|
|
|
本帖最後由 SuperBus 於 11-10-2012 01:48 PM 編輯
(麻帆良市時報記者 / 桜高輕音部記者琴吹 紬報導)
由英國 Leyland 車廠於 1970 年代末開發同生產嘅 Olympian 雙層巴士, 叱咤英國本土同海外市場,
成為 Leyland 引以為榮嘅巴士車款, 儘管 Leyland 巴士喺 1988 年被 Volvo 收購,
但係要直到 1993 年所有 Leyland Olympian 巴士嘅訂單完成之後先至關閉利蘭巴士生產線,
而後來 Volvo 亦喺原 Leyland Olympian 嘅底盤上作出改良, 是為 Olympian MKII,
再以 Volvo Olympian 嘅名字推出市場, 可見 Volvo 亦深深明白到 Olympian 呢款車喺巴士市場上o既重要性,
亦係為 Volvo 喺海外, 特別係香港同新加坡嘅巴士市場上, 繼 Leyland 之後成為巴士市場龍頭o既關鍵車款,
同 Leyland 時代嘅 Olympian 比較, Volvo Olympian 嘅機械和車身設計都沿用舊有 Leyland 時代嘅一套,
包括三軸版所擁有嘅中軸轉向功能, 但係 Volvo Olympian 底盤有六成部件係使用 Volvo 原廠出品,
包括改良儀錶板, 輪圈, 制動, 懸掛同轉向系統, 並且與同廠嘅貨車零件共用,
引擎方面可以選配 Volvo 原廠嘅 TD102KF 引擎, 或者由美國 Cummins 提供嘅 LT10 引擎,
後期就全面配以符合 Euro 2 廢氣排放標準嘅 D10A 引擎作為標準配搭,
變速系統方面就可以選配 Voith 或者 ZF 嘅出品。
香港作為 Olympian 巴士嘅最大海外用家之一, Volvo 亦喺全面接管 Leyland 嘅巴士業務之後,
喺 1993 年向九巴率先提供全球首部空調版 3 軸 Olympian 11.3m 樣辦車,
亦係繼 70 年代中巴 Ailsa-Volvo 同九巴 B10MD 之後, Volvo 再度踏足香港巴士市場,
而九巴隨後亦喺 1994 - 1998 年間, 向 Volvo 合共訂講共 530 部 11m 空調版 (編號 AV2-531),
338部 12m 空調版 (3AV1-338) 同 30 部 11m 非空調版 (S3V1-30) 嘅 Volvo Olympian,
其中首批 11m 空調版 Volvo Olympian (AV2 - 86), 配備由美國 Cummins 提供,
符合 Euro 1 標準嘅 LT10 Turbo 引擎, 有 245 匹馬力輸出,
連接 ZF4 HP500 四前速全自動波箱, 驅動後軸, 並且配有顏色鮮明嘅黄色車廂扶手柱,
亦成為日後九巴新車嘅標準, 呢批巴士同前輩 Leyland Olympian 11m 空調巴士 (AL1 - 150) 一樣
喺幾乎所有有空調巴士服務嘅點路線, 都可以揾到佢地嘅蹤影,
隨住車齡增長, 加上有更多新式嘅超低地台巴士投入服務,
呢批配有美國引擎嘅 Volvo Olympian 11m 空調巴士亦現正陸續退役。
今日, 麻帆良市正式歡迎九巴 Volvo Olympian 11m 空調巴士登場!
呢架編號 AV9 嘅 Volvo Olympian, 正係九巴引入嘅第一批量產版 Volvo Olympian 11m 空調巴士嘅其中一員,
並且以巴士新落地時嘅姿態示人, 市長 Super Bus 話初時見呢批車有一種奇特嘅感覺,
原因係點解呢批瑞典品牌嘅巴士仲會用美國引擎呢? Volvo 唔係都有自家嘅引擎推出咩?
九巴架 AV1 已經係 Volvo 引擎啦, 不過回想公司同車款嘅背景,
呢批量產版 Volvo Olympian 有呢個機械配搭其實都有佢可以理解嘅原因,
話雖如此, 但係 Super Bus 話當時坐呢D AV, 乘坐感有如坐 Leyland Olympian 空調巴士 (AL) 一樣,
皆因大家都係用同一種機械配搭, Cummins LT10 發出嘅引擎聲亦令佢覺得扣人心弦,
但係車廂嘅一切卻令 Super Bus 感覺與別不同, 加上 Alexander 提供嘅車身外裳,
令 Super Bus 一眼立即愛上她, 佢仲話, 果陣搭 "康偈" AV 搭得最多嘅要算係 115,
皆因佢好多時都會去上環西港城一間專賣巴士模型同書籍嘅店仔睇野,
當時 115 就係用 "康偈" AV 做主力, 亦因為咁而認識其中一位鬍鬚仔車長,
不過時光飛逝, 呢批巴士都開始陸續退役嘅時候, 唔知依家佢仲喺唔喺 115 度做呢?
隆重歡迎! 九巴 Volvo Olympian 11m 空調巴士 AV9, 見參!!
證書編號 0267, 全球限量 900 架
正式落地!! 雪初音嚟迎接九巴 AV9!!
加 N 年前嘅本人劣作
九巴 Volvo Olympian 空調巴士一族, 最左兩架係 Corgi 出嘅 12m 版, 但係用 11m 模出
真車相, 攝於 1994 年九巴屯門車身裝嵌廠外
真車相, 攝於 1994 /95 年, AV?? 行走 115 線
小劇場~~~ XDDD
話說今日有新車到, 初音又嚟負責 Tune 車...
(初音) 呢排真係忙, 上兩個禮拜果兩架密龍到, 遇啱本小妹食錯野攪到上吐下瀉痾左我七日七夜,
依家又嚟多呢架乜鬼 AV, Super Bus 條人粉就成日掛住睇戲 Pet 哂D野比我乜都唔理, 叫我點做得切...
呢個時候, Super Bus 喺房入面叫初音
(Super Bus) 喂, ミク, 我朋友啱啱借左隻 DVD 比我, 佢話好好睇o架,
妳都一齊嚟睇啦~~
(初音) 又攪乜飛機呀你個人粉巴, 人地開緊工你就喺度嗌生哂~~
呢個時候, Super Bus 拎左隻 DVD 出嚟 Show 比初音
(Super Bus) Here you go, 妳都一齊嚟睇啦~~
初音一見到隻 DVD, 立即勃然大怒!!
(初音) 我 $%%#($($&^%$ 你呢個超級大色龜, 你睇 Movie 都算,
仲要我陪你一齊睇 A 片?? 真係唔打到你飛起都唔得, 我淒!!!
(Super Bus) 嗚嘩嘩嘩嘩嘩嘩~~~~~~乜 Sxxxxxl Days 都算係 A 片嚟咩?
不知者不罪都唔洗咁打我呱~~~~~~!!!??? >O<
Thanks for reading~~ ^^ |
|
發表於 10-10-2012 17:07:39
樓主