本帖最後由 火 於 9-3-2016 04:30 AM 編輯
T伯伯.....oh sorry, 係T-800又be back
想重溫小弟Terminator 1 T-800嘅師兄,歡迎click 入
http://toysdaily.com/discuz/foru ... tra=page%3D1&page=1
Terminator Genisys - 評價兩極嘅一部電影
作為州長重新披甲上陣的Terminator 電影,本應萬眾期待,至少睇吓年過六十有五嘅Terminator究竟係㸃,難得仲要得到原著者占士金馬倫嘅肯定。結果最終評價毀諭參半,雷聲大雨點小,美國本土票房竟然唔過億,仲衰過口碑差劣嘅Terminator Salvation.....
事實上,小弟覺得電影本身並唔係咁差,故事基本上用平行時空嘅方法reboot成個franchise, 如果细心留意,就會發現電影中有唔少致敬鏡頭,唔單止係四集電影,甚至係外傳電視劇亦包含在內,可見製作團隊本身亦係Terminator 嘅die hard fans.有d人可能話電影又翻抄T1 同T2, 但其實Jurassic World 同 Star Wars 第7集,又何嘗唔係倒模Jurassic Park 同 Star Wars 第4集?但係兩齣戲咪又係全球票房大賣!只可以話無論州長定Terminator呢個品牌,响呢個時代已經失去吸金能力,不勝唏噓......其實電影本身留低唔少伏線,但睇嚟而家都係爛尾居多,同電視劇同一命運。
講返figure 本身,呢次HOTTOYS 出嘅係電影前半部的造型。本身電影設定冇乜特別,皮䄛+hoodie嘅造型只係非常一般, 冇乜terminator 嘅味道,似一個尋常路人,亦唔見濃厚嘅80年代特色,小弟反而較喜歡後半部白髮黑䄛嘅造型,起碼型d嘛。
以下所有相都只係手機相,傷眼請見諒。
包裝
普通鞋盒設計,冇乜特別,比HOTTOYS 早年Terminator 糸列銀盒design設計差9條街,而且封面仲要冇厘頭用白髮州長look,搲唒頭......
封面
封底
內盒cover
內盒
頭雕
呢次總共有2個頭雕,1個係正常頭,另1個係微損戰頭。今次HOTTOYS 終於冇再加可動眼,又或者其他唔多實用嘅gimmick, 正正經經咁重塑一個外型完整嘅州長頭雕。
先講正常頭雕,事實上,州長响電影前半部份並唔係十分老,可能係用咗CG執一執,又或者夜景關係,睇落比較似50歲左右。
而家HOTTOYS似乎重手咗
眼神都ok,起碼冇官圖咁憂愁。整體望落去都有8成似,但有少少似Tommy Lee Jones。
而微損戰頭雕,基本上同正常頭雕輪廓一樣,再加上損戰部份,同埋眼神靠右一d。損戰一貫HOTTOYS 水準,作為bonus 頭雕收貨有餘。
素體
HOTTOYS 今次冇用州長專用素體,而改用類似史太龍嗰種中年大隻佬素體,上身同腹部都有上色,仔細度加分。
同MMS117排埋一齊比較,可見州長完美倒三角身型不復見,胸肌比較細,而腰(肚腩?)比較粗,背肌綫條亦有d唔同。
而著衫後身型比例上比上次MMS238順眼d,大頭仔情況冇咁嚴重,而高度亦同DX10看齊,企埋一齊嗰陣亦冇乜違和感。
至於手型方面,除咗本身1對跟身手型,額外送多1對拳頭及1對揸搶手型咁大把,十分珍貴......如果有埋右手故障造型同埋經典嘅呃like手型,咁就真係要比個like HOTTOYS, 可惜.......
問小龍借個呃like手先
服裝
呢次HOTTOYS 標榜皮褸係攞正牌得到Matchless嘅license,照道理應該有足夠資料100%還原。而家大貨出嚟整體都尚算滿意,雖然比唔上DX10,但比MMS238好,比較薄身同貼服。最大遺憾係用人造皮,而唔係真皮做。其實攞得正牌license做gimmick, 小弟真係唔介意係多2、3佰蚊去換取真皮做嘅皮褸囉,DX10成套衫褲都可以用真皮做,點解呢次剩係得件䄛反而唔得呢?再次印證Enterbay係有佢嘅存在價值,可惜俱往矣......
Official Matchless Trademark
膊頭位似乎比辦修正咗,成個形出返嚟,只有領位唔太滿意,仍然唔夠貼服。
其他details 位
Hood 勉強可以戴上,但應該冇乜人會擺呢個look。
至於底衫同長褲冇乜特別,不過不失。
最失望嘅係鞋仍然係膠鞋,其實全身造型已經冇乜難度可言,點解HOTTOYS仍然懶得去用布/皮料去造返對鞋呢?呢樣嘢細廠都做到,係唔係冇人迫就可以hea做呢?
|