GX-60 宇宙大帝! 降臨!!
本帖最後由 L-U 於 1-8-2011 05:59 PM 編輯宇宙大帝! 降臨!!
仔細既玩具結構我唔多講了, 因為都好多大大同書介紹過
我集中寫感覺上既睇法吧~
空雷王!
今次最大驚喜係空雷王, 單體黎講非常之好
身型比例都好好, 而且活動性好唔錯
尤其多得肩關節合體既結構, 上身活動好高
連股同腳都造得好唔錯, 亦係可玩性最高既一件
對比起金毛既本體, 佢做得好好多
另外頭部多左向上屈既關節, 方便飛?
三隻都有呢個貼心設計
一般耍劍拉弓都全無問題
海嗚王
陸震王
由於左右腳結構基本一樣, 一次過寫
第一個感覺係: 好大!
可能之前玩過六神, 對比之下左右腳都大隻左好多
上身合體設計得幾好, 令對手可以好正路咁活動
腰以下就因為避位, 股關節推到好前
可動比較差, 腳板就同六神設計一模一樣, 可動係有, 但非常有限
整體而言, 大腿過厚, 感覺上可以再做好d, 但都已經可接受的了
個人覺得今次合金魂為左就三隻既尺寸, 犧牲左合體後既比例...
取而代之係三隻個別都好唔錯
玩起黎好好
合體既戰機, 有破壞器grimmick, 盾可取下
翼既活動亦好實淨
大結合!!!
直接講下玩後感~
整體造工真係好好
合體亦好實淨, 重手, 圓兒時夢黎講合格晒了
變形過程都算清脆利落(唔計拆腳骨同腳板呢下)
至少都會有合完再拆既衝動
不過一樣都有可以改善既地方
關節方面, 股關節其實有d 弱, 大家都唔好玩得太兇
下身可動的確係差d, 好難擺得好睇
比例先係大問題, 為左令三隻尺寸接近, 明顯地下身過大, 上身過細
同六神, 金毛一比, 明顯失左平衡感
另外個盾亦細得好緊要, 對翼亦應該可以再大d
作為合金魂, 呢點令我有d失望, 以往都會調整一下比例既合金魂系列
今次基本上同舊合金一模一樣的, 嚴格黎講只係加強左舊合金既關節設計
多少有d 失望
可能設計上有d 急, 計返時間, 同金毛咁近就出到貨, 應該都係好快好趕咁做出黎
如果再細心調一下合體後既比例, 好多問題都可以再改善一下的
anyway, 一來, 大帝出到而家咁其實都已經好夠賣點, 所以都唔需要再深究新設計
二來, 可能係版權唔俾改, 都未可知
總括而言, 係滿意之作, 只係有d 意猶未盡既感覺
最後來d pose 圖~
全配件
王! 神! 大帝!!!!
熱血度爆燈!!
以玩具計, 我like 金毛>六神>大帝
但情意結就六神>大帝>金毛
最後一提, 今次係第一次做超合金review
寫起黎感覺同寫tf 差好遠, 希望大家唔好介意 三劍俠:71:
您的帖子長度不符合要求。 當前長度: 10 字節系統限制: 15 到 10000 字節 想問下....d圖係咪要login 先睇得到的？ 點解C王唔用大頭??? 你D相仲靚，勁 !
三隻裡面我爭六神，可能因為細個覺得套嘢好鬼悶 相好毒 ... 尤其係最尾個張 :70: good pic................... 勁................................:71: D相勁靚, C兄可以分享下用乜機, 鏡, 同拍攝技巧呀:handshake: 你D相仲靚，勁 !
三隻裡面我爭六神，可能因為細個覺得套嘢好鬼悶
gantz414 發表於 1-8-2011 12:05 AM http://www.toysdaily.com/discuz/images/common/back.gif
我欠金毛=.=
樓主D相好靚!!!!! 桃園結義.....讚!!:71: thx sharing {:3_137:} 好毒嘅相。pose又型！:shiny: 最後o個張就係召喚大王者o既姿勢. 相好靚，最锺意六神，金毛，大帝舉劍個張:)