|
本帖最後由 E神 於 17-6-2013 09:00 PM 編輯
玩左幾年,收藏話多唔多,話小唔小,
睇住有的公司由好差,就愈做愈好,
亦有的公司出左名,
愈做愈求其.
今次唻個人偶金草莓獎(Golden Raspberry Awards), 2012-2013 最差人偶選舉,
選出各玩家心中的最差人偶,並且列出原因 (須選已出大貨人偶, 任何公司出品亦可,但必須為 1:6 action figure )
每人可選 2 至 5 隻,希望各ching 都分享一 下~~~~
小弟的心水如下:
1. Hotxxxs - 十週年張量 張國榮
由於亞洲名人比較小出人偶,所以好多香港玩家都好希望有有公司出,
突然有公司說出哥哥人偶,好多香港玩家都好開心,
須然官圖都不是好似哥哥,但,好多人,包括本人,都覺得勉強可接受,
好多人都走去登記落訂,
結果一出大貨,簡直係眼前一黑,比官圖更差,更唔似,
起碼官圖唔會似粻爆同早男.....
仲要皮膚上色效果都比幾年前的出品,什至比什廠更差,
唔止令figure迷,亦令所有哥哥fans 失望.....
(我真的好想當面問下呢間公司的老闆,點解咁都可以出貨比人)
2. Hotxxxs - Dx 10 T-800
在出貨當日,睇到第一張流出圖,嘩左一聲,
見到佢對眼,真係嚇左一跳,唔識點形容.....
好多ching 都話帶左超就好似,我完全同意呢句,,......
****帶左超,真的好似***
小弟只選中以上兩隻figure,只是個人意見,亦可能有其他更差的,
但其中是因為以上兩隻我都想收藏的,但最後都放棄了...
第二名的 t800, 其實只是可動眼出事,其他問題不大,配件亦多,是可以一入,
但第一名的哥哥,,, 大家都好盡力地打燈,就角度影相,,,,,,,其實頭雕似就似,唔似就唔似,
我好幾個剖了哥哥的朋友,都只是把他藏在盒中no eye see,
又或者當自己1688買套老西友加支咪stand..
上得td,多數ching 都係中晒毒的玩家(當然亦有好多鍵盤戰士在其中)
大家在不停排隊比訂等拎貨的同時,
一起分享一下各公司出品的好與壞,
可以比各大公司知道玩家的想法,
絕對係對所有ching 百利而無一害.
希望大家有空一起吹水分享,不喜唔好插咁大力~~
:77: |
|