[原創][原型創作]自雕 1/6 頭 - wolverine（再改﹣3）
今次第一次在此出post，之前post了去ACTION FIGURE討論區 。之前step的link：http://www.toysdaily.com/discuz/thread-105964-1-3.html今次都改左好多地方，首先係頭髮，因之前係第一次做頭髮，所以做出來很奇怪唔太順眼。不過今次改完只覺好左ddimages/smilies/default/58.gif。還有待改進。
接著是加深誇大一些特點，如眉頭同鼻。接著就是執番好細處，左右的平衡。今次大致是這樣。
請各大大再次俾d意見我，等我修改吓 。
另有問題想請敎閣大大，我用的是sculpey，但做完後總覺表面好多細紋另頭像看落好老，有冇方法可把表面弄致滑些？
另如想做出皮膚毛孔的質感（好以玩在一些成品12"公仔如：敎父），可以怎樣做呢？請閣大大解答小弟以上問題，thx。
http://farm3.static.flickr.com/2490/3899412812_1944fc1c11.jpg
http://farm3.static.flickr.com/2551/3899412820_d0eb139d91.jpg
http://farm3.static.flickr.com/2432/3899412832_755063a9ba.jpg
http://farm4.static.flickr.com/3418/3899412834_20b423b456.jpg
[ 本帖最後由 太歲 於 8-9-2009 02:49 PM 編輯 ] 你想要平滑既程度係邊種女figer個種？
呢種都係乾硬後用沙紙打磨，
如果要表面有毛孔或細致皮膚紋係未焗乾之前用開油水輕掃表面會起沙紋<你要試一試份量搞得唔好會溶左做表面、因為係要輕輕剌一剌sculpey等佢起沙有個皮膚既感覺>，
毛孔可以用硬度適中筆毛比較細既畫筆印落去，<牙刷都可以不過要睇住毛會唔會太粗>
有D皮膚既摺紋<火車軌>都都焗硬前用刀輕輕界線就得。
回覆 2# 的文章
即如想做出細致皮膚紋，就要下個step用開油水（係咪即是郡士的thinner？）用毛毛筆掃一層？等佢自然光後便會做出細致皮膚紋？致於毛孔就用毛筆印出？
另本人聽聞用熱水浸（煲）sculpey，出來效果會比效脆是真的嗎？
如一個1/6的人頭如要焗要焗多少分鐘？
焗硬後的sculpey是非常硬，定是用力用指甲壓落去會有紋是正常？
（因之前試過用熱水浸sculpey，後用力用指甲壓落去可以壓到有紋，正當嗎？）
唔好意思因本人是第一次做及用sculpey，所以想問清楚一點thx。 1)用開油水<其實兩間公司既開油水你都可以試下、郡士會剌得勁D、田官就無咁勁、你要自已試一試你做邊個程度既效果>其實係另表面既油去除、咁個表面就會出現一D好似磨沙咁面。效果會似皮膚既紋理、亦有人用1000、1200呢類幼沙紙交叉式打磨另表面有皮膚紋。
毛孔係可以用筆、牙刷去做。你就咁係舊sculpey試一試印上去就知。
2)sculpey用熱水煲比效脆的確係有咁既情形。其實sculpey遇熱就硬化，所以有人會焗、煲、蒸<暫時未聽過落鑊炒哈哈>，sculpey用熱水煲可能係佢本身既油粉係硬化過程中因遇熱水無左，另佢硬左之後比效脆同埋斷裂位係粉狀。
3)焗硬後的sculpey是非常硬呢個係正常、硬左先可以打磨到表面平滑<女fight個種滑、但其實用sculpey雕女fight係會磨死、因為sculpey唔係咁適合雕好平滑既野、打磨時佢表面有層好似膠咁吸啜住張沙紙>。正常焗硬左係壓唔到紋如果用水煲其實係無煲咁硬，你果種可能未硬透所以可以用力銀凹左佢<因為唔清楚所謂你既用力係點樣既用力、所以只可以估計係未硬透>
1/6 其實每個焗爐火力都唔同，唔好直接乜都無放入去焗！你件作品會因為直接比發熱管焗到窿變成火雞咁，最好用只係單一開到下面發熱管既焗爐，然後上面加塊昇鐵版<跟爐送>，下面最好再放D唔要既紙粘土朗起佢等佢唔好直接惦住塊鐵版。然後大約20~30會分鐘。火力大約150度就足夠太熱會變左BBQ咁出返黎。<買左新爐要搵舊野放入去試你個爐既火力唔好即刻就放自已雕既野入去！會好危險>
如果製作上有問題歡迎你詢問。呢個係我既責任。謝謝:64:
回覆 4# 的文章
非常感激，多謝解答。我會找舊sculpey慢慢試：）希望做到。
你指在上面加塊昇鐵版，塊昇鐵版係咪即係個盤（黑色個個）？
跟住個件就用紙粘土朗起佢放在銀網架上？唔知有冇理解錯誤？
通常是開著爐溫度夠熱先放入去計時？定一開爐即計時等佢慢慢熱？
可唔可以焗完一陣後再焗一陣慢慢焗？
另焗完後要不要由佢在爐處自然cool down先取出？
如即時取出會不會因溫度突變裂開？
又有一堆問題詢問，不好意思：） 1)係、黑色個個盤有D係銀色。唔好比件作品直接對住發熱管就得。
2)無、因為塊版會好熱，sculpey直接放係上面會變左煎豬扒。
3)其實個爐熱大約五分鐘左右，其實無乜所謂。
4)可以。但唔好太多次，累積咁多次一樣會變燒窿餅~
5)等佢係裡面一陣先、<sculpey當遇熱後佢全件都熱晒時件野會軟綿綿左、當冷卻之後就會硬晒、係怕你係呢個時間入面會整斷D幼細位>
6)唔會、佢會自已漫漫變冷。<唔好放人微波爐、你件作品會中左北斗之拳一樣既死法！>
頁:
[1]