分享：我的聖衣神話「全集」!!!

小白羊

玩左聖衣神話咁多年，
中途遇過唔少風波，試過放棄過幾次......
如：處女座被炒到勁貴、遲左買唔到狼,幼獅,終極仙女、24K星矢太無聊......

但最後，都係不惜捱貴貨，終於「一件不漏」儲齊晒啦!!!
琴日買雅典娜同天蠍胸像時，仲入多一套雙子添∼   ^o^

返到屋企，用左三、四個鐘大執一番，
今日決定同大家分享一下小弟o既喜悅~~~   n_n"

<1> 小弟o既書櫃其中一格，前一排將d書拎晒出o黎，書櫃變display櫃......
　　十二黃金+加隆+4隻教皇+雅典娜


<2> 最慘不忍睹o既擠迫戶...你無乜可能o向呢張相入面搵得晒佢o地......
　　新生五小強+終極五小強+五小弱+水晶戰士+天馬神衣+便服星矢及紫龍+天琴


<3> 原本呢格係海鬥士o既專區，但小弟屋企實在無位放，琴晚呢區俾神鬥士大舉入侵，破壞晒個景觀......
　　7個海將軍+5個神鬥士+2個海皇+便服加隆+1隻狼......


<4> 最霸道o既一格，皆因10隻冥鬥士已經迫爆我一格櫃，上面五小強班友，一格足足企到20人，都仲有位剩......
　　冥王瞬+3巨頭+死神+睡神+2隻冥白羊+冥山羊+潘朵拉


<5> 好彩，胸像細細件，隨便搵個位都可以放好佢o地...
　　(小弟教書佬一名，你見Flash o既書都有三本，係咪應該丟晒佢，讓位俾下一批神話呢？)  =P
　　7隻胸像


<6> 全場最貴o既一隻神話(我心入面其實係諗...最不知所謂o既一隻神話...玩具一件，用24K金電鍍...把鬼咩？)
　　24K金星矢


<7> 同場加映：好多網友對住嘆息之壁日夜嘆息，每月係咁俾屋租，唔係讓自己住得舒服d，卻係為左安放呢道牆......唉∼∼∼
　　我就狠心丟晒入面o既膠，壓扁d盒，剩件就用密實袋分開入好，一個櫃頂搞掟晒！Yo∼嘆息之壁？駛乜驚呀~~~


註：小弟屋企細，要安置呢批大軍，最大o既秘訣係......「一個display支架都唔用」!!!!!
　　其實你放好d，佢o地係企得好穩o架~~~
　　玩左咁多年，個櫃俾我撞過N咁多次，佢o地都企得咁好∼
　　唔同角度咁企，一o黎又慳位，二o黎又自然好多∼
　　點都好過一排俾人綁架咁，綁住條腰o向look柱上面等打靶丫∼right???   ^o^

小弟分享到呢度先∼
希望各位大大多多支持∼∼∼
多謝觀賞!!!!!

影武者

其實總數有多少隻???:73:

toysbear

大大，勁，一件不漏！good.

我就因無位，無買神鬥了，還有些都沒買！
太迫的話，我要選角來display，點都會靚Ｄ，
而且太迫只會唔太靚！浪費了觀賞的心情，
又可以間中轉下人，玩下，摸下，其實仲過癮！

也可以用card board 做點高了一層梯級，有返Ｄ層次感！
anyway, 謝謝分享！

小白羊

原帖由 toysbear 於 22-2-2009 11:19 AM 發表
我就因無位，無買神鬥了，還有些都沒買！
...

