今次主要講下軍事人偶既發展同各廠既優劣, 希望唔好悶親大家
早被潮流掩沒既BBI, 係當時黎講係一個劃時代既人偶廠, BBI本身除左做1/6人偶, 仲會做其他比例既軍事模型, 可能佢地經驗豐富, 所以當時黎計, BBI先算係最強既軍事人偶廠商, 而且BBI既積極表現令佢係軍事人偶界有一定地位, 當時平均一兩個月已經會推出一款新既, 除左現代軍事, 亦會推出二戰系列, 而更出奇係, 佢會出市場極少見既壞旦系列, 果個系列雖然出得兩隻, 但係出品令人印象深刻, 其中一隻更可以食雪茄, 連雪茄D煙都做埋出黎, 仔細度之高令人驚訝, 而又因為佢有出其他比例軍事模型, 所以BBI亦係少有會推出1/6軍事載具既公司黎, 好似佢既F15戰機座, 更係當時各人偶迷贊歎之作, 去到2013年既今日再去睇返果隻F15, 一D都唔輸蝕, 仔細度高, 可玩性大, 最記得係連座位果扣同安全帶都好精細咁做番出黎, 但以當時黎計都係一個天價數字……………若以今日2013黎比, 當然係超值… 你地家下閑閑地半隻IRONMAN都唔止…..
去到SWAT之後, BBI似乎退出左1/6軍事人偶市場; 唔知係咪隨住其他軍事廠既彈起, BBI係早幾個月再度推出新品-------SEAL Team Six - DEVGRU Red Team, 不過好可惜….雖然呢個消息的確引黎一陣哄動, 但題材同質素已經唔再合乎2013既指標, 推出之後無係任何人偶論壇見過, 明顯比新廠SS, DAM等比下去了, 希望BBI加把勁, 或再出1/6載具黎震撼市場
1. BBI係第一間推出雙頭雕既廠, 係當時係一個大膽既嘗試, 因為兩個頭雕係唔同表情
2. 除左雙頭雕, 佢地仲會推出連獵犬既人偶, 亦係市場少見
3. BBI亦積極推出不同國家既士兵, 呢點十分可敬, 英,美,法,忍者,NYPD, 好似狙擊手吉林裝, 佢地係早年已經推出過, 題材十分廣泛
4. BBI其中一個賣點, 係佢既武器, 以當時黎講, 佢既武器算係數一數二, 除左比例準確, BBI亦少有地會利用金屬用係人偶既武器內, 係當時係絕無僅有既廠商會咁做, 不過好可惜, 金屬槍太重人偶好難拎住, 加上好易甩色, BBI後期亦無再用金屬黎做槍. 而槍既配件更見仔細, 好似槍既瞄準鏡往往係賣點, 好記得BBI出過一個狙擊手, 枝M14係有兩個狙擊鏡係同一枝槍度, 往後十年你都唔會再見到, BBI出過既瞄準鏡都非常有質素, 而且偏鋒, 佢出過既其他廠未必會出現. |
樓主: jura
發表於 14-4-2013 16:33:47
樓主
