本帖最後由 Toro 於 5-9-2011 10:28 PM 編輯
唔好意思,見到幾有意思既post,加把咀吹幾句.
3支燈唔會貴好多,反而係冇位收藏,兩支燈組合會比較合理,靈活咁用一樣ok.
左右打燈就最四正,有立體感,唔影全身唔見腳時最好用.升高少少45度至60度打落去,地下個腳影就冇咁重了.
如果要加頂光,咁左右side light可以偷走1支,另一面用白卡反射光源就夠,一邊光d一邊暗d,比兩支燈更能打出立體感呢.你又可以控制張卡同figure既距離,自己tune角度,用白卡/銀卡都會出現不同效果,可以慢慢玩.
講番頂光,如覺得power太勁,可以升高d支stand,或者加D牛酒紙,再唔係可反轉支燈,打上天花板或其他白色物件,反射番落figure.不過就要留意燈同腳本身既倒影了.
至於有朋友問黑紙,要做到好似無限遠,除左要聽布魯士所講用啞色紙,背景紙要盡量離開隻figure,太近係點都會收到光,見到係一張紙,因此要買得比較大張,否則就會穿崩. |