JOJO同好黃金體驗之世界(傾劇情，有劇透，慎入！)

原罪

都好喎, 可以暢所欲言~~!!!

反而想知佢由呢個原本世界度出現, 咁佢"本身存在"既世界, 即是同第一部 ...
香港人 發表於 28-3-2011 11:30 PM

我咩都唔理架啦！打左劇透~閣下自理。
我地傾啦。呵呵~

關於呢點，首先要講一講SBR係平行世界，SBR當日一出迪奧，小弟立即睇返jojo第一部，呢段時間既迪奧，係計劃奪取祖斯達家既時候，而時間應該係用緊成年時間落毒，
毒祖納桑父親，咁以迪奧緊慎既性格推斷，佢係唔會將呢個任務假手於人。
所以無時間去參加呢個需要咁長時間既SBR比賽。

所以我地睇開既jojo本尊迪奧，同SBR迪奧並唔係完全同一人。

先迪奧既替身力量，係於第三部時啟動，係佢搶左祖納桑既肉體多年後，終於覺醒替身能力。而佢係自己覺醒，定係用箭，呢點好似無交待過。
第一部時迪奧只係吸血鬼。
其實「世界」呢個替身究竟係源於迪奧既靈魂？還是祖納桑既肉身呢？
呢點都值得研究下，因為祖納桑既後代，承太郎都擁有類似既替身。

所以初初睇SBR，見到SBR迪奧既替身係恐龍，反而可以合理左呢一個推論。當然，睇第五部就知替身其實係跟靈魂既…

咁「新世界」帶黎咩問題呢？
我同朋友傾過，都帶黎幾多問題。
1.總統搵到一個平行世界入面，有呢個時間未死既迪奧，咁佢係咪吸血鬼呢？見佢可以日光日白參賽，應該唔係。
2.佢既替身係因咩發動？
3.第二個SBR既迪奧，即佢係第三個迪奧。

迪奧於多個世界既共通點。就係「野心」。

原罪

而最不能自圓其說既地方，係總統既動機。
總統處於將死既時候，就睇中迪奧，等佢可以擁有美國…
但迪奧好似係英國人…

而總統覺得迪奧明白到「屍體」既真正價值。
咁佢憑咩覺得祖尼唔知「屍體」既價值？

不過我地有好戲睇就算…遺憾係總統死左。
暫時都無可能實現jojo所有主角共演既戲碼…

原罪

呵呵~~~~super duper的劇情, 好鬼期待, 本來無網上追這個的, 依家要破界了~~~呵呵~~~原來總統的能力, 係 ...
Quentin 發表於 29-3-2011 12:47 AM

    本身都無網上追開…
不過上次單行本太緊張…結果上網睇下講到邊。點知原來只係多一回。
咁我同埋自己既jojo同好講，叫佢睇…
點知佢就成日睇實…睇下幾時更新。點知一更新就兩回…
到佢渡返我轉頭。

呢次大件事，我真係即日睇多一次。「新世界」事件。

Quentin

而最不能自圓其說既地方，係總統既動機。
總統處於將死既時候，就睇中迪奧，等佢可以擁有美國…
但迪奧好 ...
原罪 發表於 29-3-2011 01:24 AM

我就未捻到咁深入, 不過我記得SBR早期, 我發覺, SBR世界的人物, 只係同名........或者老師想我哋易啲溶入SBR新世界......但慢慢發現開始有替身後, 我又有奓望了...到依家......@@!, 都係等老師解話啦, 呵呵~~~

jackyt

其實我想知 SBR 係咪緊接 part 6
當時有人話係延續，有人話獨立故事 ，有人話係前傳，到底荒木有無講過？

開頭睇覺得係前傳，睇番舊issue, 教第一代JOJO波紋的人都係叫謝皮利，好似好多野都同之前幾part的人有關連。
如果係part 6 延續, 會唔會係神父將時間空間人物，reset 洗牌重新黎過，所以我地熟識果個dio又可以出現。（不過唔希望係咁，呢個講法實在太流喇．．）

