玩具櫃送贈有緣人 詳情去P.9 #128
本帖最後由 rx79 於 2-3-2012 03:55 PM 編輯玩具櫃送贈有緣人
https://fbcdn-sphotos-a.akamaihd.net/hphotos-ak-snc7/425602_10150528314256781_696551780_9313127_1980045938_n.jpg
我的玩具經歷
前言:
玩"玩具"除了需要金錢和時間外,最重要的就係--緣份!!
先自我介紹我的玩具經歷吧,我係一位三十幾歲已成家立室有個小朋友o既麻甩佬,自少成長於一個冇乜零用錢及玩具都唔多隻o既小家庭,唯一接觸到玩具/漫畫/游戲機o既時間就係鄰居朋友仔屋企或過年時親友屋企或同學唔要俾我嘅.
幼兒時期--
果陣屋企同好多叔伯都住同一間板間房,一屋分好多間房,每房就住一房人,果陣經濟環境應該唔係咁好,所以我印象中好似唔多覺有咩玩具玩過,實際少少咁講,父母俾乜你就玩乜,我咁細個佢求其俾樣嘢我都可以玩餐飽,自得其樂!
而印象中我返幼稚園時期,果啲堂呀哥已經砌高達,玩合金如:大鐵人,六神,15機,V電磁俠等,有陣時一齊玩吓,但都唔知係咩黎嘅,係到後期我好大個出來做嘢後先識得佢地個名,而家先講得返~
最難忘的小學時期--
以前喺樓下士多門外成日都俾幾部扭蛋機吸引住,但由於我細個時係無零用錢嘅,如果想扭又無錢點算好呢??答案就係我耐唔耐都偷偷地喺呀爸褲袋攞一個一蚊,夠錢就去扭SD高達單色蛋同買其他玩具,或襯過年嘅利是錢未被父母"充公"前,就會急急腳偷偷地去文具店買一隻最平嘅BB戰士玩,當年大约係十零蚊隻,來來去去都係買RX78或93/沙薩比呢類款式,隻BB戰士需然好簡單,但我已經好滿足,期間亦試過俾父母發現仲被打餐飽,但呢段回憶裡面每個片段都好似就在昨日眼前發生,印象至今亦十分深刻難忘!!
最深刻的玩具--
有兩樣玩具印象好深嘅,當時有套我好鍾意嘅卡通片,叫幻變奇兵M.A.S.K 嗌呀媽好耐都唔肯買俾我,因確實係太貴啦,件件都過百甚至幾百!果陣呀媽做工廠包裝女工,臨暑假前我同呀媽提議不如我幫手做包裝再計返錢俾我,我呀媽同意,於事成個暑假我賺到百幾蚊,就用咗$76(好記得係$76蚊)買咗我人生第一隻幻變奇兵玩具,佢唔係咩主角機,只係一個連鏡都未出過嘅油站!佢除咗只係會彈D車軚出黎外就冇嘢玩喇,雖然冇乜好玩,但都叫做幻變奇兵吖.
http://www.albertpenello.com/mask/box/pscbox.jpg
第二就係當時勁流行嘅四驅小子呢套卡通片,在經過多日苦纏後媽媽終於肯揾個星期日帶我落樓下文具店揀車,我仲好記得買車前嘅星期六晚及買咗車之後果晚,我都興奮到訓唔著!到文具店揀車果日,達修隊架架車都炒過百,我怕呀媽肉痛只係揀咗架最平大约三十幾蚊叫-桃太郎嘅車俾我,一架咁嘅車仔可能好多網友都有幾架,但對於當時簡單的我來講,我已經感到好滿足~~
玩具大屠殺--
某日因我考試成積唔理想,呀媽大發雷霆,以"太多玩具"或屋企冇位嘅理由,強行將我兩兄妹一格櫃都冇嘅玩具剷除晒,仲係一件不留果種,我為失去嘅心愛玩具哭過及傷心過好耐,久久未能平伏.....呢種慘痛經歷,有幾多師兄有體會過呢?
中學時期--
除咗初中幾年有玩吓四驅車外,我同細妹夾錢買咗部恨咗好耐嘅GAME BOY玩,呢部GAME BOY真係帶俾我地屋企好多歡樂日子,例如一家人玩俄羅斯方塊鬥高分,鬥爆機畫面係射火箭定穿梭機啦,魂斗羅入秘技啦,孖寶兄弟,泡泡龍,熱血硬派等,又可以同朋友仔玩雙打,好玩程度真係一時無兩~~相信好多師兄都有經歷過吧~
大约中三打後,人大咗對打扮開始留意,花喺買玩具買遊戲GAME嘅錢已經減少咗好多好多,兩兄妹有錢都情願夾錢買YES睇,買BEYOND/草蜢嘅帶或CD聽,甚至開始買名牌扮靚等,除咗好耐先買一隻嘅BB戰士模型或扭蛋外,真係冇乜點玩/買玩具,所以呢段係我玩具經歷嘅黑暗時期,而且都維持一段好長嘅時間,直至我出來做野嘅某日.....
