|
本帖最後由 百鬼咁夜行 於 26-9-2011 11:21 PM 編輯
幾日內入左成2k幾玩具, 都算破左自己record. 趁得閑同大家分享一下呢兩隻野既玩後感 (小弟影相技術麻麻, 見諒見諒)
聖鬥士聖衣皇級-星矢
1) 造型:
其實可以, 只不過之前胸像太正, 進步既空間唔多. 而今次係SELL 聖衣既華麗, 所以B記主力加D 係神話/EX度做唔到既花紋. 係唔係整色整水就見仁見智勒, 本人就覺得如果要做到咁大隻既星矢, 如果冇加D花紋/DETAIL位, 其實係會單調左同浪費左大body既GIMMICK, 更加會覺得皇級只係神話/ex既放大版. (其實冇花紋既話, 可能又會有聲音話點解唔加d華麗d既花紋)
一對背翼係人馬座既標誌, 一如胸像, B記做到對翼好有動感, 就如D翼好似隨風飄盪咁.
Wing zero 既 pose (i.e.對翼向前包住個身) 其實佢都叫做做到.
2) 含"金"量 VS 可動
相信大家都知道此皇級含"金"量低於一般的神話/ex. 本人唔係唯金主義者, 而我亦非常認同呢度有d大大所講, b記係要將含"金"同可動性作一個平衡 (我覺得成本只是b記其中一個考慮, 但唔係最重要的一個原因). 仲有, 皇級既金屬打磨真係勁, 唔拎上手都唔知係金屬定膠. 所以我都唔係好在意金定唔金.
將對翼張開, 揮著拳向前衝而可以企得穩, 如果要手手腳腳都係金屬, 可能擺pose果時會有點費力吧?
面相已經係後神聖時代的質素, 我本人係收貨既.
隨意的都可以擺到一d "鑵頭"pose, 合格.
3) 綠金/橙金/黃金
最hit既話題. 我覺得單一黎睇係"接受"到既. 點先為之係金, 我諗其實神話既"金"都唔係金色, 只不過係佢比皇級先出, 大家接受左/睇慣左, 所以今次有d變色先睇唔慣. 老實講, 其實最似金色既應該係大糸既黃金聖衣.
有請特別客串:
可能因為影相技術麻麻, 大家未必睇得好清楚.
個人既觀感: 黃金俠係最"黃金"既, EX既淺金色部份排為其二, 之後皇級既金, 係拍埋一齊果時硬係有D綠綠地既感覺. 不過如果單一咁去睇, 皇級既黃金色我諗己經好過神話既橙金既....
4) 買唔買?
OK好玩, 聖衣形態其實好OK (SORRY冇影相).可動性比我有既HT都好(只有BIOHAZARD 4同5). 我估玩12"都唔係玩佢既金屬 (雖然 Ironman 有金屬色,仲要係會漸漸褪色, 好似真既一樣), 而係個size俾到玩家一d手感/存在感.
作為第一隻(或許係最後一隻)星矢12", 仲要係象徵性角色/星座, 我覺得可以入既.
SAVE左先, MP10遲D post 上黎. |
發表於 24-9-2011 18:39:58
樓主
