買聖衣神話的感想

根本英俊

小弟係聖鬥士fans, 細細個唔食飯都要買大系, 為左儲齊一套都唔知廋左幾多磅, 可惜搬家後已經唔見晒, 記得幾年前出第一隻神話天馬聖衣, 直頭係驚為天人, 唔理什麼原因, 響社團用三百蚊訂入, 等佢出果段日子真係苦, 直到入手, 回家把玩, 發覺同大系係兩回事, 妳會拿住大系響度玩,但妳唔會拿住神話把玩, 因為妳會發現, 妳一動就左跌右跌, 但就無大系果種奇怪的厚實感, 但已經向天發誓, 要儲齊成套神話, 唔係就跟呀爺姓.....

到左出晒五子, 開始出黃金篇, 講真真係好開心, 因為果時真係覺得好驚喜, 成幅聖衣係有分色, 而唔係大系單一金色, 果時的感動真係唔知點形容, 直到處女座事件, 搵圍全香港都無得賣, 就算賣都係天價6百幾, 果時響度諗, 如果佢隻隻都係咁炒, 咁咪死得人, 所以我用一千蚊唔夠的價錢, 賤賣左五子同獅子, 水瓶, 為左同聖衣斷絕來往...
之後都有段時間唔去睇, 碰, 談神話, 就算身邊的朋友都響度玩, 或者叫我幫手買...印象最深係幫朋友買金牛座, 拿去俾佢果個重量感差d就失手, 但都堅持唔跳入呢個火坑...

值到去年生日, 有朋友送左隻雙子俾我(呢個一定係損友), 我失守啦, 適逢神話跳樓價, 我用左一個月上下時間搵齊12個黃金聖衣, 果時真係好開心, 根住五子等(而家都未買齊), 但又遇到另一件令我對神話停步的事, 就係QC問題...

自問唔係驗屍官, 但買神話買到心慌, Bandai D QC真係好嚇人, 好似我個朋友, 一出即買死神, 點知返到屋企開黎玩, 裙甲前幅d油係未乾, 一觸即死, 我自己買果d, 就算點check法, 更係有d位係check唔到, 我試過射手座右邊翼有半幅無電鍍到, 紫龍最終聖衣合眼果個頭塊面無上色一小片, 天馬座銀色嚴重氧法, 仙女座膊頭陰陽色, 獅子座胸像紅眼果個鼻崩左一忽, 其他小問題唔好講, 爆肚更加係心中之痛, 所以而家都已經停左買神話, 因為唔想每次都好似抽獎咁買, 唔係話想抽到完美, 係抽到一隻問題唔大已經還得神落....

講真, 官圖真係靚, 靚到妳真係好有衝動買佢收藏, 但每每買番屋企, 每次開盒果陣真係好怕有問題, 二百幾三百唔係大數目, 只係想買一個童年夢回來, 希望Bandai有一日會良心發現, 所有玩具QC都好D, 唔好咁多問題, 唔洗再買玩具要左睇右選, 有問題會好快發作出善後處理, 唔好換一件部件都個半月, 咁就太好啦, 有感而發, 請各位見諒.......

beckham

我又唔覺QC好大問題喎大大 :36:

verywai

原帖由 根本英俊 於 3-4-2008 01:08 發表
自問唔係驗屍官, 但買神話買到心慌, Bandai D QC真係好嚇人, 好似我個朋友, 一出即買死神, 點知返到屋企開黎玩, 裙甲前幅d油係未乾, 一觸即死, 我自己買果d, 就算點check法, 更係有d位係check唔到, 我試過射手座右邊翼有半幅無電鍍到, 紫龍最終聖衣合眼果個頭塊面無上色一小片, 天馬座銀色嚴重氧法, 仙女座膊頭陰陽色, 獅子座胸像紅眼果個鼻崩左一忽, 其他小問題唔好講, 爆肚更加係心中之痛, 所以而家都已經停左買神話, 因為唔想每次都好似抽獎咁買, 唔係話想抽到完美, 係抽到一隻問題唔大已經還得神落....

只能講係唔好彩囉...其實係廠房都已經check得好緊,但冇可能每隻都check,我個friend係banpresto做QC,佢都check得好緊.

pkfox

所以我通常都係等佢一排先買，我以前有個同事都係咁...一出就買，但成日返到去同我講話qc唔得，但我過多一兩星期先買，個價低d之餘qc會好一點，其實一開始買係想快d有，我都明白，但「病帶」一出時，必定係會將qc唔得個d放哂去第一批度，等個d散哂先，所以我覺得如果鍾意係可以繼續儲的，但要忍一下手先，好多時d神話一出我都會睇下其他人d command同d相先。

唔好太失望吧，如果真係鍾意的話繼續買又自己心愛的玩具來欣賞，係一件好事:71:

無聞

qc...我覺得隻隻唔同
最激氣當然是最終星矢爆肚(最終一輝都有此問題...暫時情況還算輕微)
最近拿返隻星矢出來打算換胸像件聖衣....點知爆肚個位成塊跌出來:cool:
現在隻最後星矢封印得....變左只可以砌聖衣型態
另外...我買的第一隻新生星矢和新生冰河隻腳底都是唔可以整平...貼地...前半可屈部份的腳尖部份點屈都屈唔平...因為後面有少少野頂住...又是qc問題...當時個心都灰晒:die:
最後都冇去換返...因為當時剛剛玩玩具...真是唔多肯定些店比唔比換...加上我又開過來玩過...
不過家下都算...反正我都唔會再砌新生聖衣的系列....砌都砌最終...全套新生聖衣現在拿返出來看...極多問題...都費時講..冇眼睇

我同大大一樣都是第一次見到神話和大系有咁分別就決定盡可能儲齊佢...不過因為買左都好多...所以些青銅蛋散(5小強除外)全部冇買..
qc不錯的...我覺得雙雙子真是幾好...一來低玩...2來各方面都做得唔錯..

雖然神話各方面都有少少問題...不過到現在都仲買緊...
當望住砌好左放埋一齊...真是有好大的滿足感
雖然笨大出左個屈錢的胸像補完系列....明知比佢屈...不過都真是屈得心甘情願...望住以前個傻仔頭真是.....orz

其實最後都是想講...我到現在都未脫離到神話這個大坑
我果然中毒太深...其實我仲想佢出埋劇場版的角色XDDDDDD

T-mac

你都幾唔好彩!!!

清仔~.~

我隻最終一輝個肚爆到中間分體　一隻變二隻:*

吾想浪費玩具最後用透明超能　令仔晒

現在出咁多Ｄ１２''　隻死神等多個月只有錢買
雖然自己的神話有一些重複多一隻　不過都吾賣出去:$

pkfox

我都係，隻冰河都係企唔穩....，仲有係隻處女座個小腿聖衣膝蓋部份d油好明顯係噴到一粒粒....
而我隻leo後面裙甲已有幾忽甩色....不過最大問題係隻卡妙，因為佢兩邊頭髮攪到個肩甲有溶漆..所以我一攞開個頭就會見到有兩忽d電度冇咗，唯有等佢出胸像.....跟住係山羊坐用面罩就甩咗d色去塊面度，好在最後都整得甩，不過我之後就用返頭盔.....其他暫時都冇咩問題

不過講真都攞咗咁耐，都係有少少問題，都ok啦，我已脫離咗一段時間冇買神話，對上個隻都係白銀的天琴座，同埋d胸像，不過今次會買死神及之後個d神聖衣。:58:

柯柏文人

:47:咩真係咁恐怖? 雖然我無玩開呢條line.....但都希望bandai正視呢個問題......:67:

[ 本帖最後由 柯柏文人 於 3-4-2008 11:48 AM 編輯 ]

龜o的

:45: 神話qc點樣點樣................都習慣左,只要唔係太大問題都算~當然甩色缺件就唔得啦~
:56: 若回家後發覺部件真係有問題(我就試過甩電鍍同花電鍍)就同店鋪作更換.....
:55: 現在買神話真的只可這樣做了.....

wingip

小弟都有同感，其實好多玩具都有咁

啪啪聲

我最認同以前的玩具, 例如大系
係可以隨時拎上手玩, d件又唔會左跌又跌
而家d玩具, 唔止係神話
好多買完番黎都係玩一次就放落display櫃
好多都唔會再拎番出黎玩

fung0011

唉，神話d   qc............係咁上下.........

Oracle

I still hate that they should give us better heads at first. I don't llike to buy another sets of heads now.  :56:

The coming Athena's shoulders are too "fat".........