HGAC 1/144 Leo 力奧既強度會依駕駛員而有所變化

nkr

疫情關係，因為公司同事在家工作，各項目進度接近停滯。老頂同街客不停追，結果我就反潮流咁日日留喺公司不停咁補位執漏。
返到屋企仲要同細路做學校網課既作業，真係WTF。
砌模型...算啦，唯有出帖舒發一下，反正都有作品做起未分享。

力奧係2020年10月尾作品，台灣方面對力奧/里奧有比較自虐同富趣味性既演繹，我完全受落了。
動畫第一集閃電男爵撒古斯開住部力奧制服咗部飛翼高達，嗰種衝擊力既強大，完全係不能言喻。
跟住劇情，集集都有一堆力奧爆炸，真係一股濃濃既惡趣味。

講回作品，外掛咗好多既武器，有舊HG多魯基斯3剩底既DOVER GUN，HGBF EZ-8 武器包剩落既背包，同埋CUSTOMIZED CAMAPIGN 既火箭炮同火神炮。
百鳥歸巢，一個字 "強"呀，跟手去領盒飯...


少量改做，右肩用廢件造一個支架去上枝DOVER GUN，火神炮加咗個手抽，背包加咗個勾架放枝噴油槍。
結果個假組變成咁




上基本色，手上有的綠色油漆太鮮艷了，啡色也很奇怪，不對口味。
一個小改裝，我將支槍既準星鑽穿咗個窿，個人覺得結構合理D。


手執一枝火神炮，雜魚都變得兇猛起來。


色彩太鮮，唔緊要，即刻黑化佢。
以往我多數用珐瑯油做洗塗，但係今次懶，試吓其他師兄用REAL TOUCH MARKER 做，諗住慳D 時間唔洗準備油漆工具。
效果，唔太OK。時間，仲用多咗。下次略過。
半身做咗既效果，都唔記得有無再用舊化粉。


各零件都上好色同舊化。
武器都俾多咗少少心機做深淺灰的分色，無咁單調。


成品終於出來了，多麼呆萌的力奧。


把玩下，擺擺POSE，影相留念。



上面呢張相都包含咗幾樣小改裝﹕
1. 個頭頸切開咗，所以擰到頭
2. 黃色觀測器底加咗塊焗爐鍚紙拓底，加強反光
3. 火箭炮觀測鏡個綠色晶體，我用咗廢透明膠框加熱後壓出來，簡單之餘效果又好，推薦。

相信大家都知道力奧係多魯基斯既量產型機體。
喺擺呢個POSE 時，腦海裏諗緊係多魯基斯III經典既推炮姿勢。
手殘，摸仿唔到。
反而我幾鐘意影後呢張相，有些許多魯基斯飛翔緊既感覺，當然沒有殺人推進器 (別吵，跳起來不行嗎﹖)。


今天睇番呢件作品，其實都覺得頗求其吓，完成度唔夠高。
抱番自己開始砌番模型既宗旨 - 唔用補色貼紙，接近B 社官圖的水平。
時間有限，手藝唔高，唔需要同各模型大師比較，反而玩得開心。

祝大家身體健康。

又登入唔到

可惜無出海嗰批leo

sniperxp

OP力奧幫推

WonderJimmy

我諗起呢張圖