還原橫濱高達嘅震撼-DX超合金 RX-78F00 GUNDAM
本帖最後由 clpcmt 於 3-1-2024 11:34 AM 編輯2024第一開就開隻超重量級嘅DX超合金，有幸日本原價抽到，所以你問我抵唔抵玩，我可以話絕對抵玩！
版權問題就唔放正常版本嘅燈光表演係呢條片，淨係放咗條快速版喺片尾，想要完全版嘅話喺YouTube嗰度like同留言再pm我，我私底下send俾你
先講骨架，感覺上結構冇解體像機咁穩固，但要普通企喺度都問題不大，可動性可以接受，但係啲齒輪關節好似有啲輕微鬆動，未必完全可以擺到你想要嘅動作。
今次最主要嘅特色係可以有燈光同聲音嘅連動，背包位置有感應制控制唔同模式，選擇Mode 2係獨立模式，需要輕觸背包上面嘅按鈕，就可以切換模式。Mode 1係與地台連動，地台上面有四個按鈕，頭兩個係同橫浜一樣嘅效果表演，第三個係地台燈光度，有五種燈光顏色，分別係淺藍、藍色、紫色、紅色、綠色、淺綠色。第四個系同背包一樣嘅切換模式。切換模式總共有四個，第一個係駕駛艙亮燈，第二個係胸部散熱器連同頭頂發光，對眼係黃光，第三個係全身閃光，第四個係同第二個模式一樣，再加駕駛艙亮燈同埋對眼係綠光。再加上前後膊頭同埋膝頭哥都有燈，基本上還原咗大部份嘅燈光。
支架還原度就比較低。起碼表面冇咗啲LED燈panel，剩係得地台嗰兩盞燈。不過佢都有額外配件可以將武器掛晒上去，同埋今次可以將大部份高達外裝甲拆出嚟，並且掛喺支架嘅左手邊，搞到想入多隻兩個模式同時間展示。
佢今次有乜嘢缺點，就係支槍好難揸到上手，佢雖然有準備筍口位方便你將槍同手掌連接，但要順利安裝上去用咗好耐時間我都唔成功，結果最後放棄咗直接拎上手就算。以前一直好希望所有手指關節可以自由郁動，唔使好似MB同GFFMC要換手，但係發覺真係各有各好處，要拎武器換手反而方便，要擺造型嘅就手掌關節自由郁動會比較好，真係好難選擇！
其他嘅真係冇乜缺點可言，咁大部橫濱高達真係還原咗我當初去現場睇嗰種感覺，我覺得出得十分之好，有機會入手嘅都值得一入，食唔食炒就睇自己個人承受能力！希望佢喺收場之前喺現場可以大量供應，咁樣個個都有得玩！
最後我喺度諗緊係咪應該買返隻Mega size放喺中間，呢隻反而拆件放喺側邊，咁樣咪唔使買兩隻咁貴，你點樣睇？
q34IrGPqoXM?si=PWa3cNh4k6w0rBXi 謝詳細 report {:8_659:}
話時話，係網上睇到有日本 YouTuber 果隻因為個盾太重而唔可以平舉。你果隻有冇 d 個問題？
Thx 香港普遍屋企細, 呎吋絕對係窒礙購入的可能
唔計玩具, 我估買得既無人會丟呢個盒, 呢個盒放邊都係問題 呢只原價入到真係祇 , 不過 5-6點就到場橫濱會場排隊仲要得幾度+勁大風. 係幾辛苦 本帖最後由 fallout8 於 4-1-2024 10:39 AM 編輯
Del...post錯貼 12月29日響秋葉縣見到呢個價。
馬仔 發表於 4-1-2024 11:06 AM
12月29日響秋葉縣見到呢個價。
"輸送箱未開箱"但會成為中古品?.... {:8_735:}
上手有超能力可以唔開個啡盒取主體出來乎? 熱狗OO 發表於 4-1-2024 11:22 AM
"輸送箱未開箱"但會成為中古品?....
上手有超能力可以唔開個啡盒取主體出來乎?...
其實我都唔明，日文仲利害中文，非人類所理解。 Vince 發表於 3-1-2024 12:29 PM
謝詳細 report
話時話，係網上睇到有日本 YouTuber 果隻因為個盾太重而唔可以平舉。你果隻有冇 d ...
今晚返到去試吓先 熱狗OO 發表於 4-1-2024 01:40 AM
香港普遍屋企細, 呎吋絕對係窒礙購入的可能
唔計玩具, 我估買得既無人會丟呢個盒, 呢個盒放邊都係問題 ...
放咗喺公司 XD nela 發表於 4-1-2024 10:04 AM
呢只原價入到真係祇 , 不過 5-6點就到場橫濱會場排隊仲要得幾度+勁大風. 係幾辛苦 ...
(我承認我係好彩，所以起感恩有朋友幫手，如果$7000內都值得再入多一隻 馬仔 發表於 4-1-2024 11:06 AM
12月29日響秋葉縣見到呢個價。
希望遲啲回落入多隻 熱狗OO 發表於 4-1-2024 11:22 AM
"輸送箱未開箱"但會成為中古品?....
上手有超能力可以唔開個啡盒取主體出來乎?...
中古嘅意思係二手，日本有法例全新玩具唔可以高於定價，所以佢哋用呢招變相可以炒，當二手嚟賣，通常賣咗俾員工就叫員工賣返出嚟，比少少員工賺 馬仔 發表於 4-1-2024 12:11 PM
其實我都唔明，日文仲利害中文，非人類所理解。
樓上解答咗，其實最終目的都係會坐賺錢啫
頁:
[1]