我呢條神話之路都好唔平坦......
開始時無買，出到第三隻「新生冰河」開始覺得正，即刻追買番星矢同紫龍，
買到處女時，俾人炒到天價，即刻放棄左......
出多兩三隻之後，處女返貨(唔記得係咪東南亞水貨)，因為價格合理，又儲番。

儲完十二黃金，心諗，儲晒真係唔掟喎......
於是神鬥士、五小弱、終極五小強，全部無儲。
但後來轉左工，遇到個同事係「一隻不漏」儲晒，
o向佢o既影響下，決定買番晒......
呢一下真係慘烈......
好多已經出左一段日子o既角色，都炒貴晒，
狼,幼獅,終極仙女，更加係可遇不可求，遇到都勁貴。
但最後都係完成任務啦~~~

不過，「一隻不漏」......諗起o黎緊o既爆裂版星矢，
真係......唉∼∼∼
:56:

奇夫

恭喜晒﹗最緊要係買到心頭好:71:

p.s. 大大的頭像係哪個作品？在哪兒買的？可否pm我？謝謝﹗

toysbear

其實不用太執著「一隻不漏」和「什麼版本」，
你display也不過放在櫃中，根本分不了什麼版本，
加上這麼多隻，要的是一起豪華感覺，巳理不了什麼版本，
還有，到現在也沒有誰人証實日本版是最正！

至於一隻不漏，就要看性格，有些人喜歡全套感，
其實有太多要考慮清楚才買，如24K，爆裂等，
太多重覆的聖衣，所以還是"停一停，想一想"！

(個人意見)

stephen727

good =]]
不過壓扁哂d盒我就真係唔捨得=,=

小白羊

原帖由 toysbear 於 22-2-2009 11:52 AM 發表
其實不用太執著「一隻不漏」和「什麼版本」，
你display也不過放在櫃中，根本分不了什麼版本，
加上這麼多隻，要的是一起豪華感覺，巳理不了什麼版本，
還有，到現在也沒有誰人証實日本版是最正！

至於一隻不漏 ...

係呀∼非常同意呀~~~
我依家買神話，已經唔理係咩「版本」，
只要當時買得到，選最平就得啦。

因為我親身經歷話我知：
我試過買隻日版人馬座，結果有隻翼後面甩左一大塊色......
但我又買過好多隻大陸版、東南亞版，簡直係完美無瑕，
香港版就有保證d，試過睡神甩色，拎番舖可以即刻幫我換件∼

至於「一隻不漏」，就真係我本身o既性格啦∼hehe......
咁辛苦儲番齊，睇o黎爆烈版都係100%入o架啦∼   n_n"
好彩，我淨係儲神話一個系列o既玩具o者~~~

FLANKER

樓主...你十二宮既擺法幾乎同我一樣....:71:

kirin小黑

唉．．．我有幾件漏呀．．．．爭隻青銅狼座，海皇普通板，ｔａｍａｓｈｉ教皇，真金星矢．．．．呢幾隻未買呀．．．．．不過等下先．．．．遲ｄ戰損板同雙子限定胸像都未必買．．．

小白羊

原帖由 FLANKER 於 22-2-2009 12:22 PM 發表
樓主...你十二宮既擺法幾乎同我一樣....:71:

哈哈∼
都係跟住同一個原則：
由白羊宮「順序」排到雙魚宮，
每邊六隻∼
:73:

聖鬥士JACK

大大有無買埋兩隻限定黑羊:36:
我由新生星矢每隻都係一出即買,都合理價
唯獨死神遲左三四日先買,點知變左炒價..............

小白羊

原帖由 聖鬥士JACK 於 22-2-2009 12:40 PM 發表
大大有無買埋兩隻限定黑羊:36:
我由新生星矢每隻都係一出即買,都合理價
唯獨死神遲左三四日先買,點知變左炒價..............

終於俾高人發現左添~~~:77:
香港舊年年尾出o既限定黑羊我有買，
但再之前，o向外地出o個隻...深綠色頭髮o既限定黑羊，
我就真係無啦......

唔只無買到，直頭根本係...從未o向街度見過有得賣，
唉∼算啦......
唔o向香港出o既限定版，
買唔到都無計......o個隻唔算∼唔算∼∼∼
:unhappy:

極火之炎

:71:

choikitcheong

數學科+電腦科教師?:36: