|
|
|
海鬥士由06年開始出, 到今年海蜥蝪登場, 同埋上個月既海皇, 終於結束.
雖然美人魚未出, 不過對於我黎講, 7將軍集結, 加上海皇, 已經好完滿!
講返呢隻海皇, 對我黎講都幾大感覺,
由當初公佈時既開心期待, 到後來知道dx同庶民版內容時既憤怒,
選擇買那一個版本既掙扎, 心情都幾大變化.
雖然未去到影響情緒, 不過都未試過為盒玩具諗咁多野.
可能我一向最喜愛既玩具就係神話, 比合金魂同TF更甚
最初知道dx咁屈機, 點都唔會比成牛佢買晒兩隻,
決定只買dx, 到出既時候, 又撞正大武士, 轉為買庶民版算,
點知上得td多, 見到好多大大既靚相, 加上買大武士平左, 最後都係買dx,
染唔染髮仲考慮緊, 黃髮睇睇下又幾順眼.
去返玩具, 好同意之前有位大大講過,
dx先有神的感覺, 唔係玩具既技術同配件多,
係分色比較有層次, 有返張野坐下.
而家睇返7將軍, 件鱗衣真係好無層次, 無華麗既感覺
不過我完全無讚bandai既意思, 呢d只係佢手辨眼見功夫.
甚麼dx特別拋光技術?! 咪玩啦, 只係佢hea出庶民版, 是但做.
完全無技術上既進步, 單單呢點, 我對bandai好反感.
既然完成左黃金篇同海鬥篇,
神鬥我完本想揀黎買, 而家全部都唔打算入, 反正出得唔太滿意
之後的神聖衣都只嚴撰一兩隻造得好既先買, 唔再比自己有完set既諗法.
因為就係呢d想法, bandai呢期先咁多小動作, 諗埋d衰招屈錢.
睇住一個自己追左成四年既玩具, 自己最愛既聖鬥士,
由第一批大頭仔, 到後期技術成熟, 越出越靚仔,
之後就開始鑽牛角尖, 加價屈fans錢, 我明白在商言商, 錢要搵,
不過你海皇貴雙子成倍, 但就完全唔值, 唔同你講body,
玩左咁多年, 我總有吉body, 但係你連頭髮都唔比多套我,
想Display鱗衣同便服, 一定要兩盒, 會不會太過份?
海鬥篇完成結束, 小弟神話之路雖未完全作結,
不過熱情已大減, 唔會再追, 一隻海皇, 感慨不少.
多謝大家睇我d廢話! :77:
 |
|
發表於 5-10-2008 15:06:38