時間轉眼便去到千禧年,當年廿零歲嘅我已經出來社會做事,由於已有經濟能力,所以買玩具再無需受制於零用錢或靠家人嘅准許,果陣我都仲有玩吓MG或BB戰士,亦都有儲吓咸蛋超人,幪面超人嘅景品及玩具,間中砌吓軍事模型等,但並唔係好熱血果種.
惡夢的開始,與高達的偶遇--
某日,我又喺屯門利寶中心睇玩具(當時嗰度係區內一個好出名嘅玩具場,差不多八成鋪頭都以賣玩具為主,又平又集中,所以我差不多每個星期都去走一轉,經常都有好收獲),喺一間鋪頭飾櫃前欣賞緊樽仔SD高達景品時,隔離有位差唔多年紀嘅靚仔特然間打開一個膠袋問我:你有冇玩元祖?
我被佢嘅特然一問搞到有少少措手不及,並且用一個好疑惑嘅眼神望住佢,果位靚仔就從袋內攞出幾隻SD元祖高達俾我睇,(坦白講我當時真係唔知咩係SD元祖,真係直到呢刻先第一次見識到元祖高達係點樣嘅),佢話想放問我有冇興趣要,前後有8隻元祖再加埋5套SD高達Full Color STAGE PART 1-5扭蛋,由於佢嘅開價都唔太貴,而且我又有少少鍾意咗佢,所以我就全部要哂,加埋约八舊水成交,情况真係就好似寶藥黨賣假藥一樣咁搞笑,亦就係呢位靚仔使我正式遇上高達,使我從此走上玩具狂熱嘅不歸路!(如果你睇到的話,我都想再見吓你)
一石激起千重浪,我的玩具帝國反擊戰--
就係呢幾隻元祖,使我去接觸更多元祖,就係呢幾套扭蛋,使我去接觸更多SD高達Full Color扭蛋,當時套SD高達扭蛋已出到PART 24,有我鍾意嘅G戰機,V作戰同木馬號,我行咗好多地方先可以買返齊PART 5-23,不過果時港九新界四圍去揾扭蛋揾舊玩具亦都係一種樂趣~~
因為上咗一鋪尋寶癮,我開始上網同其他師兄交流消息,間唔中再约埋啲同好去巡舊邨內嘅文具店,果陣真係好開心,而且仲有少少樂極忘形並開始走火入魔嘅感覺,我有種好強列想補償細個冇玩具玩呢個心理缺點,於是四出去搜購我童年時期所流行嘅玩具,如星戰/各種合金,戰隊,魔神英雄,IQ博士模型/扭蛋/捉鬼敢死隊/星戰雄師/GI JOE/星矢/變形金剛,前文提過嘅幻變奇兵及四驅車等玩具,總之啱玩又買唔啱玩都買,仲要係連絕版或特別版全部都要買齊果隻,或者係叫"玩具"嘅我都會買.......
走火入魔--
可能覺得自己细個太窮,難得而家叫做揾到少少錢,於是就瘋狂買玩具去彌補呢個心靈傷口,開頭都唔覺有咩問題,但後期連朋友/家人/以前女友都話有問題嘅時候,我先覺得自己都好似有少少病態購物症,當時成份人工扣除呀媽家用及自己駛費後就全部奉獻俾玩具店,情況差到係幾乎連拍拖都冇錢,病咗都唔肯去睇醫生,情願留返D錢買玩具,屋企間房明明已冇位擺,但都要租間"大村屋"來擺!
除咗用哂多年積蓄外,因玩具擺放問題與家人鬧不和,亦都為咗買玩具問題同當時行咗5年嘅女友分手,果時嘅我真係同一個病態賭徒冇咩分别,幾乎每個月一亳子都冇剩,搞到人際關係極差,可謂人生一個低潮.....後來某日自己諗通咗,唔想再咁買落去,先開始控制自己極度瘋狂嘅購買慾.
汰弱留強--
由於當時嘅我實在買咗太多玩具,真係多到連租果間700尺村屋行都冇位行,咁啱果段時間興科網股,所以我需要用好多錢去"投機",我當時諗橫掂好多玩具買返來之後連膠袋都未開過,放返出去應該都仲值少少錢啩,所以我就為咗應急錢而立定决心開始咗我嘅割愛行動,將高達以外嘅模型玩具都放上網賣,雖然大部份都係蝕讓,而且仲係好唔捨得地賣,但為咗套現及讓佢地有個更好嘅主人,咁做亦都情非得已,無奈咁進行!
經過多年嘅減持後,我個倉已成功減去大部份非高達類玩具,咁係唔係代表全部叫高達嘅我都會鍾意呢?其實我只係喜歡較早期的幾個系列,就算如元组/BB戰士的武者,騎士,W,G,機動武鬥傳,甚至V高達以後的我都冇留,最喜歡的仍然係一年戰爭編內的所有角色,所以此舉已定下了現在我所收藏的路向.
與玩具的緣與份--
我喺前言講過呢句:--玩"玩具"除了需要金錢和時間外,最重要的就係--緣份!!
