|
|
樓主 |
發表於 28-10-2014 19:38:34
|
顯示全部樓層
有線行家Tang Wing To
我盡量以冷靜, 平實O既方法, 講一講我尋晚o係尖沙咀鐘樓旁採訪藍絲帶反佔領團體時o既所見所聞。
..
.
套用特首梁震英一句話: 我以個人名義發表以下言論, 不代表我所工作電視台立場。
.
..
晚上大概九點半, 我同無線, now,仲有一眾電台報紙行家一齊企o係台前影住班人演講, 其間有個阿叔指住無線支cam 黎鬧, 話佢地今晚o既集會無做直播。其間一名記者同佢講, 無線係有做直播的! 但呢位阿叔唔信, 仲不停媽媽叉叉, 又漢奸又走狗咁鬧, 不過無線攝影同記者已經好沉住氣, 無再理佢。但呢位阿叔變本加厲, 想衝上前郁手郁腳, 但佢比其他藍絲帶成員襟住左, 無埋到記者身。但呢位阿叔情緒仍然激動, 仲想繼續郁手, 其他藍絲帶成員就推佢出鐘樓外面。而我o係人群之前, 見到佢地有所動作, 於是甩機衝過去, 打算影佢地。
.
.
我追住阿叔, 迫到出去鐘樓同馬路之間空地時, 聽到我左手邊有更大o既呼喊聲, 當我望過去, 我見到兩位無線攝影師同記者俾一大堆人圍住, 不停指罵" 漢奸! 走狗! 無線去死啦! " 等等, 仲要又拉又扯!
.
.
當我迫到埋去, 見到一位無線攝影被箍頸, 件衫被扯爛, 眼鏡唔見左, 仲有無數隻手伸埋去想"抽水"打佢! 我盡量企o係佢同示威者中間, 希望分開佢地, 但轉個頭, 見到無線記者o個邊更大鑊! 眼鏡扯甩, 恤衫扯爆, 最慘係佢條呔, 俾一個中年男人用力拉扯, 記者已經俾佢拉到抖唔到氣, 滿面通紅, 幾乎要窒息咁濟!
.
.
最後記者被迫埋鐵欄, 一位黑衫便衣搶返記者條呔, 叫其他"暴民"散開, 然後軍裝警察黎到, 圍住受傷記者, 帶佢離開。
.
.
警察將記者同攝影帶到尖沙咀巴士站附近, 準備上警車離開現場, 沿路兩邊有幾十人, 不停對記者攝影指罵, 有o的仲伸隻手入去督記者個頭, 直至記者攝影上警車離開現場。
.
.
然後, 圍觀市民拍哂手掌, 大讚警方, " 做得好! 撐警察! 支持警方執法! 拉哂班x街!" 粗口加笑聲! 然後, 一班"市民" 走上前同警方握手, 個個笑容燦爛。 然而, 我肯肯定, 其中有一個係大大力扯住記者條扯呔, 拖住佢行o既人!
.
.
跟住, 有個著白衫, 手持大聲公o既阿叔大叫" 我地係和平示威, 呢度無事啦, 和平散去啦, 返去集會地點!我地係和平o既, 我地係理性o既! " 我走上前, 問個阿叔" 你係咩團體?係咪大會? 你叫乜名!" 佢都無理我, 直至我問" 打記者喎! 咁都係和平示威? 你話和平示威喎!" 阿叔著左火, 指住我大大聲講:" 喂! 你唔好屈我呀! 我無話和平示威呀!" 然後, 舉起雙手, 走入人群。( 請看有線新聞)
.
.
及後, 我地返到台前, 知道無線攝影部機o係混亂之中跌左, 唔知o係邊! 於是我地行家們分散人手, 周圍搵機。
.
.
後來有人報料話有個女人, o係混亂之中執起左無線部機, keep 住左, 坐左o係附近。我收到消息後, 搵到keep 住部大機o既女人, 表明我係攝影o既身份, 想多謝佢幫無線keep 住部機, 但係個女人一手襟住部機, 講" 你唔好埋黎呀!"我同佢講" 我係記者! 幫無線拎返部機!" 佢話, " 唔得, 我要睇過哂先俾你!" 我唔明, " 你想睇乜呀? " 佢話" 我要睇哂所有o既野!裡面影過乜野, 我要睇過哂先可以俾返你!" 跟住我發現呢個女人都痴痴地線, 唔理佢, 直接叫無線o既工程人員, 同佢講部機o係個女人度, 但唔肯還。無線工程話佢會處理。
.
.
最後, 個女人都係唔肯還機, 都係需要報警求助。其間, 李私煙黎到, 不停咁講" 帶佢走! 帶佢走! "再同後面一個男人講"你快o的帶佢離開先!" 想帶個女人離開現場。 警察襟住李私煙, 講" 你等等先, 唔好走住, 等我問埋佢咩事先!" 李私煙話" 你帶佢離開呢度先問啦! " 警察就將呢個女人帶到海旁一間房仔度。
.
.
其間, 好多唔知頭唔知路o既路人甲乙丙丁以為呢個係黃絲帶, 又對住佢漢奸走狗咁鬧, 最好笑係, 我聽到有人講" 抵死啦! 拉佢啦! 推跌阿婆咁無陰公o既野都做!"
.
.
最後, 事件完結, 和平散去。
.
.
.
.
行家們出黎採訪, 就算唔同台, 都要守望相助, 我地都係呢個戰場o既戰友!
.
 |
|
發表於 28-10-2014 06:54:39