義勇群英裡的鐵甲威龍? 激光槍士兵: Sci-fi (GI JOE 30周年: Part 3)

Firewalker27

GI Joe: Sci-fi (當年亞視叫: 西菲)
Sci-fi亦係卡通版中期時經常出現既大配角. 佢被設定為激光槍士兵. 我覺得佢當年唔係太起眼.

個packing card art唔差, 不過點解佢個樣咁似…

隻figure個頭做到帶左保護頭套, 個樣好嚴肅.
Figure body, 應該係有少部份係番用parts. 最欣賞係可以除頭盔. 關節方面, 又係唔駛多講. 活動能力極高.

呢隻好特別有2個頭盔, 一個係半開面罩, 一個密封面罩. 擺下pose影返幾張相先.



當年造型係無密封面罩既造型. 可能今次孩記覺得一個激光槍士兵要有良好保護裝備, 而且激光太耀眼及熱, 唔可以整傷面部, 所以有2個頭盔. 好以睇到頭盔既雕塑係做到頭盔面罩係由上而下遮蓋.

Firewalker27

好喇, 又到“當年今日”時間. 先睇下舊版packing look.


左為新版, 右為古董版. 古董版係1986年發行, 古董版除唔到頭盔.
新版亦表現晒古董版既輪廓. 相差度不大.

裝備方面, 新版係左邊安放激光槍., 古董版就係右邊.

大家既背囊帶法唔同. 相反既. 點解咁得意. (我試過將新版, 照古董版背法, 不過唔係太得及美觀.) 背囊有喉管接上激光槍.

新與舊激光槍.

來吧, 齊來瞄準目標.

頭先第一幅圖已提過覺得點解Sci-fi咁似一個人, 我可以話, 佢有點似Robocop鐵甲威龍既頭盔面部造型, 因為大家都係有帶頭盔而只外露咀部位置.

1987年聖誕, 睇完Robocop後, 超級迷上, 當時Robocop無玩具出, 咁可以點? 咪將Sci-fi同BAT拆散再結合. 扮Robocop囉. 如果我唔係要拍“當年今日”, 我都唔會將佢還原做番Sci-fi, 因為我將佢改造後都陪伴我超過25年.

咁樣側面睇, 當年真係令人覺得似Robocop裡面既Murphy(梅菲). 有人話係Sci-fi抄襲, 但係Sci-fi已經係1986年發行, 而Robocop先係1987年上畫, 係唔係有抄襲就真係無從稽考.

對於新玩GI Joe既同好, 如果你當年無玩過GI Joe, 呢家可以知道當年只要拆左背部螺絲就可以拆散個figure, 就算figure爛左條o-ring或褲位t-bar, 只要拆另一隻figure取材就可以整好. 而且好方便mix & match. 不過新版就唔得啦, 因為“啤”實左個上胸, 而且新版body內裡構造同古董版, 已經唔係用o-ring. (以我所知, 當年有部份人將古董版既腳逆時針扭, 做旋風腿, 咁日子耐左或者膠老化, 條o-ring就好易斷)

最尾送上我的Sci-fi收藏大集合. 左起2011年, 中間1986年, 右邊1991年.
雖然Sci-fi係其他人心中可能係一個大茄, 不過因為將佢變做另類Robocop陪伴我四分一個世紀, 所以我係特登安排Sci-fi壓軸.

鳴謝yojoe.com提供相片.

Firewalker27

後話:
終於完成3個review. 其實我仲有好幾隻, 包括Law & Order, Airtight和Zombie Viper, 不過未有時間開黎玩, 而且呢3隻都已經有大ken兄post過, 再加上呢3隻無得玩“當年今日”, 所以暫時到呢度先. 可能遲d得閒就會將Zombie Viper整番個劇場玩下. 而睇過NYTF之後, 跟著落黎都應該唔會有30周年Figure出. 因為年中上GI JOE: Retaliation. 我都要預備定彈藥到時入貨.

玩具Kenny

支持支持
呢隻我也set入了
另一個頭盔比第二隻用都幾夾
不過可能因為綠色太鮮色個人沒有大愛

手榴蛋包飯

看到大大的圖我才知道原來喉管另一端是應該插到背包中間:DD

大ken

Good Post!
這隻 Sci-fi配件不多，而且款式與舊版相差不大，
但用現今的3.75body重新包裝，又實在表現得英型帥
可見十多年前的GI Joe的設計其實很前衞