壞腦?!!!

豪鬼

慳足3年儲30萬 擺酒一鋪清

http://hk.news.yahoo.com/article/100724/4/jbzd.html

巴武藏

點解咁講？人人價值觀不同...最多話唔值...

brian

我覺得唔係壞腦...而且香港物質主義太盛, 文中主角同屋企人可能溝通唔夠, 如果佢地屋企人知道佢地宜家咁, 應該唔會咁要面子點都要豪咁~
老實30萬結個婚, 咁唔計人情酒席都應該十幾二十萬, 都唔算豪架喇, 但試問有幾多人拎得出咁o既錢~ 問題可能係價值觀同現實相差太遠~

yugi

擺酒有人情收

warxv

人在江湖身不由己,結婚牽涉兩個家族的問題,有時如果用錢可以解決的,咁都不失為一個好辦法.
我又唔覺得有幾大問題.比得出就可以啦.

hk小文

我覺得如果本身有，玩到幾豪都無問題，問題是文中事主，使完又要呻無錢買樓，又話什麼重建居屋就真的有點壞腦！我真的不明白，為甚麼做人不是"睇餸食飯"的嗎？我最不同意她最後那句:：「我的故事一點都不特別，我好多朋友和我一樣，結婚之後，一身債。」
咁仲結來幹什麼？結完仲要為錢愁，咪搞到嗌交收場......

brian

衰在要食咸魚又抵唔得渴~

mkyfk

我都有擺酒(二十幾圍),有人情收,都是用咗十多萬到,包蜜月,可能他們安排時,用貴咗姐!

Garycharm

駛得出當然冇所謂，不過兩人夾埋搵到 3萬，然後用三十萬結婚。
聽佢講到就算係收埋人情都用盡三十萬。

講理財既念，點睇都係太多。
又，除非佢禮金好重，如果唔係，諗諗下都幾難駛到 30 個，
我真係好想睇下佢條數係點。

warxv

應該咁講啦,我唔知佢地花來為乜,不過有一種情況係兩族人係婚禮呢件事上意見好大,或者對兩人的婚姻呢件事有好大意見,咁情況下如果錢可以解決問題,令佢兩人可以脫離兩族的紛爭而另建新家庭的,幾多都有其價值.

當然如果只為好睇而花光的,咁就有點難講了.
這令我想起一套電影,榴槤飄飄,故事就是講女主角在香港跑街鐘賺的錢,回家之後比家人大宴親朋之後差不多花光...有時人在江湖...
幾出色的一套港產片,值得一看.

巴武藏

秦海路做個套？係幾好睇...導演好似係陳果，係唔係呢?

基拉陳

點解要擺酒
詞：許冠傑/黎彼得

點解要擺酒
亂咁o徒錢冇理由
人人為飲一杯酒
累到夫妻一世憂
點解要擺酒
恨我幫濕左個頭
求人度水搵幫手
月尾薪金起勢扣
jar杯酒共渡患難
通檯走做阿茂
實係日後我與妳做到獅子咁口
點解要擺酒
望見張單報晒仇
難為自己一雙手
預算開支點會夠

brian

回復 9# Garycharm

係囉...三十萬未免太誇, 相對於一對月薪三萬o既夫婦黎講...

回復 10# warxv

冇錯, 但將呢d"身不由己"o既理由而要政府做乜做物就唔係好妥~
不過香港真係好多呢d情況, 真係局住擺, 你試下唔擺得好好睇睇, d親戚真係唱你一世~
結婚唔夠錢真係要同屋企人溝通清楚, 唔好夾硬黎盞搞死自己~

Garycharm

記者搵一個咁特殊情況去講政府應唔應該支助買樓，就搵o黎搞，唔駛理。

不過一講結婚就有排講。

我有朋友十年前已經開始搞婚禮策劃/佈置，真係睇住佢發。
以前搞結婚可以賺錢，依家唔駛諗（雖然我識得人真係可以結婚賺錢，不過屬異數）。
依家根本所有會場都係計死你荷包去定價錢，
其他乜都唔計，單講宴會當晚能夠搞到收支平衡已經好叻仔。

然後結婚前pre-wedding影相、租衫造褲、護膚療程、每一樣都貨真價實「成千上萬」。
（最平原來係印帖~~~）
於是我好認真問我朋友，其實 D o野駛唔駛咁貴？
佢話真係睇行業啦，不過大部份定價並唔係成本有幾多，而係：市場比壓力你要駛幾多！


.......o岩o岩結完婚，特別多嚕囌~~~~:die:

hk小文

回復  Garycharm

冇錯, 但將呢d"身不由己"o既理由而要政府做乜做物就唔係好妥~
不過香港真係好多呢d情況, 真係局住擺, 你試下唔擺得好好睇睇, d親戚真係唱你一世~
結婚唔夠錢真係要同屋企人溝通清楚, 唔好夾硬黎盞搞死自己~
brian 發表於 28-7-2010 06:10 PM

我個人認為不太需要理會 d 親戚，除了"飲"0個晚，十年都未必見一次；老實講句，如果因結婚搞到一身債，你荒呢班"物體"會"可憐你"呀？講到尾，最緊要自己攪得掂，除了盡"就"雙方家長，其他人企硬不用理會。