Carbotix 合金 Voltron / 金剛戰神 / 百獸王

chan0268

成 14吋高,估計都超过4k...

根本英俊

如果超過四千, 就真係要諗下啦!

而家下下買玩具都幾千蚊上落, 大佬點攪呀!

laiken

根本英俊 發表於 15-7-2021 02:18 PM
如果超過四千, 就真係要諗下啦!

而家下下買玩具都幾千蚊上落, 大佬點攪呀! ...

隻Pose+天威過三字已經坐貨，之前嗰三隻都賣斷市，事實證明，二字已經係好多玩家最盡接受到嘅價錢

laiken

uesugi 發表於 1-7-2021 11:22 PM
無入Ban版的我，幻想空間大了

X2
超合金魂冇入，唔係因為價錢，係因為紅綠獅變手臂時對前肢冇收納到，明明人哋都做到！比起以前d超合金魂設計，隻百獸王真係出得hea咗啲，以為靠名氣就個設計hea啲都得

fallout8

依家d玩具愈出愈大隻，有錢買都無位放。

toylover

laiken 發表於 15-7-2021 03:29 PM
隻Pose+天威過三字已經坐貨，之前嗰三隻都賣斷市，事實證明，二字已經係好多玩家最盡接受到嘅價錢 ...

而家仍然有好多人所有貴價玩具都要買兩盒以上，真係放都放到老化發黃

toylover

u462229 發表於 15-7-2021 10:47 AM
超合金魂的修改版........

其實合金魂又可以睇成舊版合金的可動版嘅，我又唔覺得玩具下下都要將動畫不合理的變型實現
不過呢隻都非常忠於原著，唔會改到 model 身型咁

laiken

fallout8 發表於 15-7-2021 03:46 PM
依家d玩具愈出愈大隻，有錢買都無位放。

因為係香港人住屋先咁慘，你睇下一d內地日本東南亞d網紅玩具開箱片，屋企大把位放。大陸嗰d大屋唔使再多講，我有朋友喺日本東京生活，買咗同香港村屋差唔多size嘅屋，係全間唔係香港分租一層咁，有埋車位，都係三百萬港紙。
所以人哋玩具商點會理香港d人住劏房嘅情況

laiken

toylover 發表於 16-7-2021 10:10 AM
其實合金魂又可以睇成舊版合金的可動版嘅，我又唔覺得玩具下下都要將動畫不合理的變型實現
不過呢隻都非 ...

超合金魂應該係舊版合金玩具嘅極致版，無論造型嘅精細，可動性變型技術，都應該係近乎完美。

半田健人_555

其實講身形比例, 我覺得佢靚過合金魂, 但其實依家唔同廠不斷咁出同一樣產品, 買家一時忍唔住隻隻追, 真係買到窮

toylover

laiken 發表於 16-7-2021 11:42 AM
因為係香港人住屋先咁慘，你睇下一d內地日本東南亞d網紅玩具開箱片，屋企大把位放。大陸嗰d大屋唔使再多 ...

但我覺得香港買玩具算係最方便的地方，一有玩具新出，第一時間在集中地每間都有，要買一定買到

日本／台灣／大陸／韓國，買玩具其實都唔太方便，主要靠網購，我去日本旅行，就算去玩具集中地，但佢哋其實好多熱門玩具都買晒（或無得賣），係好多週邊玩具，但又未必係我專程去想買那一款，如果在日本住得離玩具集中地遠，真係車錢都蝕埋；台灣韓國就仲衰， search 佢的玩具店，好多都係九唔搭八賣兒童玩具；大陸就唔洗講啦，基本上九成要靠網購

半田健人_555

toylover 發表於 18-7-2021 10:22 AM
但我覺得香港買玩具算係最方便的地方，一有玩具新出，第一時間在集中地每間都有，要買一定買到

日本／台 ...

所以依家咪連大陸人都走埋落嚟香港買玩具囉, 師兄唔見近年現時點多咗好多睇玩具嘅人講國語

Vince

官圖 updated

Vince

Vince