|
|
|
(麻帆良市時報記者 / 桜高輕音部記者琴吹 紬報導)
喺九巴龐大嘅雙層巴士車隊之中, 車款除左以早期嘅丹拿 (Daimler),
利蘭 (Leyland) 同丹尼士 (Dennis) 以至 Volvo 等廠牌嘅產品掛帥之外,
間中亦有一眾少數民族, 九巴喺 1993 年由瑞典 Scania 紳佳
(現 "世冠" 嘅中文前稱) 引入嘅兩部 N113 雙層巴士 (AS1 同 AS2), 就係其中嘅成員,
呢款九巴獨有嘅巴士, 號稱為當時九巴車隊嘅環保先鋒,
皆因佢地嘅引擎廢氣排放量係當時車隊中最低嘅,
而最大嘅特色, 就係佢地裝置左巨型滅聲及散熱風鼓,
令巴士噪音大大減低, 身在車廂內更加完全聽唔到引擎操作嘅聲音,
為左標榜佢地嘅環保功能, 九巴更為佢地命名為 "進步環保巴士",
並且喺尖沙咀嘅新世界中心舉行啟航禮, 之後喺當時往返太子地鐵站至上環o既 300 號線行走,
其後因為效果令九巴滿意, 於是喺 1996 年再引入 20 架同款巴士 (AS3-22) 投入服務,
而呢兩架九巴 Scania 一哥因為年事已高, 已經於 2010 同 2011 年先後退役,
其餘 20 架後輩雖然依然健在行走, 但係由於已經有近十六年車齡,
以九巴車隊每架巴士到十七年車齡就必須退役嘅規定,
呢批少數民族預計亦將會於 2013 年中開始退出九巴服務行列。
今日, 麻帆良市正式歡迎九巴 Scania N113 環保巴士 AS1 登場!
呢架九巴當年嘅環保先鋒, Super Bus 話記得當年九巴為左宣傳呢兩部新車,
喺尖沙咀嘅新世界中心舉行啟航禮, 當日正係星期六,
身為巴士迷嘅佢亦有去一睹呢款新巴士嘅風采,
佢話雖然佢地同尾批 Leyland Olympian (AL 136-150) 空調巴士,
以至後期嘅 Volvo Olumpian (AV) 係同款車身,
但係佢高佻嘅車身, 較長嘅尾跨, 仲有車頭大大個 "SCANIA" 嘅標誌,
令佢地顯得有鶴立雞群之感, 亦將佢地同其他使用同款車身車嘅巴士更容易區別出來,
車身上嘅 "進步環保巴士" 嘅宣傳拉花, 唔只令新車顯得更特別,
亦令 Super Bus 同其他在場人仕留下深刻嘅印象,
佢寧靜嘅引擎聲, 甚至連在場嘅人仕都唔知架巴士嘅引擎原來係著住添!
Super Bus 仲話, 佢曾經同佢細佬坐 112 過灣仔返花式單車會,
有幾次答中呢兩部巴士, 佢憶述當時置身車內,
除左聽到D乘客講野同感覺到架車行緊之外, 完全聽唔到引擎聲,
但係卻感受到引擎嘅強而有力, 皆因佢地所配置嘅原廠 Scania DS11-74 引擎,
有高達 274 匹嘅馬力, 加上 Voith DIWA 863 波箱, 無論出海隧上斜定上橋都得心應手,
毫不拖泥帶水, Super Bus 話雖然呢兩架環保先鋒已經喺九巴車隊入面消失,
但係佢地嘅來去如風, 寧靜而有力嘅行車表現, 除左佢本人之外,
相信搭過呢款巴士嘅乘客, 巴士迷以至揸過呢款車嘅車長,
都一定會印象難忘啦。
隆重歡迎! 九巴 Scania N113 環保巴士, 見參!!
證書編號 1171, 全球限量 2000 架
咦? 做乜個 Number 同呢度果架一樣嘅...?? oAo
http://www.orientalmodelbuses.co.uk/Scania/DW11201.htm
正式落地! 小澪好耐冇見啦~~ ^o^
車身右邊中軸前方嘅位置, 除左係引擎散熱水箱嘅位置之外,
亦係大型滅聲器嘅位置所在, 亦係 Scania N113 巴士嘅設計特色之一
真車相, 攝於 1994 年旺角警署外, 300 太子巴士總站
當時九巴嘅宣傳單張
同九巴 Volvo Olympian 11m 空調巴士一哥 AV1 合照,
唔同廠家出品, 但係大家都係用同一款車身, 而且又係行 300 號線
來一個對比先~
修長嘅尾跨同高佻嘅車身, 正係 Scania 同 Volvo 嘅分別
九巴空調雙層巴士樣辦車大集合!
小劇場~~~ XDDD
話說初音收到風, 話 Super Bus 訂購嘅新巴士 Scania N113 今日到埗,
於是初音就去車廠做檢收工作, 但係初音甫一到達車廠...
(初音) Super Bus 呢個人渣又話今日有新車到嘅?? 嚟到竟然影都冇...
正當初音呆企之際, 呢架巴士終於慢慢向初音背後駛近,
因為架車真係靜到連引擎聲都聽唔到, 初音亦不以為意...
就喺呢個時候, 呢架巴士就響起風鞍, 初音即時被嚇到飛起!
(N113) 呠呠~~~~~~!!!!!!
初音驚魂甫定, 轉身一望...
(初音) Huh~~~原來就係你呢架神野?? 你竟然咁嚇我!!?
(初音) 實在可怒也!! 竟然咁嚇我呢個弱質纖纖嘅少女,
心臟病嘅都比你嚇死!!! 我淒!!!!!!
言訖, 呢架 N113 就受左一記腳力無情嘅初音飛腿...
最後, 九巴熱狗已成歷史, 在下希望籍此機會向陪大家成長嘅九巴熱狗巴士講聲再見!!
向九巴熱狗致敬!! Farewell KMB "hot dog" buses!!
Thanks for reading~ |
|
發表於 9-5-2012 14:10:50
樓主