合金魂之隕落（續2016年舊post）

eddiem249

bigbigfriend 發表於 20-3-2022 09:48 AM
近年合金魂質素下降，最主要原因是成本大增，現時要做一隻大型合體機械人，定價起碼都要3萬日元，但往往做 ...

SMP真頭開足四線，超級系，真實系，勇者系同戰隊系

佢不知幾歡迎其他人出合金，特別係日昇版權作，因為唔使做錢照收

manc

kirin小黑 發表於 20-3-2022 12:01 PM
回應樓主第一句~呢度少POST左我覺得係UPLOAD相方面唔太方便,UPLOAD FB同MEWE方便得多~都係世界變遷聚散離合 ...

6神係我最滿意一隻

Garycharm

多謝大家回應。

合金魂去到今日咁，有一堆原因啦，
不過我仍慶幸佢繼續仲有出。
喺我眼中，合金魂仍然比千記、KA、甚至pose+吸引。
睇已公佈產品，AT路線比較似合金魂，玩上手冇合金魂咁順，但係性價比好過合金魂少少，所以都鍾意。


買玩具最緊要自己鍾意、知自己要咩。
可以分享自己心態，睇下幾多師兄有共鳴~~~


我係老鬼心態，買玩具係買回憶，
細個見過卡通角色有超合金、大個會想買番超合金；
如果角色本身有分體合體、我想隻玩具都有分體合體。

細個睇卡通機會唔多，有時阿媽唔俾、有時係電視台腰斬，
依家我自己所謂嘅回憶，反而係嚟自超合金。
所以唔乎合卡通設定唔緊要，最緊要似舊合金！

我唔需要高可動，只要求佢有基本關節，可以擺幾個感覺自然嘅pose就夠。
我唔需要佢變形之後冇穿崩（例如百獸王獅子腳），反而覺得有少少穿崩，display出嚟可以見到變形機關仲好。

go-go

自己喜歡的角色原來不是太多, 已經出了又買了, 所以打後出的款式都沒有太吸引, 除非出2.0, 就算FA都有其賣點, 但不要總是萬能俠啊
話時話, 有些其他動畫公司如龍之子的冷門機械人也有興趣, 例如幻影時光, 哥頓, 陰陽電磁俠, 無敵鐵羅剎等等..........應該只有細廠肯做

taifat

依加好期待其他公司嘅出品，尤其是香港品牌pose+及AT

kennethli

Bandai 最大問題係佢好多時候只係跟返舊合金或者POPY 合金來做, 好聽就叫致敬, 唔好聽就係無新意
不過又咁講, 暫時我自己玩得最放心既合金都係超合金魂, 其他嗰D 唔係質素唔得怕扭爛, 就係價錢有返咁上下唔敢太放縱(個人問題啦呢個就), 雖然, 好似超獸同六神咁, bandai 都有自爆既情況, 但係其他玩起上來, bandai 唔知點解就係感覺安心D, 會放心D 去扭去合體

toylover

合金魂最忠於原著, 最唔擔心佢會改到九唔搭八
雖然都貴咗好多, 但都算係比較實惠的系統, 相對其他品牌, 我暫時都唔捨得二三千蚊買件玩具
合金魂普遍仲係二千頭就有

不過近兩三年開始,合金魂的質數都差咗, 無以前咁襟玩