魔術師的玩具2021— 追加不好吃的玩具和特別推介

Garycharm

玩具發展蓬勃加上疫情讓人無聊，玩具迷自然加培沉迷。

另一方面，這數年間許多新公司掘起，

設計見誠意技術亦誠熟，大量以前我們不敢想亦不會想的產品湧現。

至於老牌公司……

講明先，因為莫財，小弟現在玩得比較集中，

選的所謂十大都會限於自己所收系列。

例如美玩，我主收S.H.F及M.L.，所以Mafex或海洋堂出得再好也沒得比較。

各位師兄看時不能不察，以免被我老點~~

看吧！看吧！魔術師的玩具2021！

MaFarlaneKing Shark

看過SuicideSquad 2 的朋友沒可能不愛 King Shark，

對喜歡的角色，玩具迷都很難抗拒。

MaFarlane一般都已經價廉，

今次最好就係King Shark 肯獨立發售不用食set 玩B.A.F.，

對玩迷是福音。

一般美玩----尤其大隻佬款式----質素，

這隻King Shark 活動低造型好，最重要的是口部可動，

更可以完全閉合、收起牙齒（很多S.H.Monster都做不到！），

因為三角嘴型，配合拍攝角度竟似可以表現不同表情。

加上附有的人類手類殘肢，極趣怪抵死，

簡簡單單的，奪得我今年最愛。

Kingdom暴龍麥加登

早前在Netflix看了一季TF Kingdom，悶到想死，

故事又超越時空又隔代輪迴的，大人覺得老套、細路睇唔明，唔知佢想點。

不過無阻我對暴龍麥的愛！

我知未必人人同意，說到玩TF，我始終覺得孩記最好。

第三方精品當然多如恆河沙數，但玩得放心始終仍然係孩記。

我相信亦因為自己年紀，我心目中的偶像始終仍然係日式超級系機械人，

所以玩具再煩也會忍受。

變形金剛角色就不同，要抵死、要粗玩，所以我愛暴龍麥！！！

相比早幾年的MP，今次Kingdom的恐龍冇咁惡，

不過「龍殼」是用比較軟的塑膠製，小改變大改善，

一來變型更容易更順手；

另一方面，Kingdom的設計遠較MP簡化，

反而讓恐龍型態有多一點活動性，在軟膠加持下，

成條龍生猛好多。

MarvelLegends Spider-verse Gwen

玩MarvelLegends，大家都知所見即所得，

有時某角色產品少、某角色加強了肩關節髖關節、或多一D武器，

就會更多人留意。

而我就比較重視面相。

揀Gwen，卡通樣有卡通樣好

，一句講晒，鍾意佢靚女。

S.H.MonsterArt Ultima 哥斯拉

出自Netflix劇集的哥斯拉，玩具具極霸氣的外型與體積，

連我本來玩SHM玩到意興欄柵都一見傾心，忍不住一入。

呢位師奶身型大線條靚，

雖然大，但活動保持了一般同系列哥斯拉水準，

更可換件表現張大口狀態，夠晒惡。

同期的King Kong放埋，更顯壓倒性威力。

玩怪獸嘛，最緊要夠惡。

Garycharm

Pose+ 天威、勇者王

呢兩隻成績有目共睹，缺點一定有，

優點只會更多。

唔駛我去讚，要買o既師兄買o左，

未買o既我都無謂多口水。

CCToys 鐵甲萬能俠Zero

大隻、重手、靚仔、高可動，仲要唔貴。

集Fewture、Bandai、老千優點於一身。

最重要係，出o左半年，仲未聽過有乜易爛報告！！！

你仲想點？

超合金魂巨獸特搜惑星巨人Daileon

說到宇宙刑事，我只識一隻卡邦，小時候擁有過玩具，

所以早前見展出過卡邦的機械飛龍、超次元光速機，自然是我目標之內。

至於謝邦、沙邦（不知有沒有記錯），

我後來睇公仔書見過，不過造型太卡邦改色，

直覺以為只係卡邦的助手，所以沒再留意。

