2023年第一Post - 超合膠 風靈高達

clpcmt

2023年同兔年第一次出unbox post ，祝大家賺到盤滿缽滿，買玩具買到家肥屋潤！

琴日一次過收咗隻超合金風靈高達同埋隻Strike Rouge Grand Slam，二揀一之下，首先開咗呢一隻，因為想開啲新嘢！結果兩隻都同一晚開晒，晏少少出埋另外一條片，好事要成雙！

由於係超合金系列，所以本身冇抱太大希望，上次隻自由伏過一次之後，對呢個系列完全冇乜期望。首先不得不讚笨大嘅攝影團隊，盒面張相影得幾型，雖然盒面其他設計就唔係好得????

講返隻玩具(係玩具，唔係figure)，今次比自由更加膠，係咪真係要改名做超合膠呢？另外一個敗筆位置就係冇咗齒輪關節，連唯一嘅優點都冇埋

咁衰極都要搵啲好嘅嘢講，佢都有忠於原著嘅正常模式同埋Bit On模式，我覺得正常模式個比例有啲肥腫，好似有一對甲組腳咁樣，變做Bit On模式先至感覺比例好返啲。然後，就沒有然後。真係要講就係有保留着燈裝置，今次前後都有燈，跟住真係冇嘢講啦，自己睇片啦

如果你咁有心睇到嚟呢度，我可以話俾你聽呢個絕對可以係睇咗當買咗系列！希望下晝可以出埋另一條片啦！

Hawk

剛剛睇完片，我冇買過哩個系列，但哩個價錢咁既質素，真係幾難接受，個盾牌要用膠架接合再裝落手臂好礙眼，感覺玩robot魂幾舊水會開心啲

eddiem249

本身機設就已經極差,想扮女體化又兩頭唔到岸,頭大身短,A字肩膀粗大腿,一啲都唔好睇

clpcmt

Hawk 發表於 28-1-2023 01:06 PM
剛剛睇完片，我冇買過哩個系列，但哩個價錢咁既質素，真係幾難接受，個盾牌要用膠架接合再裝落手臂好礙眼， ...

大家睇完可以當買左　ＬＯＬ

clpcmt

eddiem249 發表於 28-1-2023 01:11 PM
本身機設就已經極差,想扮女體化又兩頭唔到岸,頭大身短,A字肩膀粗大腿,一啲都唔好睇 ...

咁唔怪得有甲組腳　ＬＯＬ

diokfic

謝分享 集野真心有的差, 睇咗當買咗.

熱狗OO

呢隻個樣夠似原著, 外型比例無問題

負面位就好多人講過喇, 包括閣下, 不累贅了

我覺得呢隻野最失敗係無得玩燈, 如果所有原著中應該發光D位做足: 胸, 大脾, 頭頂等以LED自由還原到紅紋及綠紋, 全部現時的缺點即時變成無問題, 直接值1500以上