借位回應頑仔FB男店主之開倉及開舖感想POST

WW7

因我不想讚佢好，所以在此回應一吓

回應一：排隊
全段文字好複雜，但其實好簡單，無預你哋去排隊，所以開倉首日開始時段死人都唔會講喺邊度開，你哋搵到嚟排佢都無辦法！:42:

回應二：開倉
我同意是次開倉完全係無賺錢嘅，有部份擺明同送比你無乜分別，賣方唔開心可以理解，唔通呢個就係玩到你班人氹氹轉嘅導火線？:50:

回應三：玩客人
明明見到啲客跟住你嘅指示走嚟走去，仍堅持無玩你，証明係你哋傻仔，自己無嚟頭走嚟走去，咪賴人哋呀，係你哋自己八卦上網睇，與人無尤…:79:唔知「你諗住拍下屁股慢慢扭住去到就有呀..唔係天真到咁呀嘛..」呢句說話係扮福利講呢，還是係頑仔同你講嘅心聲呢？:58:

回應四：價錢
- 我都覺得有啲人無去過呢次開倉就亂講價錢唔抵，除有少部份貨品唔係減好多之外，大部份嘅貨都可以話係勁減，同笨大嘅假開倉不可同日而語，若咁多貨都搵唔到你杯茶，咁就唔關人事，係你太另類…

- 至於有人用小恩小惠嘅說話嚟形容呢次開倉，我都係唔同意嘅，因為呢度唔係攪慈善捐獻。

- 至於有人話呢次開倉價仲貴過上次慶祝周年價，有關指控我未睇過，但若真係有人咁講，咁我想問嗰位仁兄上次慶祝周年有無今次開倉咁多貨呀？

回應五：和諧
頑仔FB刪文，無錯，個版係你嘅你鍾意點刪咪點刪囉，但以我所知，係有人話你刪去你用唔禮貌嘅言語去鬧人嘅內容呀！話你知道講錯嘢刪文補鑊呀！

回應六：VIP/炒家
- 我都唔同意呢次開倉嘅好嘢比VIP同炒家買晒，我都見到有炒家同其他旺角店主到場買貨，但佢哋都唔係頭位，頭位真係一名玩具玩家。但我覺得熟客始終係著數啲。

- 我都同意炒家係無處不在嘅，無論係職業定業餘嘅，真係好難阻止。

回應七：Yahoo/留貨
- 頑仔用咩嘢形式賣貨我覺得係佢嘅商業決定，無得拗嘅…

- 至於留電話貨到無call客，咁都無辦法，又無落訂，唔call你先無錯喎，不過收得人電話又唔call人，誠信就……:80:

回應八：優勢
至於優勢論，我都無睇過，不過若係話頑仔日貨有優勢，我同意店主嘅回應

回應九：客人
- 其實呢次首日安排真係……玩到謝都唔肯搵人通知喺街度四圍盪嘅客，有無當人係客我都唔肯定，有職員喺街觀察啲客嘅情況卻無人通知個倉喺邊，仲死撐係upload唔到相片，由得走到身水身汗嘅玩家喺條街游。若頑仔真係當我哋係客，一早就唔好話中午就公佈開倉正確地址、會於附近張貼指示 (原來係喺個倉出面嘅走廊張貼，果然係附近)嚟誤導我哋啦。

- 我都好服呢位Bryan兄

- 至於 Patrick L.出嘅文，我都睇過少少，佢用嘅例子貼唔貼切我就無意見，只不過佢都係想講頑仔係有好多方法通知啲買家正確開倉嘅位置。

最後，若頑仔真係想攪得公平啲，可以學吓猿人賣限定品咁，某啲少貨特價品可以於特定時間內一人一籌(即場登記身分證)，之後用抽獎箱比有籌嘅人仕抽籤，抽中有特定符號嘅就可以買，唔買少貨特價品嘅就排另一條隊入場。呢個形式猿人店用咗好耐，未聽過有人嗌唔公平同嘈。

七國咁亂

因我不想讚佢好，所以在此回應一吓

回應一：排隊
全段文字好複雜，但其實好簡單，無預你哋 ...
WW7 發表於 16-9-2011 02:15

仲有brother/sister夠胆開呢D post，版主見一個閂一個，有幸未lock post前回應一吓樓主:77:

其實如果無一早去比人玩野外定向，其實呢次開倉小弟好滿意嘅，估唔到頑仔同熊仔收埋咁多好野，好彩先前無買，今次一次過買，自己都買得瘋狂。但頑仔網誌上之囂張，小弟都為之側目，喺一個商業性質嘅網頁公然鬧fans或客，有錢嘅係唔同，不過小弟唔係同佢做人世，有好野買完就走，講感情？算把啦……不過比佢玩過今次，下次都唔會咁熱情囉…:53:

老文

吃力不討好....做來為咩?講完!!!