呢句係我玩"玩具"嘅名句,就算依家我都仲有同老婆咁講,因為係從我的玩具經歷上深深所體會出來嘅,
1)某些玩具自少就無緣擁有,到大個有錢想買返都買唔到,係好多地方都揾唔到(包括日本國內及本地/日本拍賣網),所以我同果件玩具係註定無緣無份,
2)就好似元祖-天地城我賣咗而又再俾我買得返,但又遇啱我要套現而再放手,註定咗有緣無份,
3)有些玩具同佢離離合合就如情侶,第一次我遇啱要套現而分手,幾年後難捨難離又再買返,跟住又為套現結婚再度分手,數年後又再俾我重新遇上,呢套就係四驅小子達修隊內嘅全部戰車,
4)有些玩具離離合合,散散聚聚好多次,但現在再揾已經揾極唔齊,呢套就係BB戰士的1-6號,我仍欠2隻,
5)好多高達扭蛋能避過幾次嘅"洗倉"卻又因為冇地方擺而未能見天日,長期仍收藏於村屋內,我同佢地究竟有冇緣份呢??
苦盡甘來,修成正果--
經過多年嘅經歷,遇著上年嘅金融海潚好多樓都好平,我地兩公婆終於第一次置業喇,多謝上天俾我娶到個體貼我嘅老婆,就算佢好唔鍾意我花錢買高達,好唔鍾意見到我嘅高達,但佢竟然批準用幾萬蚊造個玩具櫃送俾我,等我嘅高達公仔有頭好住家,我每次望住個櫃老婆都笑我又喺度欣賞個櫃,其實我每次望住個櫃都係回味緊多年來所遇過的喜與悲,真係好感觸良多架,尤其係想起當初如果冇遇到果位靚仔,冇遇到果8隻元祖5套扭蛋,我而家會點樣呢?因我差D俾佢搞到萬劫不復呀.........
今個聖誕節係我地間屋入伙一週年,張相就係平安夜影嘅,而呢段水蛇春咁長嘅文係特意與各TD師兄同好分享我的三十幾年鮮為人知的玩具經歷,就算我老婆都係呢刻從呢编文章中先知我熱愛高達嘅原因,
希望各TD師兄都能長揾長有,賺多D錢買樓擺玩具,身體健康玩玩具~~
多謝收看--
全文完!!
先分享其中一個櫃先,不日更新~~
多謝收看~~:64:
1月22日更新
換賀年新裝前!
http://sphotos.ak.fbcdn.net/hphotos-ak-ash1/hs894.ash1/180279_489662766780_696551780_6613188_3735898_n.jpg
http://sphotos.ak.fbcdn.net/hphotos-ak-snc4/hs1376.snc4/164866_475851291780_696551780_6367546_450443_n.jpg
更新另一個高達櫃,收藏品以SD元祖及SD裝著為主~~
http://sphotos.ak.fbcdn.net/hphotos-ak-snc4/hs1237.snc4/156934_476264031780_696551780_6374890_440356_n.jpg
http://sphotos.ak.fbcdn.net/hphotos-ak-snc4/hs1386.snc4/163802_476265556780_696551780_6374903_7470328_n.jpg
一切從"頭"開始
先從高達頭開始~~
右邊為1:12一番獎高達頭
http://a367.yahoofs.com/hkblog/bK6RsReACEBZfHdL1l_o_1/blog/ap_20101229120551555.jpg?ib_____DxmiLPVaz
http://a367.yahoofs.com/hkblog/bK6RsReACEBZfHdL1l_o_1/blog/ap_20101229120514925.jpg?ib_____DS7AzD1_G
珍藏的高達模型
第一代的彩色注模技術.
http://a367.yahoofs.com/hkblog/bK6RsReACEBZfHdL1l_o_1/blog/ap_20101229123815690.jpg?ib_____DqmgKSORp
在前文"緣份篇"中所提到的呢句:
4)有些玩具離離合合,散散聚聚好多次,但現在再揾已經揾極唔齊,呢套就係BB戰士的1-6號,我仍欠2隻,
BB戰士1-6,大部份都有2隻或以上,但我仍欠1隻ZZ及大魔,仍等代中.......
http://a367.yahoofs.com/hkblog/bK6RsReACEBZfHdL1l_o_1/blog/ap_20101231013354711.jpg?ib_____Dli3dkLcg 剩係冰山一角已經咁壯觀:shiny: 大大有儲SD扭蛋嗎? 唔推唔得!!!:71: “一个柜“？！仲有几多个柜？！劲！！！:50: :71: awesome what a big family!!:71: 20年.....醇厚:78: :71: :71: 嘩...好有聖誕氣息 !! 厲害厲害欽敬欽敬:o 這個家庭充滿節日氣氛好溫暖...:78: 見到好多mia怨念物:46:mia dx nu gundam:help: 大大有儲SD扭蛋嗎?
dennistoyS 發表於 25-12-2010 05:58 PM http://www.toysdaily.com/discuz/images/common/back.gif
MS同SD及FW都有齊,但冇位放出來........:31: