合金魂之隕落（續2016年舊post）

Garycharm

用電話睇Toysdaily，每日會見到各版發文數目。
呢幾日入嚟，見每日主版都只係得2、30個。一來因為近排少話題玩具，二來都反映大家習慣轉變。

無聊翻舊post，見2016年我自己出過一個「合金魂之美」的柒柒post。

https://bbs.toysdaily.com/forum. ... 1&authorid=9762

當年千值練推出超獸不久，斷肩問題媽聲四起；K.A.等仍未成氣候，
合金玩具仍然係bandai獨大（其實今日都仲係），大家仍然好期待合金魂。

晃眼六年過去，Bandai開發了DC、FA等名目並歸入合金魂GX系列期待有加乘作用。
新品不算少，有些外型更真的很靚，但設計未見有提升突破。

比較有誠意的算是帝王三一及捍戰太平洋。
卡邦系的超惑星巨人就簡單得來討好。

其他的，
D.C.系列，唔出色，但係可以滿足「有一個似卡通造型嘅超合金」欲望，對我等老鬼有相當吸引力。
其實我很期待不要只限於萬能俠系，如果可以有宇宙大帝、金毛、六神等，我會就範...

F.A.系列，講明玩可動性，我自己是玩得開心的；造型就有佳作有失手，我始終不明白為甚麼今時今日bandai仲會出一隻大頭仔泰坦3。
不過F.A.似乎已經收皮？如屬實，頗可惜。

十五機合體、帝王萬能俠，ok啦，ok啦。都係果句，如果早幾年出，大家會開心好多。

高迪安，哈哈，哈哈，哈哈哈。

超獸黑翼，好差，除咗扮晒Metal Build高達咁，整到部件又薄又利比較特別之外，唔好睇唔好玩。
為咗佢，我特登買一隻13R超獸。隻合金魂超獸本來就係佳作，R版修肩之後更得我歡心，

R版金毛獅王玩改色玩包裝，係冇特別，只係老鬼童年回憶，冇得輸。


gx100大膠龍，都係果句，太貴喇，其他問題不大。如果師兄都係老鬼，啱價可考慮。會玩得開心。

三一號，開過盒玩過三、四次，真係唔鍾意。我寫呢個post去搵相，先至發現自己冇幫佢影過相，你話我幾愛佢~~

三一arc，嗯，除咗做錯手肘之外，冇乜大錯。至於外型唔討好、卡通唔好睇，非佢過錯。

唔計改色改版萬能俠，大獸神係我所見合金魂第二冇誠意之作，嗯，忽然諗起其實呢隻都算R版----係舊戰隊玩具嘅R版！
不過我知有師兄會因為角色而鍾意本品。

三一D2，合金魂最冇誠意之作，沒有之一。

Vince

機械人玩具今時今日真係多左好多選擇，d 個絕對係好事。
但我返而覺得主題太小 ... 大家出黎出去都係一 d 受歡迎既舊作 ... 好似超獸咁 .... 行行地有 4/5 間廠炒車 ...

manc

合金魂唔知幾時開始膠到九彩......越來越膠...無 合金FEEL

馬仔

記得當年出合金魂，每一隻都好期待，每次都會去留意幾時出，有咩特別，當時bandai 無咩對手，所以佢出咩都係一哥， 呢個老本足足俾佢食足20年， 近年好多公司開發不同品牌，而且設計前衛，相比起bandai 起來更有吸引力，變相Bandai合金魂系列變左最落後，最無新意公司，人地出曬幾版之後，佢先出，試問邊個仲賣佢賬，人地老番出左賣完，佢又先出，下下慢人一大拍，可能佢IP太多，出唔切，但野野慢人一步，呢個世界唔係你獨大，會改變。

mushroom

馬仔 發表於 16-3-2022 02:30 PM
記得當年出合金魂，每一隻都好期待，每次都會去留意幾時出，有咩特別，當時bandai 無咩對手，所以佢出咩都 ...

當年出黃金俠都有心，依家合金魂賣點只有關節實淨,向舊合金致敬

hevangel2

我地老餅年代的機械人，要出都出齊了。17號是最後一隻我細個有睇過卡通又未買嘅機械人了。

tenkamusou

大兽神真的是毫无诚意，本来持有老DX和legacy，对超合金魂版完全提不起兴趣。直到出黑色版看wotafa的评测和dragonzord合体十分亮眼才购入，结果把玩手感稀烂。

loikaleong

我和你相反，我有合金魂13，但知道黑鷹無得和13合體，我果斷放棄，直接買千值練超獸加黑翼，係笨大趕客在先。

mkmlo

hevangel2 發表於 16-3-2022 03:25 PM
我地老餅年代的機械人，要出都出齊了。17號是最後一隻我細個有睇過卡通又未買嘅機械人了。 ...

我都系, 所以也訂了17號和等補出V型, 收工。除非有 2.0 ，又有誠意，就考慮下

Dancougaproto

manc 發表於 16-3-2022 02:24 PM
合金魂唔知幾時開始膠到九彩......越來越膠...無 合金FEEL

係囉，以前的超合金魂例如鐵人28太陽使者的顏色好靚，可以慢慢欣賞，現在反而好普通

Dancougaproto

我個人認為三一皇帝係超合金魂一次好嘗試，小型化，加塗裝，加細節。令人覺得高級，玩超合金魂好開心，又劈價，又少斷，可惜可動性真係差，好多pose都要借位先影到，要影到啲合金魂咁型冇返咁上下功力真係做唔到（特指getter D2)

laiken

馬仔 發表於 16-3-2022 02:30 PM
記得當年出合金魂，每一隻都好期待，每次都會去留意幾時出，有咩特別，當時bandai 無咩對手，所以佢出咩都 ...

好似係因為當年班設計師都離開曬，有啲仲自立門戶就係依家一啲新品牌

nela

對上一只覺得好玩既已經係太空保衛者。

By the way…D相好正

龍騎

nela 發表於 16-3-2022 09:47 PM
對上一只覺得好玩既已經係太空保衛者。

By the way…D相好正

佢個座既收納係咁多隻做得最好既一隻

manc

hevangel2 發表於 16-3-2022 03:25 PM
我地老餅年代的機械人，要出都出齊了。17號是最後一隻我細個有睇過卡通又未買嘅機械人了。 ...

還有一隻...光速