Blitzway X Moshow Toys 真三一小報告

Hawk

買咗好多唔同廠既真三一，估唔到仍然玩得開心，今次哩隻性價比亦係好高，關節雖然唔係高可動，腰甚至唔可以郁，只有上半身可郁但都算夠玩既。 留意手碗着燈位既蓋仍然係易甩，要就住玩，後腰插支架位有加番遮醜蓋，支架亦都算實正，地台亦超重足夠支撐主體。武器方面，斧頭同䥥刀跟足，有造型手形亦有可動手，夠哂玩。
玩具吸引既係主要係價錢、外型同燈光，外型冇近期興既魔改，比較忠於動畫，腰望落好似稍長但唔過份，關節正常唔鬆，大細同重量亦非常足夠同實在。 燈光方面除咗三一射線外，其他都夠光，着哂後好正！

廢話講完，去相吧，今次因為中午影冇着燈，就咁用番窗口自然光，會差少少，見諒～

熱狗OO

買完METAL BUILD及CCSTOYS的我表示飽了

呢隻的燈係長著唔係自動熄吧?

Hawk

熱狗OO 發表於 5-12-2024 05:30 PM
買完METAL BUILD及CCSTOYS的我表示飽了

呢隻的燈係長著唔係自動熄吧?

其實外型真係好唔同，價錢又超值，我係大推的

hkelmo

網上報告指大腿齒輪關節有結構性問題，開箱不久就出事！ 我訂咗但未攞貨，心大心細中。

Hawk

hkelmo 發表於 5-12-2024 06:32 PM
網上報告指大腿齒輪關節有結構性問題，開箱不久就出事！ 我訂咗但未攞貨，心大心細中。 ...

點樣結構性問題？ 我玩咗成個下晝又唔覺有問題，唔知係咪個別事件

ming123

Hawk 發表於 5-12-2024 07:11 PM
點樣結構性問題？ 我玩咗成個下晝又唔覺有問題，唔知係咪個別事件

唔係呀，大陸果邊中獎率好高，誇張到買返黎，扭幾下就無左hip位既齒輪關節

快快

大陸買了，冇乜問題。性價比超高，上色冇乜大問題。
同意樓主嘅觀點!
換轉是以前carbontix Getter 1好似要around HKD2400
而家真三一又大隻啲，造型又非常近似世界最后之日造型，有燈及送埋地台，理應要預佢賣HKD3000樓上, 而家咁嘅價錢，為返是非常抵曉---得佢地把價錢打下。
之前因為他腰長及大腿有點肥美有點猶豫，但收貨後卻頗滿意，齋企都好有FUN, 淨係用嚟懷念98年套野都抵! 箱嘢比預期中大盒及重，主体亦好夠重量 (我其實唔鍾意玩燈及地台)!個面相，衰樣，神情，真係好似睇緊套嘢噉!
真係要搵返啲六隻眼嘅恐龍襯下!等咗廿年，終於有隻似樣的可取代下我隻新世紀合金。

ming123

快快 發表於 5-12-2024 09:53 PM
大陸買，冇乜問題。性價比超高，上色冇乜大問題。同意樓主嘅觀點!
換轉是以前carbontix Getter 1好似要arou ...

師兄可以post張 carbontix 同新世紀既合照嗎 ?

快快

ming123 發表於 5-12-2024 10:37 PM
師兄可以post張 carbontix 同新世紀既合照嗎 ?

沒能有合照住，因各在不同的竇。
附上新世紀合金舊照以作造形參考...

早乙女Getter

ming123 發表於 5-12-2024 10:37 PM
師兄可以post張 carbontix 同新世紀既合照嗎 ?

新世紀合金 還是現時最近原著！

快快

早乙女Getter 發表於 5-12-2024 11:39 PM
新世紀合金 還是現時最近原著！

近廿七年前的產物(SG-01, 1998年)，模具一雞多味，造型優先!
可惜可動不可求!

Hawk

可惜我隻新世紀合金唔係原著色，最左係sr合金

快快

Hawk 發表於 5-12-2024 11:58 PM
可惜我隻新世紀合金唔係原著色，最左係sr合金

-SR 個人覺得最敗筆就係大腿近髖位，好似開叉咁。
-新世紀合金真三一版本之多，可以開個學術研究!
-以前最愛EX真三一，著咗中東阿拉丁神燈褲的味道。好有熱浪薯片嘅風味!
-MB我直情Skip

-又咁睇，以近30年前以2隻新世紀合金真三一嘅價錢(我98年買HKD550), 在今天可買到Biltzway x Moshow這質數的真三一(都已經唔計通脹)，Canton何球!

Hawk

快快 發表於 6-12-2024 12:09 AM
-SR 個人覺得最敗筆就係大腿近髖位，好似開叉咁。
-新世紀合金真三一版本之多，可以開個學術研究!
-以前最 ...

Sr 合金個大脾接髖位係做得衰喇，漏哂光……
新世界我買完果隻之後，佢至陸續出其他色，吹漲……
EX 我買過原三一後唔敢再買佢啲嘢，原本又型又貴，衰在溶膠溶色果下慘，一郁啲關節斷哂，要痴死屍站……

近幾年大陸廠進步同進取咗好多，性價比超高，對我地啲玩具迷嚟講係一大快事，一嚟多咗選擇，二嚟可以逼其他廠進步，非常好～

快快

Hawk 發表於 6-12-2024 01:10 AM
Sr 合金個大脾接髖位係做得衰喇，漏哂光……
新世界我買完果隻之後，佢至陸續出其他色，吹漲……
EX 我買 ...

同意!新世紀是買版本"找不同"的，青島社同男人一樣，出嗰啲乜嘢連自己都唔記得。直至多年後好多真三一細路跳出嚟，叫爸爸! 才霍然驚覺!


EX是可遠觀而不可褻玩焉! 我的EX是一開箱就企，咁多年都未動過，所以咁多隻都未有事(或者已經出事我唔知)。
有時啲合金握喺手裏面活動可能會化為灰燼，企藏喺櫃裏面返而會歷久常新，貪圖思念只因癡，一切嘅關節郁動都係徒然嘅........

同意而家大陸廠好勁，性價比亦好勁，非常長進 !
CCSTOY 直情係outstanding，抵食夾大件(雖然都有啲係空間殺手)，點夠佢玩？


其他厂也百花盛放



老牌笨大被拋下去，以前每年等SOC出合體大嘢，而家佢出乜直頭可以無視。最搞笑係佢而家出的主題奇奇怪怪，是他變了還是我變了？