完了！！！！！！！！！！！！！！！！！！！

莫探員

好簡單既答案 : 勞工處

Tasuku

依家Ｄ工(D人)嘅流動性唔係好大咩？
返唔夠幾日就話唔do，好多工都請唔到人喎~
可能亦因為咁，Ｄ舖都唔敢再請後生仔，後生仔亦唔想打Ｄ咁嘅工，惡性循環........

我介紹過人去銅鑼灣某日本書店做，又話要過海返工太遠，工作性質「悶」唔好玩，返工時間又無選擇........

人地都未要求佢識日文、咩學歴、只要佢肯做肯學啫，我唔係話哩份工好有前途、可以發達，都總好過做麥記、sales妹、實Q(看更)呱？

有人偏偏選擇後者，全因可以hea住做~

yugi

暑期工好點的工種有唔少都係"內部認購"左

小櫻

亂入...

暑期工要過海又真係惡搞啲... 車費分分鐘要半日人工咁濟...

書店就要睇邊啲喇... 唔會無嘢學... 起碼收貨... 貨品分類上架... 店鋪運作流程裡頭大把嘢可以睇可以學...

建議你都係自己一個人搵好過喇... 同個Friend一齊見對方會覺得你哋兩個會响樹玩都唔定...

仲有... 暑假期間應該有大量展覽會... 例如動漫節之類... 可能會請下臨時工... 大可以留意一下啦...

小櫻上

fourson

M記好失禮你咩>?

小櫻

Thx for your opinions 先！
2.咁我搵搵fd壯膽行入去得唔得架？因為我成日都驚驚 ...
dokho 發表於 19-5-2010 02:09 PM

就係搵人壯膽先弊...

俾你係做請人果個或者你當自己係老闆喇... 嚟見工都驚要搵人陪... 咁我敢唔敢請你？... 由其是係你依家搵嘅工係要對住啲顧客嘅... 請人唔理你係咪第一次搵工係咪驚過噃... 係從你嘅表現去估計你係咪做到過噃...

家陣有好多工... 顧主係要求個員工可以自己搞掂晒... 如果連見工都要人湊住或者都驚嘅話... 咁點俾嘢你做呢？...

諗清楚啲...

如果真係搵唔到嘅... 屋企又唔係等你份工開飯... 或者搵下有無一啲自願團體做下義工咁囉... 話做義工都有翻些少車馬飯錢... 唔好以為無人工會蝕... 你做義工果陣除咗可以學到嘢之外仲可以拓寬人脈... 可以識到唔同嘅人... 話唔定佢哋可以幫你介紹工作都唔定嫁...

小櫻上

verywai

睇多d報紙搵下囉...咩都試下做..我讀書時都做過好多part-time,派報紙、整豆腐、壽司舖...全部都係在報紙搵...

巴武藏

後生仔唔使怕失敗，如果遇到失敗正正可從中學習，努力呀年青人:71:

Tasuku

隱青冲咖啡悟人生 參加青協課程找到目標
(明報)2010年5月19日 星期三 05:10
【明報專訊】近年不少人熱愛喝咖啡，但想不到一個看似普通的冲咖啡過程，卻啟發了數名雙待（待業待學）青年，不單令他們明白人生過程要按部就班、每一步也要正確小心，亦令他們尋找到人生目標，決定日後投入心愛的咖啡行業。

明就業博覽 月薪最高8000

青協就業網絡明日假奧海城    二期舉辦「青年就業博覽」，共有73間工商機構參加，提供逾2800個職位空缺，月薪介乎6000至8000元，較去年同期的5000元上升兩成。逾九成為全職工作，主要來自銷售、餐飲服務及文職等。

青協近年亦開辦不同青年人再培訓課程，今年3月便針對15至20歲青年，開辦「冲」出未來之咖啡調配員證書課程。阿堂、秀虹及Kenny是該課程首批學員，他們背景相若，均是學業成績不理想、一度「隱蔽」在家及缺乏生活目標。

17歲的阿堂來自單親家庭，只有中三程度的他去年畢業後，一直賦閒在家或流連公園。他說，起初對該課程沒有要求，但「讀吓讀吓，竟然愛上咖啡」。

步驟不可錯 人生也一樣

最觸動這名青年人的，是從冲咖啡步驟學到人生，他感觸地說﹕「由磨豆、壓粉至冲水，每一個步驟都不可出錯，人生也是一樣，我以往可能行錯了，以後定會回到正路。」

中五畢業的Kenny亦表示，修讀課程後，性格變得較謙虛，他與其他學員一樣想投身咖啡行業，他甚至希望日後可以與愛好做蛋糕的媽媽開一間屬於自己的咖啡店。課程導師黃劍斐表示，冲一杯咖啡需要一至兩分鐘，只要其中有步驟出錯，咖啡味道便會變差，在講解過程中，亦會分享一些生活經驗，希望青年人有得著。

【青協活動詳情見http://yen.hkfyg.org.hk或致電3113 7999查詢。】