211114「叮噹呀 你番黎為乜啫?! 都係回到未來算把啦......」

Tachikoma

https://www.facebook.com/photo.php?fbid=10152793863918672&set=a.10151096778528672.459686.509703671&type=1&theater

lok302007

給喜歡copy and past的ching:
我好想你地寫下comment, 無需寫博士論文. :65:

給支持雨傘的人:
E個世界邊度無分化?無內鬥? 運動之前, 我同夫人講肯定有人混入狗狗震, 網上放流言/洗板/玩線情.  我同夫人講don't worry,:78: 班反佔中人 或 UC 好怕面對近代歷史及新聞. 一講歷史及新聞, 班友便耍太極 {:2_250:}

lok302007

給支持雨傘的人:
E個世界邊度無分化?無內鬥? 運動之前, 我同夫人講肯定有人混入狗狗震, 網上放流言/洗板/玩線情.  我同夫人講don't worry:78:, 班反佔中人 或 UC 好怕面對近代歷史及新聞. 一講歷史及新聞, 班友便耍太極 {:2_250:}.  

Tachikoma

lok302007 發表於 21-11-2014 04:57 PM
給喜歡copy and past的ching:
我好想你地寫下comment, 無需寫博士論文.

就你的提議  當我覺得須為所分享之內容進行補充或加入個人見解等時  自然會做的了  謝謝

太陽之牙

就係因為有依班糾察，令我放棄留守左成個月的金鐘!

一開始佔領時，無大會無大台無糾察，人人出心出力，全民互相合作...大家見到有咩可以幫手就自動做，自己見到有人挑機或者有人做可能破壞佔領的事就會主動勸阻，如果有其他行動(例如有人想行動升級或者警察黎清場)，就會以自己常識同可承受的風險決定自己去向.....

直至有一班權力唔知由邊到黎，自稱「佔中糾察隊」的成立。
第一晚就開始四出拆路障，一次又一次俾留守者阻止後， 開始用暗的，先偷偷拆索帶，再係大家休息緊的零晨4:00去搬鐵馬，好彩搬時被留守者發現，仲大吵起黎，當日媒體都有報導。之後仲不死心，一日想拆幾十次，令留守者跟本無時間休息，應付糾察仲辛苦過應付防暴!之後有財力的大台就利用佢地極大聲的音響滅咗原本各示威者自發的小講台(大台的音響我懷疑開到最大可以傳去全佔領區 =.=)。只要8-12開大台期間有其他小講台開咪，大台會再校大聲D，結果大家只可以俾佢一言堂! 大台用大台力量肯定糾察隊的存在，令原本示威區有常識會自動自發的示威者開始唔再主動...見有人挑機，搵人搵糾察啦...見有人用明火煮食，搵人搵糾察啦....自己就置身事外。大台晚晚唱歌搖手機睇電影，金鐘佔領區由抗爭戰場變成camp site生活體驗營。堅實的留守者痛心，但盡量都唔同佢地嘈，繼續守護好可以守護的戰線, 仲要防內賊....

點知路西法效應唔單止令警察變公安，仲令糾察變城管!
當日旺角打生打死，金鐘大台就係到開演唱會，完全無提醒到場的人要支援旺角。而權威效應下，台下的支持者去到完全無常識的地步...以往未有大台，支持者係會主動查詢邊區要人支援再自動各區流動...但果晚因為大台宣傳叫所有人返金鐘開大會(演唱會?), 結果台下的人完全只沉醉係歌聲下，旺角告急? 唱海闊天空影舉手機相重要D。演唱會節目一完，過萬人就直接轉身返屋企....去到糾察阻人凌晨開咪告知金鐘留守者旺角緊急戰情...龍和告急，糾察阻人吹雞叫支援，仲係大台叫原本想去龍和支援的台下支持者繼續留係台下「集會」!!!!!! 係果一刻，我知道金鍾已經失守! 城堡果然係由裡面攻破!

依家係金鐘佔領區，糾察係橫行的!
受訪依位糾察長晚晚係工黨物資站內飲酒，早上時已醉曬，有時仲會凌晨出黎醉酒鬧事.......所以我必須講，前晚佢阻人叫支援，早上指認行動者給警察拉，琴晚拆其他示威者的小講台...我已經完全唔驚訝。因為對我來說，大台根本就係功能組別同狼英政府，晚晚如CCTVB般麻醉支持者意志，糾察根本就係黑警!!! 金鐘已經係香港現況的縮影!

大家都係爭民主，唔好嘈?
那，大家都係香港人，唔好嘈，唔好要民主，紅黃綠藍一家親吧!

糾察都好辛苦，無功都有勞?
那,黑警都好辛苦的，打示威者係應該的。

有人故意分化運動?
是誰將示威者分化，令行動者變得孤立?
留守者加唔加入行動，可以用自己常識決定，唔需要糾察大台幫大家決定邊個行動應該支援!

如果我地可以忍受因為要成就表面的和諧，而見到不公義都唔出聲，那所有支持普選的香港人何不都為咗香港的和諧接受中共的假普選方案?
如果我地可以接受有特權小圈子幫我地決定行動參與權，那我地何不接受有特權小圈子幫我地決定特首人選? 組特權小圈子去爭取取消特權小圈子特首?
Are you joking me?

(轉貼)