神兵4(透劇+定期討論)

TRYY

原帖由 香港人 於 9-3-2008 11:55 PM 發表

:34: 邱生不嬲都好鍾意"參考"其他野架...

我反而覺得創世神兵抄得仲多野:(


話說4百年後隻墨堯好似魔獸入便一種叫雪怪既種族......

飛車男．小強

原帖由 TRYY 於 10-3-2008 12:06 AM 發表

我反而覺得創世神兵抄得仲多野:(


話說4百年後隻墨堯好似魔獸入便一種叫雪怪既種族......

講時講果個雪怪樣都好似某d game 入面d 怪獸既樣黎......
邱生真係左抄d 右抄d 咁.....:42:

香港人

:45: 第五期...
紀辰天返到現實世界, 發現身上有個古怪紋身不禁大驚, 引黎包租婆注意, 最終靠之前賭錢贏既錢交租了事, 但發現頭髮變成綠色(講話一撮, 但就成頭綠晒)...
沙曼洛得知紀辰天就是"偷刀人", 於是懸紅通輯紀辰天, 雷霆以警力, 同鬼仔八黑道力量一齊刮紀辰天, 過程被損日睇到晒, 笑住離開, 似有謀策...而葉青一直監視雷霆活動...
另一方, 紀辰天回到飛髮舖見阿西俾貴利佬捉住, 紀辰天以為還錢了事, 但不知自己己被"通輯", 轉頭貴利佬得知消息回頭想捉紀辰天, 但佢講低左有"要事"請假就走人, 貴利佬只好捉走阿西去領賞!
損日變回坤劫竟走入差館??雷霆略施賄賂鬼頭上司, 鬼頭叫葉青不需再監視雷霆, 葉青概嘆當差都貪錢,萌生去意, 決定辭職...就在此時紀辰天在公寓被雷霆手下捉走, 另一邊廂阿西受唔住被毆, 講出左紀辰天既身世...
當年紀辰天是於菜田被一對老農夫夫婦發現, 收為養子, 直到兩歲時, "植物殺手"能力發動, 令農作物全枯死, 兩老認定佢係災星送左紀辰天去孤兒院, 因為唔識字, 就寫低左唯一識既兩個字"農夫"作為紀辰天的名, 但紀辰天見兩老不要自己便痛哭, 將字條上既字整濕整化, "農夫"變左"辰天", 以後就用呢個名...
葉青"逮捕"左"自投羅網"既坤劫, 同時紀辰天被捉回差館, 自宇外流化後, 再一次與坤劫碰面, 紀辰天驚甩髀想逃之夭夭, 而混亂間, 眾人都不知道穹白出現了...

我的意見...
:45: 成集都文場, 塞到密晒呀...坤劫主動"被捕", 係差館自自然然可以捉回紀辰天這"神兵精元", 穹白的出現, 自是損日/坤劫通知黎啦, 可能係確保一出手就要搶回紀辰天...:45:
:80: 坤劫同損日男女同体, 但有乜特別原因, 作用都未正式交代, 沙曼洛真係變左個黑幫大佬, 從未出過手...:80:
:76: 穹白竟然親臨現實世界, 唔知有乜企圖...可能無乜野做...:34:
:52: 另一方面, 在紀辰天體內既白象古刀/墨堯, 又會點樣助紀辰天脫離今次危機???

:53: 下期兩個封面, 話就話俾讀者多個選擇, 其實就係搏讀者買兩本, 賺/呃多轉錢...
:34: 我都係無病呻吟, 因為佢點出我都只會買一本

聖鬥士JACK

:71: 追晒d post,人兄好有恆心,直得支持

原罪

我睇post，無睇書:he:
故事好似麻麻地…

最好看其實是小魔神還是龍神？
邊套有尾？

香港人

:( 隔左成個禮拜先打第六期(聽日又出第七期)
坤劫假裝被捕在差館等紀辰天自投羅網, 追逐間葉青開鎗阻止坤劫, 坤劫為免受創, 急閃人避開, 後遇上沙曼洛, 雙鎗蛇之名不假, 子彈打在坤劫額上, 可惜坤劫非凡人, 竟然無事再與沙曼洛糾纏, 一陣電流竟將坤劫震退, 沙曼洛亦有異能??佢自己都疑惑...
坤劫再上, 到紀辰天虎尾腿一撐竟將坤劫踢飛撞牆, 紀辰天見自己脫胎換骨, 便掙脫手扣再逃, 坤劫再上, 先將之前額前鎗傷"轉移"到一警察身上, 再同紀辰天火拚, 結果當然是坤劫勝...
紀辰天再走, 坤劫從後捉個正著(我講既, 因為無畫呢格, 但鏡頭一轉就捉住左...)又變成損日, 開啟人間渡, 又返去宇外流化...
同時, 穹白既身影展現响從後追來既沙曼洛同葉青眼前, 沙曼洛與穹白竟像似曾相識???穹白望住葉青, 又是認識的???
穹白逐漸消失, 沙洛曼腦中又浮現種種記憶...
原來穹白並未親身降臨現實世界, 是靠"界外球"之助, 以損日為媒體, 觀察人間狀況(嘩, 呢個名真係想嘔血...)
紀辰天被損日帶回宇外流化, 豈料久石焚風黃雀在後, 刀鋒架在損日頸上, 解救紀辰天...
但久石焚風竟開出條件, 損日打贏他便可帶走紀辰天??於是兩人大打出手, 紀辰天乘機又走, 但卻走投無路, 因為眼前是一片詭異景象, 大地已被侵蝕得很厲害...另一方穹白飛向藤塚, 神兵陽炎破藤而進, 來到一個深洞, 當中有個"石雕"--神聖, 竟是與沙曼洛一模一樣???

我的意見
終於解析點解坤劫同損日男女同體, 因為只有雌性先可開啟人間渡...咪住, 咁上期墨堯鑽入紀辰天身內, 又開人間渡喎?可能係雌性同神兵都可開人間渡啦...(同第一期時情況一樣...)
沙曼洛同葉青擺明都係宇外流化既人(或轉生), 沙曼洛同穹白又有深仇大恨, 睇下之後如何...
久石焚風無啦啦又同損日決戰, 注碼竟然辰紀天, 究竟甚麼葫蘆賣甚麼藥???
神聖又係乜水??真係沙曼洛既本體???下期分曉...

:p 下期可能係小弟買既最後一期喇, 各位有緣再見~~!!

原罪

原帖由 香港人 於 28-3-2008 04:24 PM 發表
:( 隔左成個禮拜先打第六期(聽日又出第七期)
坤劫假裝被捕在差館等紀辰天自投羅網, 追逐間葉青開鎗阻止坤劫, 坤劫為免受創, 急閃人避開, 後遇上沙曼洛, 雙鎗蛇之名不假, 子彈打在坤劫額上, 可惜坤劫非凡人, 竟然無事 ...

真係咁差？:@
畫面呢？畫面做得好嗎？

香港人

原帖由 原罪 於 28-3-2008 07:40 PM 發表


真係咁差？:@
畫面呢？畫面做得好嗎？

:p 唔係好差既, 畫面OK呀, 但我提唔起勁去追看LU...

華偉度諾艾德嘉

:67: 終於都收 了 ~

狂四郎

原帖由 香港人 於 28-3-2008 21:24 發表

:p 唔係好差既, 畫面OK呀, 但我提唔起勁去追看LU...

仲買唔買架人兄!:45:

香港人

原帖由 狂四郎 於 2-4-2008 04:45 PM 發表

仲買唔買架人兄!:45:

:67: NO...