（比較之下，幪面超人每一代都造型鮮明、有不同個性。或可反證這是成功之道。）

一句講晒，我唔識呢隻惑星巨人，為儲而買，

不過入手之後意外喜歡，甚至有D玩到停唔到手。

外型忠於原設，靚唔靚都冇得講。

玩具十分重手，合金控先加一分。

變形十分順手，邏輯清晰，

唔駛睇說明書都可以變晒（只差腰部小甲，我要偷看盒面確定）。

係男人都知，

一興奮都鍾意啪啪啪啪聲，

亦係合金玩具所獨有，可惜近年合金都少有呢枝歌仔唱。

呢隻變形，

未至於有當年popy合金啪啪啪啪聲效果，

但係偶然真係爽到有得啪一兩下俾你聽。

Metal Robot Barbatos 狼式

由機設到故事，【鐵血的孤兒】都令我一見傾心。

尤其機設，Barbatos 就像 Tune A 般巔覆了過往高達形象，

但又絕對比當年Tune A易入口。

加上各式豪邁的冷兵器，絕對大愛！

我已經十年冇砌過模型，因為愛，我就特地去買了一盒MG砌砌解毒。

至於為甚麼一開始冇考慮MR，純粹係因為想配合家中高達收藏的比例。

MG是好的，但實在不利把玩，

就是撇除模型邊玩邊掉件的宿命，

MG 巴巴托斯的活動表現仍很不理想，

尤其腰部，睇就好多關節，實際冇得郁。

最後還是買了一隻MR，更是近日易買的狼式。

首先活動能力真係好好，點扭都得，

然後係各種武器配件，多到玩唔晒，相當盡興。

惟一不足真係比例，冇得同主流高達收藏-----MB玩對打。

超合金魂 GX-100 宇宙飛龍

選佢做全年十大我都知會俾人笑。

冇法，作為七十後超級機械人Fans，對宇宙飛龍真係有大愛。

純個人……講明係純個人感覺，我心目中最有份量係金毛獅王，第二就係宇宙飛龍。

所以此龍我必收！收貨之後，只要佢製作冇乜特別乞我憎地方，我就收貨，自動成為最愛。

玩具嘛，喜歡就好。

這兩年難捱，

新一年又未見有甚麼好消息，

我知各位師兄未必順心。
年年難過年年過，
謹祝大家平安健康，
身外物係小事，
有粥食粥有飯食飯、有MB玩MB冇MB玩ML，

一時手緊買唔到心頭好唔緊要，第日發達再雙入三入。

又或者考慮下出旺區伏擊土豪德，搶走佢手上玩具！
橫豎佢成日話D 玩具唔係佢嘅~~~~

S2000AP1

好耐冇睇到有魔術師報告，所以入嚟俾個like
會唔會入埋時事台真三一？

AJ

又係時候自己走去飲毒藥，看看有什麼負擔到，有趣，而錯過了的好毒藥先

Garycharm

講幾隻今年「不好吃」的玩具和一隻特別推介

沒人疼的超合金魂Getter D2

設計舊、冇嘢玩、
矮ARC 一個頭，賣得比ARC 更加貴，
雙翼只有一個簡單關節，只能夠上下開合，
令我立即擔心未來真三一設計。




致敬 NECA 的 SHM 機械哥斯拉

小機關，冇嘢玩。
爛膠上灰銀色，除了水口處理得比較好之外，
根本就係一隻NECA 。





SHF Eternals 成個系列

嗯⋯⋯未至於好差，算可以列入不好吃系列。

先可以讚讚件衫好靚，
尤其Sersi ，一件頭長袍真係靚。
至於可以擺幾耐，就係日後嘅事。

不過係列頭雕差，貴ML幾倍價錢，
質素竟然遠遠不如。





冇着褲嘅 ML Surtur

大而不當，
尤其髖關節更係慘不忍睹。

透明紅膠睇落幾靚，
……呢個係我自己問題……
當年玩得多Toybiz ，
直覺會覺得好快溶膠，
總有啲驚驚地。





完全輸俾麥加登嘅 Kingdom 奧迪姆

眾所9知，
依家孩記 Voyager class 等如以前 Legend，

本來對佢都冇乜期望。
不過作為重要角色，佢出得實在太 Hea ，
變大猩猩之後，臀部大髀處理唔知想點，
點擺都唔靚。
加上好自然同十幾廿年前嗰隻比較，
自然失望。





以上只係一些「不好吃玩具」，
我全年所入，真正hihi係以下呢隻：

麥記 二年班 Batman

造型誇啦啦，未出已經期待，
收到小出聲。

外型仍然真係好有型，
但係好睇唔好玩。

玩具有以下這個硬膠長袍形態，
亦可以換件方式變返普通 Batman figure，
值得一讚係普通形態之下，
長袍係用布造-----
唔會特別靚，不過始終罕有。

玩具最大問題係整體質素，
硬膠長袍難裝亦難擺位，
長袍之下，
我搞咗20分鐘，
都未能夠將Batman對腳放正位置。

另外Batman body亦有問題，
會斷手斷腳，
冇爆膠，冇爛，全部可以自己黐返。
但係始終冇癮～

真係覺得麥當勞玩具質素都好過佢！




特別推介------Magic Mixes

最後介紹一件奇怪玩具，
而家大家行玩具反斗城都會見到，
網上亦有影片介紹。
推薦俾屋企有3-7歲小朋友嘅師兄們。

玩法大概係小朋友自己加水加「藥物」，
搞一輪，個煲會自己出現，最後變一隻毛公仔。

而家玩具反斗城套裝附有三份藥物，
只夠玩三次。如果再買，
就要另外買補充裝，每盒$99 ，入面有兩份藥物。

價錢真係幾貴，
但係我建議大家將佢當真正魔術去同仔女玩，
一定平過你請一次魔術師。

記住，父母事前先好好睇說明書，
用一份藥物去綵排一次，冇信心嘅話，
就用多一份藥物綵排多次。
（嗯，講個秘密俾你知，
綵排其實不一定要用魔藥，只要加水。）

然後同屋企嘅小朋友玩，
你教佢去變，
由佢落魔藥、由佢攪攪攪，
你只係從旁提示，
最後個煲會自動變出毛公仔！

最重要記住：魔術，只玩一次，
你會得到意想不到嘅樂趣。

我做魔術表演近三十年，
呢個係其中一個最令小朋友瘋狂o既魔術！

玩完之後，收埋個煲，你甚至可以掉o左佢
的確好似屣o左件玩具，
不過你哋會製造一個好深刻嘅magicmoment

當然，你保存個煲，
過幾年等小朋友大個咗啲，
唔再相信真魔術之後，可以俾佢玩，
教佢變魔術。

kagaloo

多謝分享!
一向都很喜歡魔術師的posts.
魔術師文字到家，一針見血，有獨特觀感，有個人見解，有玩物的心.
希望來年可以看到更多posts.
更希望魔術師同各玩迷來年漸入佳景.

mpp025

我都覺得文字寫得好好，看了後有些甚至笑了出來，謝謝你用心的分享
也祝福你及大家如遇上困難，能排除萬難，事事顺景

mushroom

巨獸特搜惑星巨人Daileon, bandai最醒係將人氣唔高嘅作品整得好

好在睇下魔術師報告，唔係會入咗 ML Surtur

Douglas.M.Saint

Support for your post but dislike for your list sentence...

安魂曲

多謝分享推介，也祝大家長買長有

fallout8

多謝魔術師分享，唔知來緊虎年有咩心水想買呢

diokfic

多謝分享, 麥記 二年班 Batman , 衰得過麥記, 咁佢真係幾衰吓.

nela

每年期待既一個post. 當然要 like

原來C兄真係魔術師

Garycharm

fallout8 發表於 13-1-2022 08:41 AM
多謝魔術師分享，唔知來緊虎年有咩心水想買呢

咪又係果D~~~
都係合金為主：

CCT真三、

笨大真三、大鐵人，至於菜系，會睇角色。

AT 光速（如有）、又，如果終於肯找天地雙龍條數，我必入、

Pose+已公佈角色唔o岩我。包括所有勇者系（未見的GGGG除外）。

鐵機巧角色九成唔o岩我，事實上過往作品外型我都冇一隻鍾意。

老千，以後唔敢買。

韓佬5pro，價錢太貴加上如果角色已有其他產品，通常放棄。比較雞肋。

Metal Robot，睇角色，Heavy Metal 主要角色全收，聖戰士只限雪霸昆霸。

記得好似3A有隻機甲界加里昂，都會入。

其他冇乜特別。

fallout8

Garycharm 發表於 14-1-2022 10:17 AM
咪又係果D~~~
都係合金為主：

CCSToys好似重有隻萬能俠...

https://m.weibo.cn/detail/4647345415263037