地球侵攻作戰 Vol.1！渣古突擊小隊！

siegheil

地球侵攻作戰 Vol.1！渣古突擊小隊！

一個好有Wargame feel嘅情景，渣古3機小隊，進行突擊前就位嘅情景，點解話好有wargame feel，因為如果係真實情況(如果二足步行機械人打仗都算得上係真實嘅話...「聽」故唔好駁故~睇！)渣古三機係唔會黐到咁埋，因為只要其中一部機爆炸，另外兩部就會同時遭殃，不過打wagame或者現實打仗就唔同，前面果個中招，個身體係唔會爆炸架~唔怕累到後面，反而由於要將個視覺面盡量縮細，縮小空間，並且提高發起突擊時整體反應及連貫性，需要射手盡量緊貼，現實作戰時鎗林彈雨下，就算你點嗌，前後嘅隊友唔會聽得到，就算有無線電，亦唔保証可以清晰溝通，所以準備突擊前，射手一般都會擺好緊密嘅隊形，盡量提高身體接觸點，只要前後隊友有所行動，身體便會立即感應到，並且立即跟隨~

前面嘅MS係前鋒，中間係隊長，而後面就係支援，3人小隊嘅概念，係來自基力之野望，相信都唔駛多介紹，就算需要，都唔會多介紹~呵呵~唔知就自己諗辦法啦~哈哈~
前鋒踎低準進行突擊，使隊長可以立於身後，卻有更大的視覺空間，家吓米諾夫斯基粒子濃度高嘛...我個人係將電熱斧當成渣古基本裝備，所以每個渣古都一定會有一把電熱斧，突擊小隊方面，前鋒使用120mm機鎗，及腳部榴彈砲，大戰初期，120mm機鎗已經足夠貫穿聯邦軍所有武器的裝甲(除部份戰艦外裝甲)，而榴彈則提供高爆性火力，就像戰車同時搭載穿甲彈同高爆彈一樣，可提供不同火力特性以對應戰況需要；小隊長使用了REAL TYPE塗裝的機體，主要用於做出不同層次感的效果，如果3機顏色完全相同，個人感覺上好似好「假」咁，所以鐘意有啲不同顏色嘅配搭，至於其他人點睇...我得鬼閒理佢...哈哈~


小隊長方面，配備了120mm機鎗及手榴彈，由於前鋒已擁有腳部榴彈砲，提供了足夠的正面火力，所以小隊長就不配備，以提高靈活性，於突擊時確保足夠反應速度跟進，手榴彈則提供較附大火力，以對抗大範圍的敵人，或利用拋物線特性，攻擊障礙物後面之敵人，由於使用手榴彈的反應速度比使用機鎗慢，所以前鋒不配備手榴彈，當前鋒接敵時，立即以機鎗掃射，以壓制對方，隊長可選擇使用機鎗作支援或使用手榴彈；隊長把手按著前鋒膊頭嘅主要原因，與打wargame或打仗時，隊員採身體緊密接觸不同，基於很多理由，作戰線可能無法使用無線電通訊，而最基本嘅通訊方法，就是靠接觸傳導，這點在電視版或電影版中很常見到，因為宇宙中無空氣，就算你同收音都冇用...根本唔會聽到，即使喺地球，如果你喺機體入面聽外面收音，亦太多雜音，好難聽得到隊友講乜，所以，小隊內嘅通訊方式，主要仍以無線電、接觸傳導、燈號(單眼)、手號等為主。各種通訊方式都有優缺點，例如無線電，雖然方便，但作戰時可能需採取無線電靜默，於是就有等於冇；接觸傳導最大缺點就係需要「接觸」，雙方只能於隔離，遠啲都唔得；燈號係傳統嘅通訊方式，以摩斯密碼為主，缺點在於通訊時，雙方必須「直視」對方，單眼攝影機便不能使用，MS IGLOO一年戰爭秘錄中，馬沙就是使用單眼發出燈號，指示606中隊的指揮艇撤退...手號最大嘅不便，就係要有足夠嘅活動空間，咁大隻機械人手舞足蹈，都幾礙眼...咦？講講吓講咗去邊？唉~啲軍事宅毛病又發作...好~講返渣古突擊小隊...

負責支援嘅渣古企最後，除電熱斧外，只有一支火箭砲，唔攜帶機鎗，當前鋒及隊長的120mm不足以破壞敵方時，就輪到火箭砲出動！例如戰艦外裝甲、建築物牆壁等，都係120mm機鎗無法破壞嘅，於是，按隊長指示，負責支援嘅機體就會提供強大嘅火力！一支3機小隊內，同時擁有機鎗、腳部榴彈、手榴彈、火箭砲等不同用途及火力特性的武器，以達到平衝，可用於應付不同類型嘅目標~雖然任可一部渣古II，都有能力獨力攜以上所有武器，但以3機小隊攜帶，可提供足夠的靈活性及突擊速度，於戰術使用上較有利~

要特別讚一讚EMIA嘅設定，隻渣古用咁嘅姿勢，竟然都可以企得好好！唔駛靠黐住前面果隻去平衡！情景裡面每一隻渣古都可以獨立用果個姿勢企喺度，平衡同關節方面真係值得一讚！
相簿：
http://hk.myblog.yahoo.com/siegheil.leoyeung/gallery?fid=164

原文：http://hk.myblog.yahoo.com/siegheil.leoyeung/article?new=1&mid=8751

ROGERHUIHK

cool job