魔術師的土製玩具攝影

Garycharm

點解影玩具相？我成年後再投入玩具，卻發現原來人長大咗，就「玩唔到玩具」。

我唔能夠件用想象力去玩，唔再能夠好似細路仔咁拎住隻金毛獅王去同隻六神合體隻抽。

又話說十幾年前有一日，我拎晒一堆變形金剛出嚟，放喺床上面，用被舖枕頭做山川地形、床櫃床底做基地，

想好似細個果陣咁玩博派狂派大戰，但係結果都係投入唔到，剩係覺得自己6uo。

直至我拎起相機，用鏡頭捕捉玩具嘅姿勢，至彷彿可以再經驗童年樂趣。

起初我都係用一張大圖畫紙作背景就開始影。

我亦喺當年幾位yahoo Blog友身上偷師學習幫玩具擺pose，當我年我睇得最多係廣洲嘅Elljay兄（Elljay早年也常在TD出現）。

後來我在TD找到一個攝影精華貼-------我唔記得係邊位師兄所寫，亦搵唔番個post，

只係記得佢用珍寶3嘅小機械人Zambo Ace做示範，獲益良多，就開始買材料做攝影台。

既然我係喺TD學影相，所以臨走前就想出一個攝影post 同大家分享下。

講到影相，小弟尚有自知之明，熱血有餘技巧不足----- TD有好多、好多、好多人叻過我，

我最多只係比土豪德好少少。

希罕可以拋磚引玉，各位師兄不嗇留言指教。另外，我唔識用電腦執相，TD 亦有好多資源供參考。

話說我睇完TD 個教學post，就開始用屋企既有材料，然後買多少少工具去搞攝影枱--------

兩高兩矮四盞一般家用枱燈（白膽，並用紙巾盒、牛油紙去做燈罩）；

兩塊大發泡膠板做主反光板、兩個DVD盒加白紙做補光板；背景係一塊大黑布；

最後就去招牌店鋪買多一塊黑色亞佳力膠片做底板。

總之就照足TD個post去搞。有時拍得悶了，就再用大顏色圖畫紙代替膠片底板。

至於攝影棚和閃燈：市面上有很多靜物攝影棚，好處係光源平均，價錢也不貴。

我買過，但我覺得攝影棚限制很大，要規規矩矩的去影出官圖感覺是可以的，不過想有其他變化就很麻煩。

尤其拍照時我喜歡用上佈景道具，攝影棚很阻礙、有時根本放不到，所以我都係鍾意自己原本嘅土製工具。

閃燈好處係夠光，快相機快門可以（亦必須要）快一點，減少手震。

不過我自己會喜歡用固定燈光，覺得拍攝環境更有氣氛。

尤其旁邊放點音樂、放杯cheap cheap白蘭地，人生一樂！

說起來，用固定光源缺點是有時會不夠光，於是就要用慢快門大光圈。

大光圈缺點是景深不夠，尤其玩具有長槍大劍，當把武器舉前，就會out focus（如下圖，巨神哥爾古）。

理論上慢快門可以抵消這個缺點，不過太慢快門就要用腳架，偏偏我又不喜歡用腳架，

所以算了，自己接受就好。

下圖：舊居攝影棚。兩高兩矮四枝書枱燈（有兩盞燈沒有入鏡），

未必需要每一枝都用，通常用兩枝已夠。

兩塊大發泡膠板，另外用DVD盒做補光反光板。

DVD盒十分好用，可以平放可以企直，大家值得試試。

Garycharm

移居加拿大，以前那些枱燈呀發泡膠呀都帶不走，來到後要重新添置。

現在我所用的是網購自amazon的攝影用LED燈，輕便好用，價錢也不貴。

一套三枝約港幣三百元，比枱燈更平宜。黑膠板也是網購，價錢和香港差不多。

買Foam Board就比較麻煩，網購通常要買一大批，最後我在某商場找到一間美功店買現貨。

至於黑布，因為加國的居住環境大，可以不用背景布，只用打燈/景深就可以「退地」（記得當年TD那個珍寶3 post也沒有黑布）。

我現在這組器材，拍攝中/細size的玩具如SHF、ML或孩記老變應付有餘，但拍攝大一點的合金時光線會不夠平均，有點吃力。

日後當會買組大一點的攝影燈。

以下講講我常用的攝影擺位。

用黑底板可以做出有型的倒影效果。

缺點係膠板惹塵，拍攝中途要經常抹。

那些據說防塵噴劑又會令膠板上有水漬，更未必真防塵，結果仲煩。

除了抹，我暫時未找到好方法。

攝影是捕捉光線的遊戲，打燈位置會非常影響相片效果。

打燈不外四個方向：前、側、後、頂。大家可以多玩多試。

我個人偏從好後側打燈，前方只是用反光板或暗燈補光。

（前燈較光）

（前燈較暗，我比較喜歡的一種）

Garycharm

顏色圖畫紙不能做出倒影效果，優點係就算有塵也不會明顯，

使用上比黑膠板方便，有時更有助氣氛。

（黑色背景能突出主體）

（顏色紙有助營造氣氛）

用畫紙作背景要更留意光源，要盡量避免正面光。

一則係避免玩具的影子打在背景上（除非你是故意），二係要讓玩具更有立體感。

我會建議初學玩具攝影的朋友多用畫紙作背景，能更快掌握打燈技巧。

起初我只係用普通顏色圖畫紙。

後來我發現，用金屬色紙可反射燈光，做出很有趣的效果。

除了背景紙，我也喜歡用道具做背景。

這個基地佈景，我忘了是那一間廠出品，好像是壽屋模型？

anyway，現在已經出了很多不同產品，大家可以去模型店看看。

又，我是一個懶人，這些模型我全都沒有上色、更沒有加燈。

大家可以按喜好自行升級。

另外捕充一下，我偶然會在底板放一張白紙補光，

特別是拍攝菜系，飛機底部盡量都要補一補光。。

Garycharm

廢墟景，主要是用Marvel Select、Marvel Legends的部件。

也有少許係金魚缸的假山石。