jackyt

我諗總統同謝皮利應該唔會就咁就死咗卦？應該仲有幾期單行本先埋到尾喎．．．

如果part 3 dio 同 SBR dio 唔係同一人咁咪破壞晒之前D設定，
因為替身係跟靈魂，而且一直都無試過同一替身出現0係唔同人身上。

（希望佢唔好為咗谷收視而圓唔到個故事啦!）

香港人

我諗總統同謝皮利應該唔會就咁就死咗卦？應該仲有幾期單行本先埋到尾喎．．．

如果part 3 dio 同  ...
jackyt 發表於 1-4-2011 05:28 AM

都無乜所謂, 平衡世界人物相同但性格及背境完全不同...

原罪

其實我想知 SBR 係咪緊接 part 6
當時有人話係延續，有人話獨立故事 ，有人話係前傳，到底荒木有無講過？
...
jackyt 發表於 1-4-2011 05:11 AM

    應該SBR係平行世界。
入面既所有人都係似之前同名角色，但經歷同背景會有出入。
性格上出入就唔大。

唔知大大有無睇過天使心呢？
佢就係城市獵人既平行世界。d人性格一樣，但經歷會唔同。

原罪

我諗總統同謝皮利應該唔會就咁就死咗卦？應該仲有幾期單行本先埋到尾喎．．．

如果part 3 dio 同  ...
jackyt 發表於 1-4-2011 05:28 AM

    關於佢咁攪…我係開心既。
雖然我諗同谷下話題有關，但我覺得咁樣都唔錯，而且係有限度咁用舊人。
我真係驚喜多過疑惑。

jackyt

回復 909# 原罪

有無留意新世界個設定有D唔同，膝頭個心心變咗D字同O字。期待新白金之星．．．

佢D畫功真係愈黎愈靚!
有無大大買咗佢同羅浮宮crossover果本畫，fans 必備之物!！！

原罪

回復  原罪

有無留意新世界個設定有D唔同，膝頭個心心變咗D字同O字。期待新白金之星．．．

佢 ...
jackyt 發表於 3-4-2011 12:56 AM

有本咁既野？
幾時出架請問？

新世界仲仔細到有睫毛。真係好正…新白金之星就…我唔係咁想見到。起碼唔係呢一輯到出現啦。
我最想睇…係所有主角一齊既一部。
同埋當年東方丈助，童年時幫佢既人…那個全身傷既人。我一直覺得就係丈助自己。
唔知係時間定平衡世界…

p.s.
SBR入面有個參賽老伯叫東方則助…究竟呢條友會一路只係出個名？還是會有戲呢？
佢個名…令人好介懷…

jackyt

回復 911# 原罪

早年羅浮宮邀請荒木展出作品，跟住佢專登畫咗本“岸辺露伴 ルーヴルへ行く”，
開頭好似係羅浮宮會場限定，後尾我0係日本amazon買咗，厚皮百幾頁全彩，
之前香港某店賣到好貴，成4舊水（其實係值嘅！）不過上amazon 買都係二百多，
去日本amazon search " Rohan au Louvre" 就會見到。

佢早排0係京都展出多一次原畫展，應該會出日文版，因為暫時只係得法文版。
強烈推介，用今時今日SBR技巧畫番十幾年前嘅露伴，正!

原罪

回復  原罪

早年羅浮宮邀請荒木展出作品，跟住佢專登畫咗本“岸辺露伴 ルー&# ...
jackyt 發表於 3-4-2011 06:00 AM

    多謝介紹~

jackyt

“岸辺露伴 ルーヴルへ行く” 真係出日文ver,有興趣嘅朋友留意喇!  19�5

s-manga.
net/newcomic/index201105.html

jackyt

19�4 ﹣SBR 最終回，估唔到咁快完．．．

araki-jojo.com