我只係普通香港巿民
點解要出黎?因為我地想要番一個正常小小既社會我地做唔係因為我地鍾意做係因為迫住要做
點解可以做咁耐?我地都唔想咁耐不如問下政府啦
http://www.passiontimes.hk/?view=prog83&ep=230
被「朋友」鬧自私 學而嬲到大爆發
355,202 views │ 2014年10月02日
返回
下一則
香港藝人撐香港的「雨傘革命」，已經唔係新聞，不過，佢哋作為公眾人物，面對咁多左中右人士，又會點應對呢？不如學吓趙學而啦！
趙學而今日（10月2日）喺個人facebook度上載咗張的cap圖，一名自稱係佢朋友的人，喺Instagram不斷質疑趙學而撐佔領行動，「學而，作為朋友，你覺得我鋪頭關門大吉，會點？」、「放過我哋無辜小市民，阻人生計，自己快樂，太自私了！」、「我鋪頭6日無生意，啲員工都要食飯，關門大吉你們開心嗎！求求你們搵其他地方搞，唔好影響無辜小市民的生計！」
相信趙學而呢位所謂「朋友」，一定覺得自己講得好有道理，不過，學而好輕鬆就KO咗佢，大家學嘢喇：
「劉先生，多謝你嘅評論。
更重要嘅係感謝你嗰句："作為朋友"。
作為朋友，我非常尊重你發表言論嘅自由，但我希望你注意用詞方面，如果咁多年以來你覺得我係一個自私嘅人，我哋又點會做到朋友呢？
作為朋友，我知道你鋪頭唔喺示威者佔據嘅街道絕對係可以照常營業，當然顧客係會比平日少，但都只係呢幾日嘅事，長遠嚟講，只要經營有道，我睇唔到有乜理據會導致關門大吉。況且作為朋友我亦曾經為你哋嘅生意出過一分力，無論係親身行動以至研究、討論。
作為朋友，我梗係知道你啲員工要開飯啦，人人都要開飯㗎！你鋪頭六日無生意，你朋友我係一個演員喺香港兩年無發市呀？作為朋友你有無問候過我有無飯開呢？你知唔知點解我無飯開呀？係因為特區政府嘅政策呀！如果佢哋肯發多個牌，好多人都有飯開呀！如果佢哋肯諗多啲經濟發展唔係依靠自由行同房地產嘅話，你就唔使同金鋪藥房爭貴鋪交貴租做生意呀！
作為朋友，我懇請你認真睇清楚，無論支持同唔支持呢次運動嘅人，全部都係無辜嘅小市民。你所講嘅"阻人生計，自己快樂"嘅究竟係邊個？
p.s.朋友，好多謝你嘅留言激發我將我部分嘅感受講出嚟！」
更多新聞
頁:
[1]