|
|
|
(麻帆良市時報記者 / 桜高輕音部記者琴吹 紬報導)
今日喺香港, 每當一講到 "坐 Van 仔", "搭小巴",
通常就係指果D 16 座位嘅公共小型巴士, 其實呢D小型巴士嘅前身,
就係源自 5、60年代, 香港曾經流行, 行走於新界嘅一種可載 9 人的俗稱白牌車,
呢D白牌車收費比巴士略高, 車程亦比巴士短, 但係因為佢地係不合法經營, 所以警方曾經大力掃蕩,
直至 1967 年因為香港發生暴動, 巴士司機罷工, 引致部分路線因而暫停服務, 交通癱瘓，
於是政府唯有容許小巴進入市區, 而白牌車因此越來越受到市民歡迎, 數目亦不斷增加,
到 1969 年, 小巴由 9 座位增加至 14 座位, 呢D小巴從此亦因得名 "14 座",
最後政府喺 1970年推出白牌車合法化政策, 由政府發牌, 可以喺港九新界各地行走,
亦即係依家嘅紅色小巴, 俗稱 "紅小" 或者 "紅頂", 此外喺 1972 年, 政府喺山頂試行私營豪華小巴制度,
同年 5 月 1 日首條私營豪華小巴 1 號線（往來山頂至中環）投入服務, 結果試驗成功,
於是喺 1974 年正式實施專線小巴制度, 亦即係我地依家熟悉嘅綠色小巴, 或者 "綠小", "綠頂" 嘅由來,
至1975年, 香港島已經有6條綠色專線小巴路線, 由於綠色專線小巴越來越受歡迎,
政府於是喺 1977 年 10 月 26 日首次招標數十條綠色專線小巴路線,
比公共小巴商或者有興趣嘅商人競爭投標, 首批九龍及新界綠色專線小巴路線分別喺 1979年 4 月同 11 月投入服務,
至於用車方面, 早期嘅小巴用車多為歐洲品牌, 例如 Commer、Austin、Morris、Volkswagen 同 Ford 等,
亦有來自日本嘅五十鈴出品, 直至 1969 年, 政府將小巴座位由 9 個增至 14 個, 由於舊有嘅英歐製小巴空間有限,
於是小巴營辦商開始物色其他品牌嘅小巴車款取代，而當時只有日產推出的 Echo 小巴 (日本名為 Civilian) 完全符合政府要求,
而且價錢相宜, 於是營辦商亦不作他選, 紛紛引入 Echo 小巴取代舊車, 以致喺 1970 年代街道上
日產 Echo 小巴可以話週街都係, 隨處可見, 一直到 80 年代, 更推出冷氣小巴,
名字亦同日本版睇齊使用 Civilian, 以迎戰對手, 當時嘅小巴界新力軍三菱推出嘅 Rosa 冷氣小巴同埋豐田 Coaster,
同埋迎合當時小巴冷氣化嘅潮流, 因為 Coaster 可靠嘅性能同容易維修等優點,
依家香港嘅小巴公司都傾向使用豐田嘅產品, 日產亦因此喺香港公共小巴市場上悄悄地消聲匿跡,
以往日產一廠獨大 Echo 週街走嘅情景, 今日已經被豐田嘅 Coaster 所取代。
而今日呢兩架 1/76 日產 Echo 十四座小巴, 正係 7、80 年代香港街道嘅寫照之一,
相信亦係六、七十後香港人嘅集體回憶, 市長 Super Bus 話,
雖然佢細個果陣都曾經坐過呢D小巴, 但係果陣呢D小巴, 已經加裝左車頂路線牌,
方便乘客睇到架車嘅目的地, 而唔再單純喺車頭喺車頭擋風玻璃度 Show 目的地同價錢,
亦成為左今日公共小巴嘅標準配備, 但係時移世易,
日產小巴喺香港已經風光不再, 今日喺街度見到嘅,
幾乎都係豐田嘅出品, 不過亦有三菱嘅 Rosa,
始終三菱都係公共小巴空調化嘅先驅者。
本來尋日已經收到, 但係因為唔得閒, 結果今日至出 Post
或者有人會留意到大丸嘅英文名字, 大丸係日本百貨店嘅名字,
日文為 Daimaru, 到底以前D小巴有冇真係用到大丸嘅粵語拼音 Tai Yuen 呢?
呢個角度睇, 架日產小巴嘅太平門位似乎做大左, 對照過相片, 真車亦冇咁大...
加日產 Civilian 合照, 左邊嘅日產 Civilian 係 Tomica Limited Vintage 出品, 1/64, 屬於長陣車款
加送 -- 尹光主唱 十四座
http://www.youtube.com/watch?v=7RuONX6Eaek
And...
尹光 1974 年原唱版本
http://www.youtube.com/watch?v=KzHuDfknlr8
Thanks for reading |
|
發表於 14-1-2013 14:05:29
樓主
