|
|
|
(麻帆良市時報記者高坂 穂乃果報導)
九巴自成立之初, 佢地旗下嘅巴士車隊,
都係以紅色作為車身塗裝嘅主色,
一直到七、八十年代九巴變換新塗裝,
由上奶黃下紅到紅頂紅裙腳, 都離唔開紅色,
直至空調巴士出現, 一身雪白加灰裙腳同兩條紅線嘅色彩,
再到左超低地台巴士誕生, 並且以全身香檳金色嘅車身塗裝示人,
隨住 "熱狗" 巴士已經退役良久, 正當大家以為紅色從此喺九巴車隊中消失之際,
2017 年某日, 九巴喺 Facebook 專頁上傳短片,
介紹九巴最新一批配用 Wrightbus Gemini 2 車身嘅 Volvo B9TL 雙層巴士,
而新巴士更摒棄以往常見嘅香檳金色嘅車身色彩
改以紅色車身配搭, 在在叫人眼前一亮,
九巴更介紹新巴士同時注入左唔少新元素,
包括座椅比以往有更佳嘅乘坐舒適度,
而且更設有 USB 插座, 方便乘客係旅程途中為手機叉電,
新巴士已經正式投入服務, 並且喺 8 月 13 日舉辦 "紅巴體驗日",
派出 30 架紅色新巴士行走 1A 線,
新巴士亦會派往其他路線行走, 為九巴嘅版圖注入城市脈搏。
今日, 麻帆良市正式歡迎九巴紅色塗裝 Volvo B9TL 巴士登場!!
香檳色車身嘅 Volvo B9TL 大家就見得多啦,
紅色塗裝嘅 Volvo B9TL 其實都出現過嘅,
大家仲記得 2013 年九巴慶祝八十週年嘅其中一個動作,
就係揾其中幾架巴士貼上 (冇錯, 係貼上!) 復古嘅九巴車身色彩嗎?
依家九巴重新起用紅色作為新一批 Volvo B9TL 巴士嘅城市脈搏車身塗裝,
唔知大家又會覺得效果如何呢? 有啲人可能會覺得唔多習慣,
但係市長 Super Bus 就覺得, 新塗裝的確令佢覺得眼前一亮,
佢話紅色代表生命力, 而且紅色塗裝嘅 Volvo B9TL,
比起使用香檳色車身塗裝嘅同款巴士更加搶眼奪目,
喺香港路上穿梭, 有如將一股生命力帶到香港每一個角落,
從而道出 "城市脈搏" 嘅所以然,
更何況九巴自成立以來, 都係以紅色作為巴士車身塗裝嘅主色,
依家重新起用紅色作主調, 唔只冇過時,
新塗裝岀到嚟嘅效果更富有時代感,
Super Bus 仲話, 香檳色巴士見得多都厭,
依家換上新塗裝比九巴新車款引入更有新鮮感,
佢仲期待稍後可以見到配上新塗裝嘅 Enviro500 MMC Facelift 出現咁話。
隆重歡迎! 九巴紅色塗裝 Volvo B9TL 巴士, 見參!!
證書編號 0082, 限量 2500 架
正式落地!! 闊別多年嘅九巴 Wrightbus, 今日以全紅色裝束隆重登場!!
當金色 Wrightbus 遇上紅色 Wrightbus
今次紅巴係新模具, 唔同廠嘅出品,
到底有幾多分別? 來一個對比先~~
那些年的紅色九巴, 個人覺得唔係紅色嘅九巴就唔係九巴,
就好似倫敦嘅巴士, 唔係紅色嘅倫敦巴士就唔係倫敦巴士
Thanks for reading~ |
|
發表於 18-8-2017 15:40:59
