舉既遊戲規則之下, 我地可以公平d咁揀, 但係冇得選, 代表我地要硬食 D恐慌性言論都幾難叫人去驚。
因為今日根本唔知聽日事。睇下敵視狸就知啦，想當年呃呃tum tum話20年後有回報；早前先話蝕，依家上海又開過個啦，冇競爭都幾難以置信。你可以驚D乜？
咁，收番自由行，又有咩咁好驚？
遲下拆左個羅湖回岸都得tim:66:
我只驚一個愚蠢既香港政府。
但如果個問題係明知既，政府懶理，誰應問責？不如叫政府回應下領匯搞成點嘛。民間早已反對，預知領匯會改變成個屋村既生態。政府係硬推，最後誰得益？誰受害？
鐘意玩玩具既你，依家屋村玩具鋪執到七七八八啦。我地真係要多謝特區政府。
老實說，我真的鄙視買領匯既人。
六大產業？曾硬係想搞啦！之後有事都唔關佢事嘛！鬥嗡發展所謂長遠經濟，倒不如務實D，處理下內部矛盾好過啦
呀，唔記得突手只係做多兩年幾，跟住可以風流快活tim，問責無用。
所以佢點解要咁好死處理最棘手既問題呢？:31:
p.s. 唔知樓主會唔會回應下呢
[ 本帖最後由 lowbcousin 於 4-11-2009 07:34 PM 編輯 ]
回覆 49# 的文章
大哥, 你上述既野好似冇一樣關事喎....... 只係爭論"可能性"，最後就只係變做 "鬥嗡":38:仲可能聽日突手腳痛添:38:
炒河蟹好好食咩？:69:
紙又包唔住火既:26:
[ 本帖最後由 lowbcousin 於 5-11-2009 05:14 PM 編輯 ] 有民主及言論自由等等 = 推動社會進步
冇民主及言論自由等等 = 社會進步緩慢or停止進步
---完全的民主及言論自由開放---
造就一班極度得閒 + 沒有才能 + 冇料到既廢人 出現得把口係咁xyz班官員,
除了日又鬧夜又鬧之外,又唔見佢地比到一個真真正正可以改善民生既方案, 根本毫無建樹...
---有限度既民主---
除了真真正正影響人民生活, 解決社會上既問題之外, 由一班政治家來決定社會方向未嘗唔係一件好事.
好似回歸前既港督都係由英國直接委任, 冇能力既就撤走. 交代太多返而係多餘。
人民最重要係 [有飯食 , 有工開 , 有人生保障]。政治呢家野,對普羅大眾根本就冇太大意義。
日日吵吵鬧鬧只係擾亂社會安寧既行為. 與其嘈嘈閉, 不如諗計令社會零失業, 保障人人有工開,
從而令經濟向上, 稅收亦自然增加, 政府自然就更多資金可以改善人民生活環境及醫療保障。＊＊＊ 小弟愚見:
1.)政府應該要開一些見習職業比各行各業.
令一班未踏足過社會既畢業生一個學習機會.
專門收中學(兼職及提供進修以幫助冇經濟能力讀大學者)及大學畢業生.
並對"唔係讀書材料"既年青人提供專業職業技術以助其尋求工作機會.
2.)政府應該要所有企業都"不可以因為社會經濟下滑而開除員工"
(即係請了後除了嚴重影響公司利益及嚴重遺反公司規則外都唔炒得人)
反而更應該請更多初入社會既年青人.
而且試用期由1.)既學習期間由供職企業評估,
最多係凍薪或每月基本由4日假期加到6日,當然,基本薪金亦可以下調.
人人有工開, 自然人人都有消費能力, 社會經濟自然亦會好.
企業既業務自然亦會增長啦∼＊＊＊ 香港攪成咁,真想移民:no: