神兵4(透劇+定期討論)

香港人

:58: 有邊位大大有睇邱福龍新作, 入黎傾下~~!!
:34: 因為阿龍既作品, 所以十期內我都會捧場, 之後再決定繼唔繼續買...(上次火雲邪神有同事有買, 所以唔駛自己俾錢, 同埋龍虎門我唔太好...)
先唔講劇情, 講下阿龍今次"自組"公司出神兵4, 係佢既新開始, 應該搏到盡, 但睇左兩期(買一送一)似乎仍須努力至得...
故事講異世神兵來到七十年代既香港, 影響深遠, 主角紀辰天尚未同神兵相遇, 且看如何交代...

故事:
在異世界中, 兩幫人展開大戰, 穹白軍與墨堯軍火拼, 而墨堯軍首腦級人物--墨堯正趁戰事期間以神石配合怪龍火焰鑄煉神兵...但此時穹白來襲, 墨堯逼不得已抽出未鑄成既神兵"白象古刀"(未正式有名字)想抗, 可惜神兵未成, 卻無意"發動"了"人間渡," 將墨堯扯入空間隊道, 更被困刀中, 輾轉來到人間...

窮小子紀辰天連交租都無錢, 但性格開朗深信總有一天出人頭地, 好運自然來, 靠擦鞋飛髮過活...上天安排與意外得到白象古刀, 而改變命運既沙曼洛遇上, 且看有何仇怨結成...

過程中女角葉青出場(腿側有鎗應是警察), 甚為"養眼"...

股市暴跌, 紀辰天借錢買股全軍覆沒, 沙曼洛依仗好運大有斬獲, 正與本地總華探長雷霆碰杯慶祝之際, 大雨滂沱, 窗外竟來了個神秘人, 能立於半空, 身穿奇異盔甲, 明顯不是現世的人, 手一揚絞碎玻璃, 他的目標, 正是白象古刀...

我的意見:
1)故事
今次創刊號較為失色, 故事敍述手法差左, 若將首段異世間戰爭先收起, 直接交代沙曼洛得到白象古刀發迹, 到異世界的人出現奪刀, 先凝聚緊張感, 神秘感同問號, 稍後再交代刀
的出處, 整体會好睇好多...其他就等佢第三期點交代才可評論...

2)人物
主角紀辰天
尚未有太深刻印象, 只知佢樂觀, 勤力之餘, 又信會有發偏財既一日, 先會去借錢炒股票...且看日後著墨如何~~!!

沙曼洛
首先, 造型極似JOJO第六部既神父, 阿龍唔通係JOJO迷??
另一樣要注意既, 係佢身上既號碼, 旁白有講係佢既戰績, 係以前做殺手"雙鎗蛇"時既遺留產物, 但真正既過程, 意思仲未好清楚, 值得留意...

穹白
塊面一個大交叉, 骷髏構成既大翼夠霸殺, 墨堯被異空間吸走後, 佢對剩下既神石虎視眈眈, 大家等第二把神兵誕生啦~~!!

墨堯
個造型超唔掂, 喺異世界佢係"正義", 但附在白象古刀後, 似乎可引發不可思議既力量同"好運"使持有者逢凶化吉, 但唔識分忠奸都會俾佢好運, 睇下龍少有乜解釋先...

錯處:
故事開首, 一個紅髮猛將大殺穹白軍, 爭D同穹白開拖, 之後仲趕赴墨堯鑄劍之地講神兵未鑄成, 強行抽出會有問題...應是關鍵角色吧?但竟然無出名...係特登?定係漏左??
(已得davidfatkam大大指正有出到名, 叫久石焚風:64: )


墨堯鑄劍之際. 穹白化成紅髮猛將來偷襲, 現真身後, 又話自己有霸絕無敵的力量...既然如此, 何必變成第二個人黎偷襲??

:73:
以上就係小弟對<神兵4>既少少觀點同意見, 有睇既朋友都入黎討論下, 講下對呢本書既感受啦~~!!

[ 本帖最後由 香港人 於 25-2-2008 03:42 AM 編輯 ]

AA超力仔

分鏡超正.................畫功一流
值得俾錢
有黃易傍住
個故仔唔會差.掛....
希望唔好衰尾

davidfatkam

個紅髮佬咪同佢名一樣叫"9石焚風"囉

香港人

原帖由 davidfatkam 於 25-2-2008 02:23 AM 發表
個紅髮佬咪同佢名一樣叫"9石焚風"囉

:50: 我以為係招式名...
:64: 多謝指正...

davidfatkam

唔知點解,總覺醒神秘人係幾年後既紀辰天.......同埋裝古刀個盒好似天晶果個盒:34:

飛車男．小強

原帖由 davidfatkam 於 25-2-2008 03:30 AM 發表
唔知點解,總覺醒神秘人係幾年後既紀辰天.......同埋裝古刀個盒好似天晶果個盒:34:

我覺得個神秘人太似問天........我d fd 一睇都係咁話.....

另外果個什麼久石焚風我都覺得似係招式名多d wor........

dragonman

原帖由 飛車男．小強 於 25-2-2008 11:07 AM 發表


我覺得個神秘人太似問天........我d fd 一睇都係咁話.....

另外果個什麼久石焚風我都覺得似係招式名多d wor........

係喎，睇落又有D似∼∼

狂四郎

無睇喎！人兄:@

香港人

原帖由 狂四郎 於 25-2-2008 10:46 PM 發表
無睇喎！人兄:@

:34: 咁我有理由懷疑你係入黎灌水...
:58: 下次有機會借你睇囉...

狂四郎

原帖由 香港人 於 25-2-2008 22:49 發表 :34: 咁我有理由懷疑你係入黎灌水...:58: 下次有機會借你睇囉...

無錯！不過家陣睇少了好多書囉！:@

飛車男．小強

原帖由 狂四郎 於 25-2-2008 10:46 PM 發表
無睇喎！人兄:@

快d 買黎睇la, 買一送一好抵ga :43:

香港人

第三期故事:
好多人都以為係問天既男人, 叫做坤劫...但黎到人類世界, 奪取白象古刀, 最後成功奪神兵走人, 沙曼洛目送坤劫走人...
期間顯露出異能, 將子彈轉移~~!!
紀辰天因股市大跌蝕大錢, 俾貴利追打, 再一次描寫到佢接近植物會令花草枯萎, 變得突然精力充沛, 將貴利佬打飛...
避過貴利佬, &#25886;住沙曼洛俾佢既大牛去賭檔搏一舖, 同時, 坤劫利用神兵尋找失去既精元部份, 影像裡出現紀辰天樣貌, 坤劫即前往搵紀辰天...
出奇地紀辰天極度好運, 連贏大錢贏左幾千蚊, 同時坤劫殺到, 白象古刀二話不說插入紀辰天胸口, 坤劫拔出另一把刀, 竟幻化成另一個人--損日, 更打開人間渡入口, 連同紀辰天一同進入, 便是回到異世宇外流化...

意見:
唔計開頭十頁, 坤劫搶白象古刀部份, 用左成十頁講紀辰天俾貴利追打, 似乎過份左...因佢要凸顯主角有吸精元既異能可擊退貴利佬而做呢場戲, 略嫌長氣左...之後仲要賭錢贏開巷, 突然好運係意味乜呢???
明顯, 神兵既精元就在主角身上, 坤劫神兵直插心口, 會係同精元取得共識既手段嗎??
要返宇外流化, 為乜要變成女人呢??佢又係乜人, 點會男女同體??
帶紀辰天返宇外流化, 應該係類似, 需要佢既力量, 解決穹白軍同墨堯軍戰鬥既困局, 咁上下...

:50: 嘩, 成半期講主角逃避貴利追債, 係"皇朝"書先夠薑咁做, 縱使中間有交代一D男主角既特殊力量, 但始終好冒險囉...
:45: 另外, 令我覺得出奇既係, 坤劫黎搶刀, 沙曼洛竟然唔出手, 因為把刀帶俾佢超級運氣, 財富, 有人搶, 理應點都出下手, 話晒係一級殺手"雙鎗蛇", 就算有大把手下俾佢點, 都無理由袖手旁觀...
:68: 弊~~!!已經有, 唔想再買既念頭, 希望下期會更好...

[ 本帖最後由 香港人 於 1-3-2008 06:37 PM 編輯 ]

華偉度諾艾德嘉

人兄 ~ 估唔到你咁有心打咁多字 :@

狂四郎

原帖由 華偉度諾艾德嘉 於 1-3-2008 22:43 發表 人兄 ~ 估唔到你咁有心打咁多字 :@

你唔記得依個場係佢咩！:^
咁依度咪冥界囉！:@

華偉度諾艾德嘉

冥界 , 聽講我如果冇雅典娜的看顧 , 體力會流失得好快果 wo
你就話有件黃金聖衣姐 ~~
我天鬥士無咩甲果wo