|
Hottoys的杰作~女鐵血戰士·Machiko，確系好嘢黎！
什麼背景相關的我就無太多了解，只系聽聞系出自AVP漫畫，Machiko就系源自AVP1中的那個女人，之後乘上Predator的飛船，了解到原來就是這些家伙養殖異型用來狩獵娛樂，後黎仲勁到殺晒成架船D Predator。我聽到嘅就只有咁多，大家有了解不妨傾下∼∼ 個包裝就麻麻地，同AVP2的Wolf 2.0的超豪包裝無得比，但都系OK嘅，內盒透晒Machiko個面具花紋添∼ 用左新開發的BODY，幾正，可動性同外型都好好，胴體部份包左硅膠，睇得又摸得。組合唔算太難，因為網衫同胸甲裙甲都著好晒，個BODY又唔使砌。系綁個刀橇在背後所花時間長D，我就綁高左，睇落好睇D，咪知就掛到去小腿了。成個身體比例都修得好好，女人味十足，戴上面具亦完全無其他Predator咁覺得頭大。全部裝備可以上晒身，仲精良過Predator們果D。可動性就同其他的無大分別，令你滿意就是了。 面具無Predator果D做得咁細，一件過，眼部亦只系塗上，小小不足。 肩部炮分3段關節，可以折埋收喺背部。 又系掛一串XXX的頭骨（很想知道D咁細個嘅頭骨究竟出自什麼？）腰前有收納狀態的回旋標和由異型爪制成的匕首。 腰後更精彩，呢把刀我都唔知叫咩名了，但就有小小港版那些神兵的感覺。腰側掛著兩把應該內置化屍水的飛刀，一插即化。 異型頭蓋製作成盾，出面用透明件，裡面的骨頭結構和上色都睇得好清楚。好鬼靚。個盾是套在手甲上的，都幾實淨。 Machiko兩只眼系唔一樣的，左眼配合面具左邊的兩道血痕已經變得通紅。眉毛、眼影和口紅都確系畫得靚！ 手刀無得伸縮，亦無電鍍處理，差D∼ 把刀就真系賣點黎，夠型夠特別！ 如果可以做電鍍就靚太多了∼依家成只嘢無D閃令令嘅地方。 長老長矛，有晒掛飾，但就.....小心折斷啦。我就斷左一次了，HT換翻俾我∼但睇怕都唔會長命了。玩Wolf時我又無呢種感覺卟。 咁就........又系可以拉下縮下咁。 第一版就有埋地台，咁應該無第二版啦XD。地台有個鐵血小朋友的頭骨，為什麼是小朋友呢∼∼？因為呢個頭骨真系好細個。 但雕工同上色就一流嘅∼ 好了，成只嘢都系威系勢又有女人味，入手嘅都應該好滿意啦。 COS下漫畫封面張圖先∼同Predator的體積差異就系咁了。
後記：真系可說是出品精良，又多嘢玩！品質上黎講真系好滿意，但為何遲遲無幫距影相，10月最愛又無距份∼？就系因為對住距無咩感情阿嘛∼ | 
發表於 21-1-2009 17:39:24
