|
|
發表於 26-7-2009 12:59:26
|
顯示全部樓層
發癲故事....越來越亂...
唔講咁多, 剩係講年齡..
十年, 十年又十年..
我計步驚雲廿三, 四歲左右出道.
計落家下都起碼六十歲啦.
(照推測既, 再講步天都有三十出頭)
聶風最多細步驚雲四歲, 即係點都有五十六以上.
咁劍晨理論上應該同步驚雲同年甚至大過佢既, 即係又係60+啦.
無名, 仲死, 十九歲一劍成名, 廿歲重挫十大門派, 幾年後借死歸隱.
無三不成幾, 我計到盡佢廿三歲扮死好味, 重見步驚雲同佢爭絕世好劍時無名起碼有四十
(據小說講, 劍聖三十歲初回無名, 出劍廿三時又係六十歲, 咁即係無名扮死最小有廿五年時間)
風雲死戰十三年, 冰封又廿年..計計埋埋, 呢件野都無80歲, 都有七十九啦...
呢個故仔, 年齡已經可以講係超級BUG位, 仲係bug到唔bug...
仲要個個都唔見"老"既....
刀刀劍劍, 手手腳腳, 斷完又可以駁返, 直頭你講晒...
唔知太監係故事入邊又可唔可以駁返呢.....
武功仲死, 係越來越癲, 個個都係天下無敵
無敵完, 殘廢完, 死而不僵..定時唔知邊忽要人, 就挖返出黎谷行佢, 用完又斬返佢d手手腳腳..
(劍晨就係一大例子, 勁過民建聯..忽左忽右, 忽忠忽奸, 一時正氣, 一時咸濕..)
長生不老, 龍元, 攞得咁辛苦, 原來一樣可以學返黎, 咁駛Q咁辛苦去組隊打寶咩, 升Lvl米得囉..
家下仲變成左異次元空間近未來空想科學大冒險
又九空無界, 又劍界, 又男界, 女界, 互界....張家界...
遲下我驚會有"界王"出場...
打左N咁多年, 仲係打日本仔, 你厭唔厭架..
仲有, 既然你係講日本, 起碼都做少少考證, 了解下日本人既文化先..
唔好係故事入邊亂九咁黎, 大佬, 你自己公司都有出浪客行, INTERNET上大把日本文化講解.
你玩到又藩王又成, 雖然講係創作姐, 你都無理由風格不一得咁緊要.
天下? 算把啦, 睇住佢由令港人自豪既漫畫, 淪落成影衰我地港人既作品.
一個月廿八蚊, 唔係比唔起..
之不過, 真係情願留返比個有HEART既畫家, 好過留比炒樓先係正職既亞蛇囉
廿八銀, 我情願留比鄭建和同鄧志坪輝既殺道行者.. |
|
樓主: 聖鬥士JACK
[複製鏈接]
樓主
