很高興你問了。
JOYTOY係「偉大祖國」一間玩具設計工作室, 佢地得到授權設計及銷售WH40K既可動玩具, 目前係全世界最多款式既WH40K可動玩具廠商。
至於WH40k(warhammer 40,000/戰錘40,000)就犀利喇... 佢係英國一間歷史悠久既桌遊廠旗下一個非常值錢既次文化圈。將所有既奇幻文學生物塞入太空科幻既世界觀中講一個故事超過4萬年既龐大太空史詩。
對於40k, 用最簡單既講法就係--
拋開所有既左膠思維, 進入殘酷既40k宇宙。尼度無慈悲, 無溫柔, 甚至無愛, 只有由敵我雙方士兵既戰哮及慘叫, 刀戟碰撞, 魔法及科技炮彈互射爆炸組成既死亡重金屬做BGM。
係天上星星全部都係敵人既銀河中, 由數以億兆(個數字大到無概念)計既人類軍隊為左守護已經如風中殘燭人類帝國, 不斷用血同軍築建城牆, 消滅所有人類既敵人。
尼個世界所有人類自雙足立地後就再無眼淚, 因為自出娘胎起眼淚已經流乾。
尼個世界所有人類都極度崇拜死亡, 只有死人係絕對既純潔。生命係牢獄, 唯獨死亡係神對人類唯一既憐憫。
尼個世界中人類係銀河中雖然係現存最龐大既勢力, 但人類在一萬年間已經受過太多既背叛及襯火打劫, 唯有消滅所有人外物種人類才有機會係宇宙安心生活。
而所有最哥德, 最血腥, 最硬核, 最殘暴, 最金屬既野都會出現係40k宇宙！
|
發表於 11-6-2022 15:45:52
樓主