|
|
|
本帖最後由 SuperBus 於 5-12-2012 04:09 PM 編輯
(麻帆良市時報記者 / 桜高輕音部記者琴吹 紬報導)
為左提升巴士服務質素, 九巴喺 1980 年代末開始引進空調單層巴士,
並且向雅高巴士租賃當時該公司最新引入嘅日野 (Hino) 豪華巴士, 開始拓展空調巴士路線服務,
隨住九巴喺 1988 年接收由英國 Leyland 車廠提供o既空調版 Olympian 11m 雙層巴士
(九巴車隊編號 AL1) 作試驗並且取得成功, 於是九巴由 1991 年開始,
主力購入空調雙層巴士, 為旗下部份路線加入空調巴士服務, 以進一步提昇服務質素,
並且為旗下車隊空調化展開序幕, 但係當時空調巴士尚未好似今日咁廣為大眾所接受,
而且使用空調巴士服務, 意味住代價就係要付出較高嘅車資, 而且以當時嘅社會環境,
因為空調巴士同非空調巴士車資差距問題, 市民亦擔心加入空調巴士服務等如變相加價,
加上當時受到空調巴士數目限制, 喺市民同壓力團體加上政府嘅壓力之下,
九巴亦只有順應民意, 喺引入空調巴士之餘, 亦引入一定數量嘅非空調巴士, 等市民可以自行選擇。
九巴喺 1986 到 1994 年間共購入 371 架 Dennis Dragon 11m "巨龍" 非空調巴士,
(其中一架底盤喺運到香港時損毀, 結果只有 370 部巴士出街)
當中喺 1994 年投入服務, 為數 50 部嘅 Dennis Dragon 11m (車隊編號 S3N320 - 369),
係九巴最後一批引入嘅 Dennis Dragon 11m 非空調巴士,
佢地同對上一批巴士 (S3N 271 - 319, 俗稱 "密龍") 一樣,
使用左當時喺非空調巴士上首次使用嘅黑色鋁窗框加全茶色車窗配搭,
但係同 "密龍" 唔同嘅, 係因為呢批巴士底盤並非空調巴士嘅配備,
所以亦無須好似 "密龍" 一樣將下層車尾密封, 並且同其他非空調巴士一樣設有尾窗,
但係由於兩者樣貌太相似, 呢批巴士因此亦同 "密龍" 一樣得到相對嘅稱號, 名為 "開龍",
呢 50 架 "開龍" 巴士全數配有 Cummins LT10 引擎同 Voith D863 三前速自動波箱,
佢地初時以灰白內籠同座椅配搭, 但係好快就被換上其他非空調巴士嘅標準啡色座椅,
同其他前輩一樣, 呢批巴士幾乎喺港九新界都見到佢地嘅蹤影,
踏入二十一世紀, 呢批巴士嘅車齡亦漸漸增長,
加上九巴落實 2012 年車隊全線空調化, 呢批巴士亦喺 2011 年開始大規模退役,
隨著最後一架巨龍同其他僅存嘅熱狗巴士喺 2012 年 5月8 日最後一日服務,
亦標誌住非空調巴士喺九巴服務嘅時代喺第二日, 2012 年 5月 9 日正式成為歷史。
今日, 麻帆良市正式歡迎九巴 "開龍" 巴士登場!!
呢部九巴最後熱狗巨龍嘅成員之一, Super Bus 話以前好少搭到佢地,
係試過最有印象有一次喺荃灣車x堂睇完模型之後,
坐 60 號 (定係 66 號? Super Bus 本人亦唔記得) 出長沙灣,
坐中呢款巴士, 喺佢所搭載嘅 Cummis LT10 引擎以 245 匹馬力帶動之下,
巴士喺葵涌道以 80km/h 飛馳, 感覺同 "密龍" 一樣咁爽, 可惜隨住時代轉變,
九巴車隊全線空調化, 無論呢批車有幾爽,
都唔能夠逃過被淘汰嘅命運, 想要一嘗坐" 開龍熱狗" 巴士喺公路飛馳,
依家已經冇可能啦, 至今次呢架行走 30X 線嘅開龍,
Super Bus 話雖然未坐過開龍行 30X, 始終曾經喺黃埔花園住過嘅佢,
呢條線始終都係有感情嘅~
隆重歡迎! 九巴 Dennis Dragon 11m "開龍" 巴士, 見參!!
今日出門返工之前收到 Fedex 寄來嘅郵包, Facebook upload, 等夜晚收工返嚟再攪~
And finally......
今次一共接收兩架車
證書編號 0101, 限量 300 架
正式落地!
密龍 X 開龍
睇下大家有乜唔同
上層車頭車窗分開上下兩部份, 只有上半部可以打開,
亦係九巴開龍嘅特色之一
真車相
另一架新車, 話新唔算新, 皆因佢係 2003 年出品,
呢架 Bedford 車載運送車果陣出冇入到,
但係依家入番架反而 100 蚊港紙都唔洗, 而且仲係全新,
值得順道翻兜兼拎嚟玩下過下手癮~ :3
齋架實在有D冇乜癮, 不過啱啱喺英國必左一 Set 四架嘅 1/76 車仔,
應該就快到手, 到時就應該玩得有 Feel~ :3
加送:
曾幾何時間隔離版有版友試過用呢種 Backgroung 影模型車相,
心血來潮, 亦都影番一張~
無聊一攝, 只此一張, 並無他意, 不喜勿插~
Thanks for reading~ ^^ |
|
發表於 5-12-2012 15:55:14
