|
|
發表於 5-9-2013 15:22:19
|
顯示全部樓層
本帖最後由 mushroom 於 5-9-2013 05:00 PM 編輯
商業社會, 銷量勝一切
天下編劇差 也穩坐 銷量第一 足算成功了
講真,依家邊本書真的是編得好
所有 ...
聖鬥士JACK 發表於 2-9-2013 10:21 PM 
天下當然成功, 經歷了咁多風浪, 都仍可保住銷量, 無人會否認, 除非話佢係雙週刊, 唔可以同週刊比。
畫功固然無得比, 公認最正。
只係你都會發覺, 越睇早期的作品越正, 畫功先不說, 始終年紀大左, 身份唔同左, 不可能越畫越精細, 而且講緊32頁的雙週刊。
但當年的廿萬銷量, 正正係有編劇組的時期, 那年代玉郎公司唔會俾晒主筆作晒故事, 每期故事要有人批。 幾多人記得風雲第3部故事，又幾多人記得中華英雄的故事？
所以劉定堅才會成 日講, 因為佢至有廿萬, 之後馬仔自己都做唔到了。 當然馬sir可能最憎聽到呢句。
不過持平點講, 係全行都唔注重編劇, 尤其是自由人都接埋, 個個都自己開公司時, 主筆唔鐘意有編劇一職更明顯。
不過讀者都要負責任, 主角唔見左就唔買, 風雲第二部就下跌, 要逼返風雲出場。 可能馬sir看透世情, 知道讀者睇的是主角行來行去, 劇戰連場, 所以著重畫功好了。 馬sir都講過, 成日要角色們死裏逃生, 太累了。 主角唔死得, 就唯有不停有更強者出現。
同一批主角, 故事長出長有而有人讚, 只有one-piece吧。
你說得對, 要睇編劇功力, 要睇新故事, 可惜因為以上原因, 只有舊書翻炒, 新書有人讚的只有剌秦, 可惜市場不下。
其實馬sir好努力發展角色性格, 同埋表達佢對人生的一些看法, 天命, 宿命等等, 或許這是正確的, 反正故事不會合埋, 高手高手高膏手, 同一時空永遠有人未出場, 那麼花時間減少犯駁都無補於事。
只不過有時, 都期望佢在賺到錢的情況下, 出高價請個好編劇, 或許廿萬不再, 但十萬未必無可能。
當然比著我都未必會請，當知道讀者只係喜歡主角們走來走去，花了的錢未必穩賺 (因主角不死是死症)，好的話功勞又要分給人，劉定堅事件再現。眼下銷量又不成問題的時候，實在無謂犯險。
不過如果佢肯請，就係讀者的福。 |
|
樓主: 聖鬥士JACK
[複製鏈接]
樓主
