好搞野: 粵語版<<出師表>>

catcat · 發表於 2-12-2012 13:21:04

粵語版<<出師表>>

你伯爺出黎行，半路就去咗賣咸鴨蛋，睇個勢，依家個地盤分成三嚿，益州睇黎都系保唔住嘅嘞，以後個世道睇黎都幾難崖。

但系你伯爺留低班細慨都好忠心，班懵柄出去劈友連命都唔要，呢D都系睇在你老豆以前俾錢又俾女的份上，現家想報答返你啫。

 嗱，阿叔我現家就只系想你醒醒定定，搞掂你老豆嘅遺願，等D兄弟都有得威;千祈唔好將自己當成一嚿叉焼，辜負左班手足。 

家嚇班兄弟都系自己友嚟，想閙邊個摑邊個，都要公平;唔俾心機做野嘅，成日系度搞三搞四嘅，同埋份人忠忠直直嘅，就交俾保衛科，應該斬手既斬手，應該升職嘅就升職，甘樣就表現到你對大家都系公平嘅，你千其唔好幫埋一邊，對大家大細超。 

郭仔、費仔、董仔，份人都好老實，做野好周到，你爺伯在世個時就特别睇得起佢地，臨死前叫佢地好好幫扶你，阿叔我話齋，會裏面大大細細嘅 事情都可以交俾佢地;你個個懵柄向叔，人好好，亦都好生猛，劈得玩得，你伯爺都話佢“掂”，你得就提拔一下，我覺得收陀地劈友嘅事就交俾佢，一定可以搞大我地個地盤，以後就冇人敢惹我地架嘞。 

我地舊陣時個會點解開始甘勁呢，就系因為一直收埋D老實人，趕走D呃飲呃食既，後黎點解會搞到甘衰，就系因為身邊剩番班口噏噏當秘笈 嘅廢人，你伯爺以前次次同我傾計，講起呢單野都赤赤痛。

侍中、尚書、長史、參軍，呢幾條友都系阿叔我斬過雞頭嘅好兄弟，你一定要信佢地，我地會重振雄風之日就指意曬你嘞! 阿叔本來就系個耕田佬，系南陽都有番幾嚿田，在呢個人隊人既時代，我不想隊人，只系想唔俾人隊。 

你伯爺唔嫌棄我，三日唔埋兩日就走去我屋企，問我點搞好個會，阿叔我就感激到標曬馬尿，甘就跟左你老豆啦。後黎我地會同操爺個會開片，衰左，阿叔我撑住成個會，到現家都廿幾年羅。 

你伯爺知道阿叔我醒目，所以賣咸鴨蛋之前就將大事都交託曬俾我，自從换左你做阿頭之後，我就日日失眠，擔心辜負左大佬嘅心意，所以五月個時就帶住班手兄開船過河，去個個山K啦嘅地方，搞掂曬所有應該搞定嘅野。

依家南邊無人再敢搞三搞四，我地班靚又人强馬壯，應該好好地俾班手足疏弗下。然後再將中原打番番黎，將個D冇本心嘅二五仔通通做低曬，將我地個D忠字頭嘅都扶番起身。咁樣我就算對得你伯爺住啦。至於要點搞，冧橋呢D甘嘅野就要靠攸之、禕仔、允仔佢地嘞。 

呢一次阿叔我就系去劈班契弟，劈唔成嘅話你話點就點。如果搞唔掂個會，你就去搵攸之、禕仔、允仔，我就唔信個班野敢吃碗麪反碗底。阿仔你都應該揾個時間好好地甘諗下你伯爺既話。甘你阿叔我就好欣慰啦。

得啦得啦，時間到，去劈友啦，男人老狗，標曬馬尿甘，都唔知講左D乜野。

原文:

諸葛亮前出師表臣亮言：先帝創業未半，而中道崩殂；今天下三分，益州疲敝，此誠危急存亡之秋也。然侍衛之臣，不懈於內；忠志之士，忘身於外者：蓋追先帝之殊遇，欲報之於陛下也。誠宜開張聖聽，以光先帝遺德，恢弘志士之氣；不宜妄自菲薄，引喻失義，以塞忠諫之路也。宮中府中，俱為一體；陟罰臧否，不宜異同：若有作奸犯科，及為忠善者，宜付有司，論其刑賞，以昭陛下平明之治；不宜偏私，使內外異法也。侍中、侍郎郭攸之、費依、董允等，此皆良實，志慮忠純，是以先帝簡拔以遺陛下：愚以為宮中之事，事無大小，悉以咨之，然後施行，必得裨補闕漏，有所廣益。將軍向寵，性行淑均，曉暢軍事，試用之於昔日，先帝稱之曰“能”，是以眾議舉寵為督：愚以為營中之事，事無大小，悉以咨之，必能使行陣和穆，優劣得所也。親賢臣，遠小人，此先漢所以興隆也；親小人，遠賢臣，此後漢所以傾頹也。先帝在時，每與臣論此事，未嘗不嘆息痛恨於桓、靈也！侍中、尚書、長史、參軍，此悉貞亮死節之臣也，願陛下親之、信之，則漢室之隆，可計日而待也。臣本布衣，躬耕南陽，苟全性命於亂世，不求聞達於諸侯。先帝不以臣卑鄙，猥自枉屈，三顧臣於草廬之中，諮臣以當世之事，由是感激，遂許先帝以驅馳。後值傾覆，受任於敗軍之際，奉命於危難之間：爾來二十有一年矣。先帝知臣謹慎，故臨崩寄臣以大事也。受命以來，夙夜憂慮，恐付託不效，以傷先帝之明；故五月渡瀘，深入不毛。今南方已定，甲兵已足，當獎帥三軍，北定中原，庶竭駑鈍，攘除奸兇，興復漢室，還於舊都：此臣所以報先帝而忠陛下之職分也。至於斟酌損益，進盡忠言，則攸之、依、允等之任也。願陛下托臣以討賊興復之效，不效則治臣之罪，以告先帝之靈；若無興復之言，則責攸之、依、允等之咎，以彰其慢。陛下亦宜自謀，以諮諏善道，察納雅言，深追先帝遺詔。臣不勝受恩感激！今當遠離，臨表涕泣，不知所云。

chinam · 發表於 4-12-2012 01:58:10

真真搞鬼,:66::66:

		自動登錄	找回密碼
密碼			註冊

[其他] 好搞野: 粵語版<<出師表>>

相關帖子