我甚至有時會為了佈景去買一隻不大喜歡的figure。現在想來還算值得。

其中最好用的是一套欄杆部件（如沒記錯，應該係Avengers 1 的 Marvel Select 雜魚Chitauri ）。

（這個爛圈圈來自 Marvel Select 的 Haweye）

精品店12蚊店。有時陪老婆很商場，四周都冇玩具店，

我無無聊聊的就會留意一些小東西來作攝影道具，

所費不多，但很有趣。

例如我曾在12蚊店見過一些小型遮架，最過癮係可遇不可求，你今日見到，但下次再找已經沒有了。

其他小道具。相中最重要的是那堆復刻小合金，好好玩好抵死。背景是HT 附送的佈景版。

牆上的相片是自行print 製。

最黐線係，我試過喺10蚊店買一堆小佛像  XD

Garycharm

電視機作背景。技巧沒其麼特別，不外是電視機前加攝影燈，只要掌握了用圖畫紙做背景就不會有困難。只留意燈光不要在螢幕上造成反光，另外亦要留意螢幕上的光線色溫，是否和你的玩具光源有太大落差，如有需要，就在燈上加透明色紙調節。

有些小Figure，我甚至只係用ipad作背景。

說起來，玩玩具和玩具攝影有點不同。玩具來說，我最喜歡合金，夠大隻有變形能合體多機關最好。不過想享乎玩具攝影樂趣，就細size多活動能力就更好，早期的山口式非常好玩。後來山口停了，我就越來越起歡美玩，尤其可以將一隻其貌不揚的小人偶拍得有型有款，會很有滿足感。

Garycharm

擺pose，是玩具攝影最有趣的部份。可惜我見不少玩迷似乎都不大重視。基本訣竅是要站得像一個人，例如拍攝行路，手和腳的位置通常係相反。另外，拍攝全身時，兩腳腳掌要站穩在地面。掌握到了，就可以試試不同方式。例如參考電影海報，甚至功夫照片，擺出有型pose。

有時玩呀玩的，玩具本身亦會告訴你它可以做甚麼。

玩具有時甚至會給你說故事

鏡頭焦距。我拍玩具，焦距一般都維持在60-100mm內。不過有時會用更長焦距去營造壓迫感，大家可以試試。

屋企唔同地方都可以影相，重點係要避開背後雜物。例如以下呢幾張：

香薰機隔離 XD

屋企飯枱

紙皮石地板

天花儲物櫃

廁所廚房，總之想影就影，重點都係果句，盡量避開雜物。

Garycharm

上個post我已經講過，我已移民加國。講到移民，如果今日仲有人問點解，我都好難再同你講落去，

因為我實在冇乜好嘢會講，更唔想嗌交。

睇呢幾年討論，一些怪人的立場、論點、風度、人格、智力我都見識過了。

我自己不怕，但實在不想為版主惹麻煩。

至於那些明白香港今日處境、但仍選擇/必須留港的朋友，小弟衷心獻上祝福，希望你們平安喜樂。記得見字飲水，保重身體。

我已經有半年冇上TD。出完呢兩個post，睇下排大家留言之後。我唔會再上嚟。稍後我亦會unfollow 幾個玩具 facebook page。

不過我並唔係戒玩具，我仍然會玩。原因只係我唔想俾香港嘅快速玩具資訊牽住鼻子走。

呢邊買玩具氣氛好唔同…...基本上係冇氣氛。

我得閒就去呢度僅有嘅幾間玩具店尋下寶，有緣就買，見唔到就當自己時運高。

我年紀亦唔細，應該試下其他以前冇諗過嘅啫好去玩下培養下。

例如滑雪、溜冰，之前真係咪搞我，呢度好普遍。

呢度又會玩冰湖釣魚，一班人去湖中間，鑽個窿就開始釣，然後立即燒嚟食。

最神奇係可以伸請獵人牌照，去郊外打獵。打隻鹿返嚟，一家人可以食成年。呢樣我有排未得，不過一定會試。

做人嘛，開心就好。

kagaloo

Thank you for the parting post(s).
Of course, I am still hoping to see you around, even if it's just a few times a year.

Appreciate this post, and all the pics and prose that you shared with us over the years.
Back in the day, you were definitely among the few that poisoned me, when I was just discovering TD.

Interestingly, I have the opposite behavior as you described.
When I'm visiting HK for short visits, I hardly remember to check TD.
It's when I'm not in HK that I browse TD religiously.

The previous post seem to indicate that you're in Toronto.
Incidentally I'll be visiting Toronto in August...

Anyway, all the best in your next chapter.

wwwkcc

祝師兄另一段人生歷程更加幸福快樂~健康富足

大丈夫

你所有toys同你一齐移民去canada吗？？？？？？

fallout8

雖然唔會幫玩具影相，但都多謝分享。