讓愛與拖拉急（篋）佔領旺角

hk小文

網民擬拖篋佔領旺角 警籲發起人現身

http://hk.apple.nextmedia.com/realtime/news/20140221/52212800

本月16日逾百名網民在尖沙嘴廣東道舉行「驅蝗行動」，行政長官梁振英以及問責高官輪流狠批，內地官媒亦大肆抨擊。但有參與遊行人士認為港府沒有因遊行而反省自由行政策，是無視港人憤怨，揚言早前遊行只是第一波，最快周日(本月23日)旺角會再舉行「驅蝗」活動，甚至有網民揚言，只要是內地遊客的活動熱點，都可能會發動狙擊行動。

網上亦流傳網民製作的圖片，解釋周日示威行動，主題是「讓愛與拖拉急（篋）佔領旺角」，呼籲網民拉空喼走遍西洋菜街，再轉入港鐵站，堵塞交通去表達多5,000萬內地旅客來港，令「一街都係拖拉急（篋）」的情況，但活動具體時間未定。

警方今晚發出聲明，關注有網民在網上發起於後日在旺角舉辦公眾活動，以堵塞交通宣泄不滿，並呼籲有關人士盡快聯絡警方，就其活動細節進行商討，以便協助他們合法和有秩序地進行有關公眾活動。

警方強調尊重市民表達意見、言論及集會的自由，但絕不容忍任何暴力或破壞公共秩序事件，任何人如有違法，不論任何背景，警方一定會不偏不倚，公平公正地處理。

本來對那個什麼"驅蝗行動"也沒什麼好感，但看完一眾特首高官的"偉論"，心中不期然生出一絲支持！我真的很懷疑那班特首高官，究竟是香港官員還是大陸官員？

luciferdark

驅蝗行動其實可以做得更好, 離遠叫口號, 向外國遊客派宣傳單張。粗口中指可以出, 但唔好一班人圍埋去, 咁樣只會俾理由共狗做野

yugi

廣東道始終係遊客區我話之佢變成點,但MK係平民地區,但近年已變成行兩步又一間藥房,再行兩步又一間化妝品店,連彌敦道果間環球都執左變埋藥房:53:

hk小文

網民擬旺角拖篋抗自由行
周一嶽斥無聊

繼有網民早前在尖沙嘴廣東道舉行「驅蝗行動」，抗議自由行旅客過多影響港人生活，今日再有網民發起下午拖行李篋到旺角「掃貨」，向內地遊客示威，平機會主席周一嶽批評有關活動無聊，損人不利己。

周一嶽強調，不應鼓吹任何破壞秩序的行為，他指港人公民意識和教育水平高，不會做連小學生都知道是歧視的行為，認為針對旅客的行動只是小撮人的歧視行為，相信行動不會達到預期目的。

好明顯呢次俾班人踩中左，真係玩死個正苦，我又真係睇下你拉得邊個，今個禮拜就旺角，下個禮拜就話銅鑼灣，再唔係就上水、旺角、銅鑼灣一齊，真係可憐班差佬！

hk小文

驅蝗行動其實可以做得更好, 離遠叫口號, 向外國遊客派宣傳單張。粗口中指可以出, 但唔好一班人圍埋去, 咁樣 ...
luciferdark 發表於 23-2-2014 12:11 AM

拖o急行動已經玩到正苦怕得要死！西洋菜街警方駐重兵, 出埋 PTU，其實可能只是班友齋吹，但事實"驚慌"又可以拉邊個呢？

hk小文

特級豉油

其實個人覺得真係好無聊，自己認為自由行拖喼帶來社會麻煩，但又組織其他港人做同樣的事，無論真做定齋吹，最終都只是為香港社會帶來麻煩，及增加中港矛盾，但又缷責到政府真，真看不岀會是理智行為.......

而不同年齡階層港人喜歡咩住漲卜卜背襄週街去，無論行街搭巴士搭港鐵去商場等等，不理旁人亂咁轉身，搭扶手電梯霸兩級，去小商舖更企正門口，其他人岀入不得，那又需唔需要反「柯柏文」呢？

hk小文

其實個人覺得真係好無聊，自己認為自由行拖喼帶來社會麻煩，但又組織其他港人做同樣的事，無論真做定齋吹，最終都只是為香港社會帶來麻煩，及增加中港矛盾，但又缷責到政府
特級豉油 發表於 25-2-2014 10:39 PM

其實係卸責到政府, 還是政府推卸責任呢？ 看看官員們這幾天的行徑，如不做這些動作，他們會關注嗎？不又是叫你等多幾班車和繼續包容，究竟香港人要"包容"到什麼地步呢？

特級豉油

其實係卸責到政府, 還是政府推卸責任呢？ 看看官員們這幾天的行徑，如不做這些動作，他們會關注嗎？不又是 ...
hk小文 發表於 25-2-2014 11:15 PM

其實係卸責到政府, 還是政府推卸責任呢？ 看看官員們這幾天的行徑，如不做這些動作，他們會關注嗎？不又是 ...
hk小文 發表於 25-2-2014 11:15 PM

我指反蝗行動，由自己發起過激行動引起反效果，就推卸到政府，說成政府逼香港市民咁做，首先真的是香港人全體訴求？其次香港市民及內地旅客可能清楚是什麼一回事，但外國其他旅客呢？即使清楚他們無論支持那一方，會否無視甚至多點來香港？不清楚但看到報導，真的不會降低來港意欲？最終即使港府，香港得益多少？可能見少啲旅行喼，少人爭奶粉，但損失呢？

歸根究底只是內地人素質有點問題，少一點自由行但不代表就可解決問題，相反他們為咩來港咁樣購物？除了人民幣差價，最重要香港比內地購物更有保障，還有零售服務呢啲係我們優勢，內地始終不可能中長期就可追近香港，有得必有失，不可能下下要「公我贏字你輸」，試想想到一間有名餐廳食嘢，坐底後睇menu，價錢吸引抵食夾大件，食落美味又真係落足靚料，見面更勝聞名，食食下有人同你講，食完好快啲找數走人！你會有咩感受？果個人係餐廳嘅人又好，係其他食客又好，你反應又會如何？

在下同樣都係反蝗行動所講「受害者」，落街電梯未到地下就像已經身處大陸，咁我應該點做呢？

始終「打開門做生意」又好，「好客之道」又好，怎可能趕客呢，政府除了取消一簽多行，仲有咩可做？香港只是特別行政區，唔係自治區，香港始終都是中國其中一個城市，特首必須要向中央交待及配合，有人可以要求自己部門主管對抗大老闆？我就只知我同我部門主管都係打大老闆嘅工，對外可以揀客做生意，但部門與部門之間互相配合是常識吧？

老文

只係覺得hk某些人唔係想解決事情..佢地討厭政府,就只係想見到自已地方政府無面,難做出醜..跟手政棍做野..佢地就自我陶醉.."大家來睇吓我地個政府幾hihi,又乜又物la...,嘩!乜班警員連幾個市民都怕...哈哈哈"...:78:佢地就係咁樣過餘生.....