一件好嬲既事，請大家比比意見

stanley9

版主:先唔好意思我可能放錯區，因為我唔知放邊好，請見諒。
事件地區:九龍城某玩具店
上個月小弟剛剛行過該玩具店，該店有代客係日本Yahxx代bid野
咁我就係佢度落左$200訂金，希望佢能夠幫我bid 古迦DX腰帶
起初兩次因為落價唔好所以bid唔中，咁再比number 比佢再bid啦。
有一日我同事想我幫佢bid一支限定水(個樽幾靚)，咁我為有落去個間玩具店希望佢幫手落bid啦
咁我就同佢講支水同個腰帶就用住個$200做訂啦，Bid中左我會落去比錢既。
支水個晚就bid到，咁叫佢用空郵寄返黎香港啦。支水最後要$250，我第二日就去比底$250該店。
我仲話運費黎到香港至計數。
就個日既夜晚我要個條古迦腰帶都中左，仲要一係唔中一中就兩條。
咁都算啦，最多一條自己玩，一條送比朋友。
支水係空郵寄(運費250)，腰帶就坐船(運費未知)。因為支水我同事幾urgent要，佢愛黎送比人。
點知支水黎到香港成支爛晒...我都O晒冇野好講(好對我同事唔住)。
但個間野佢就話一係運費就一人一半。但郵局有得追返架，我同佢講等郵局睇下佢比返幾多錢至算啦。
上個星期，間野就話古迦腰帶就到香港，要我比尾數。本來就冇問題既。
但個老細話我當日落既訂只係落左$250，第一次$200，第二次50(我有單架大老)，
佢夠擔話第二次冇收過$250囉。咁如果支水個$250用左佢唔問我再落訂，佢明講大話啦........
區區但小小個$200，算，我豪比佢。講真條腰帶咁貴我都買囉，小小錢算D乜。
識我既玩具店都知我買野不溜都係唔計錢既，最重要就係鍾意。
就算我係香港Yahxx買，我見人地咁遠囉比我，我會比返車錢佢。最重要係交收開心。
尋日佢又再打黎，叫我落去比錢(我最近比較忙)，我話呢兩個星期比較忙，下星期一落去比佢啦，
佢就話腰帶星期五到香港，一定要我落去比錢先(我估有D野)。
跟住佢講返我同事支水，佢話如果等郵局比返錢就要我比晒錢郵寄既錢自己慢慢等，
一係就運費一人一半。咁我再問佢上次運費幾錢，佢話$400.........郵局張單明明係寫$250既。
依家咁，我想撻佢訂，就連條腰帶都唔要。我好唔高興，我依家唔想要件野。
大家意見如何？或有冇其他意見？
仲之呢間玩具店我以後都唔會再幫趁佢架啦
多謝大家

Douglas.M.Saint

I cannot comment for the dealing of the shop.  For oversea's bidding, I strongly advise that u must not care for the package of the goods......... It must be broken after a long deliverary............ :(

dreamtoys

比錢唔係問題，最緊要條氣順。
如果是我，我得閒彩佢。

香港人

但運費, 250只係俾郵局, 咁可能在日本賣定運去日本買家度既錢呢...
通常在日都會有個駁腳位, 果度可能都收得幾貴, 因為日本郵費好甘...
呢樣事前有無講明...???

stanley9

冇呀，基本上日本當地人寄出，香港就會由速遞送到。
而問過係到左香港已經爛左啦，所以一係日本個邊，一係，就係飛機就已經爛左啦
算吧啦，條腰帶我唔會要架啦
當買個教訓，以後都唔會幫趁佢

sam1984111

個人覺得BIB野都係自己黎好D...
少D麻煩!!